यूहन्‍ना 5:26 - नेवाः बाइबल

²⁶ परमेश्‍वर बाः जीवनया मुहान खः, अथे हे वय्‌कलं थःकाय्‌यात नं जीवनया मुहान यानादिल।

यूहन्‍ना 5:26 ပူးပေါင်းရင်းမြစ်များ

भजनसंग्रहया सफू 36:9

छि फुक्‍क जीवनया मुहान खः। छिगु जलं हे जिमिसं खंकाच्‍वना।

भजनसंग्रहया सफू 90:2

पहाडत दये न्‍ह्यः, छिं पृथ्‍वी व संसारयात सृष्‍टि यानादी न्‍ह्यः निसें, अले शुरुंनिसें लिपा तकं छि हे परमेश्‍वर खः।

प्रस्‍थान 3:14

परमेश्‍वरं मोशायात धयादिल, “जि सु खः व हे खः। वय्‌कलं हाकनं धयादिल, छं इस्राएलीतय्‌त थथे धा, ‘जि खः धाःम्‍हय्‌सिनं जितः छिमिथाय् छ्वयाहःगु खः।’”

यर्मिया 10:10

तर परमप्रभु ला सत्‍य परमेश्‍वर खः, वय्‌कः ला, म्‍वाःम्‍ह परमेश्‍वर व सदांयाम्‍ह जुजु खः। वय्‌कः तंचायादीबलय् पृथ्‍वी खाइ। जाति जातितय्‌सं वय्‌कःया तं सह याये फइ मखु।

यूहन्‍ना 1:4

जीवन वय्‌कःयाके दु। व हे जीवन मनूतय्‌त मदय्‌कं मगाःगु जः खः।

यूहन्‍ना 10:18

जितः सुनानं स्‍याये फइ मखु, बरु जि थःयसें सिना बीत्‍यनागु खः। जि थथःम्‍हं तुं सीगु नं व हानं म्‍वाना वयेगु नं जिके अधिकार दु। जितः जिमि बाःनं बियादीगु आज्ञा नं थ्‍व हे खः।”

यूहन्‍ना 11:25

वय्‌कलं धयादिल – “सीम्‍ह म्‍वाकीम्‍ह व जीवन बीम्‍ह जि हे खः। जितः विश्‍वास याःम्‍ह मनू सीसां म्‍वाना वइ।

यूहन्‍ना 11:26

अले म्‍वानाच्‍वंपिं मनूतय्‌सं जितः विश्‍वास याःसा गुबलें हे सी मखु। छिं थ्‍व खँय् विश्‍वास यानादिया ला?”

यूहन्‍ना 14:19

भचा जाय्‌काः संसारं जितः खनी मखुत। अय्‌नं छिमिसं धाःसा जितः खनी, छाय्‌धाःसा जि न्‍ह्याबलें दु, अले छिपिं नं न्‍ह्याबलें दइ।

यूहन्‍ना 14:6

वय्‌कलं धयादिल – “लँ, सत्‍य व जीवन जि हे खः। जिपाखें हे जक बाःयाथाय् वने फइ।

यूहन्‍ना 4:10

येशूं वयात धयादिल – “छं परमेश्‍वरं बियादीगु दान स्‍यूगु जूसा, अले छंके लः फ्‍वंम्‍हय्‌सित म्‍हस्‍यूगु जूसा, छं वयाके हे लः त्‍वनेत फ्‍वनीगु जुइ। अले वं हे छन्‍त जीवन दइगु लः बीगु जुइ।”

यूहन्‍ना 6:57

जितः छ्वयाहयादीम्‍ह बाः गथे न्‍ह्याबलें म्‍वानाच्‍वनी, अथे हे बाःनं यानाः जि नं न्‍ह्याबलें म्‍वानाच्‍वनी। थुकथं जितः नःम्‍ह मनू नं जिं यानाः म्‍वानाच्‍वनी।

यूहन्‍ना 8:51

जिं छिकपिन्‍त खःगु खँ धाये – जिगु वचन मानय् याइम्‍ह मनू गुबलें हे सी मखु।”

प्रेरित 17:25

हानं थ्‍व हे परमेश्‍वर मनूतय्‌त माःगु जीवन, सासः, अले हानं माक्‍व चिज बियादीम्‍ह खः धासेंलि मनूतय्‌सं हानं परमेश्‍वरयात छुं हे छायेमाःगु मदु।

१ कोरिन्‍थी 15:45

धर्मशास्‍त्रय् नं थथे च्‍वयातःगु दु – “दकलय् न्‍हापायाम्‍ह आदम जीवन काःम्‍ह जुल। दकलय् लिपायाम्‍ह आदम जीवन बीम्‍ह आत्‍मा जुल।”

१ तिमोथी 1:17

न्‍ह्याबलें दयाच्‍वनीम्‍ह जुजु, गुबलें सी मखुम्‍ह, खने मदुम्‍ह छम्‍ह हे जक परमेश्‍वर न्‍ह्याबलें तःधनेमा अले वय्‌कःयात हे फुक्‍कसिनं हनेमा। आमेन।

१ तिमोथी 6:16

वय्‌कः न्‍ह्याबलें दयाच्‍वनीम्‍ह, सुं हे वने फइ मखुगु जलय् च्‍वनीम्‍ह खः। वय्‌कःयात आः तक सुनानं खंगु मदुनि, अले खनी नं मखु। सदां दयाच्‍वनीगु शक्ति वय्‌कःयाके हे दयाच्‍वनेमा, अले वय्‌कः न्‍ह्याबलें तःधनेमा। आमेन।

हिब्रू 1:2

तर आः दक्‍वसिबय् लिपा वय्‌कः थः काय्‌पाखें झीपिंलिसें नवानादीगु दु। काय्‌यात हे वय्‌कलं फुक्‍क सृष्‍टिया हामा यायेत ल्‍ययादिल। वय्‌कःपाखें हे थ्‍व संसारयागु सृष्‍टि यानादिल।

प्रकाश 21:6

वय्‌कलं जितः धयादिल – “आः सिधल। अल्‍फा व ओमेगा जि हे खः। शुरु व अन्‍त जि हे खः। प्‍याचाःपिन्‍त जिं जीवनया बुंगाःयागु लः सितिकं त्‍वंके।

प्रकाश 22:1

अले स्‍वर्गदूतं जितः स्‍फटिक थें यचुसे च्‍वंगु अनन्‍त जीवन बीगु लः दुगु खुसि क्‍यनाबिल। थ्‍व खुसि परमेश्‍वर व चीधिकःम्‍ह भ्‍याःचायागु सिंहासनं पिचायाः

प्रकाश 22:17

आत्‍मा व भम्‍चां धयादी – “झासँ।” अथे हे न्‍यनीपिन्‍सं नं “झासँ” धकाः धा। प्‍याचाःपिन्‍सं व इच्‍छादुपिन्‍सं वयाः जीवनयागु लः सितिकं त्‍वँ।

प्रकाश 7:17

सिंहासनयागु दथुइ च्‍वंम्‍ह चीधिकःम्‍ह भ्‍याःचा हे इमित ज्वइम्‍ह जुइ। अले इमित वय्‌कलं हे गुबलें मसुइगु बुंगाःचाय् ब्‍वना यंकादी। अले परमेश्‍वरं हे इमिगु मिखाय् च्‍वंगु ख्‍वबि हुयादी।”