यूहन्‍ना 5:25 - नेवाः बाइबल

²⁵ “जिं छिमित खःगु खँ धाये – ई वयाच्‍वंगु दु, अले व ई थ्‍व हे खः – सीपिन्‍संनापं परमेश्‍वरया काय्‌यागु सः ताइ, अले सुनां न्‍यनी, इपिं म्‍वाइ।

यूहन्‍ना 5:25 ပူးပေါင်းရင်းမြစ်များ

लूका 15:24

छाय्‌धाःसा थ्‍व जिमि काय् सी धुकूम्‍ह हानं म्‍वानावल, तने धुंकूम्‍ह हानं लुल।’ अले भ्‍वय् नयाः न्‍ह्यइपुकल।”

लूका 15:32

थौं ला भ्‍वय् न्‍याय्‌काः लय्‌ताय् माःगु दिं खः, छाय्‌धाःसा छं किजा सी धुंकूम्‍ह हानं म्‍वानावल, तने धुंकूम्‍ह हानं लुल।’”

लूका 9:60

अले वय्‌कलं लिसः बियादिल – “सीम्‍हयात सीम्‍हय्‌सिनं हे थुनी। छ वनाः परमेश्‍वरयागु राज्‍ययागु खँ न्‍यंकाब्‍यु।”

यूहन्‍ना 13:1

छुत्‍काराया नखः न्‍ह्यः येशूं थ्‍व संसारं बाःयाथाय् वनेगु ई वल धकाः सीकाः संसारय् च्‍वंपिं थः चेलातय्‌त माया यानादिल। वय्‌कलं अन्‍ततक हे इमित माया यानादिल।

यूहन्‍ना 17:1

थुलि धयादी धुंकाः येशूं स्‍वर्गय् थस्‍वयाः धयादिल – “बाः, ई वये धुंकल, छि काय्‌यात तःधंकादिसँ, अले काय्‌नं नं छितः तःधंकी।

यूहन्‍ना 4:21

वय्‌कलं वयात धयादिल – “मय्‌जु, विश्‍वास यानाः बांलाक न्‍यना का। ई वयाच्‍वंगु दु, गुबलय् छिमिसं परमेश्‍वर बाःयात आराधना यायेत न यरूशलेमय् न थ्‍व पहाडय् हे वनेमाली।

यूहन्‍ना 4:23

अय्‌नं ई वयाच्‍वंगु दु, व आः हे खः, बाःयात आराधना याइपिन्‍सं आत्‍मां व सत्‍यं याइ। वय्‌कःयात नं थुकथं आराधना याइपिं जक यः।

यूहन्‍ना 5:21

गथे बाःनं सीपिन्‍त म्‍वाकाः जीवन बियादी, अथे हे काय्‌यात यःपिन्‍त नं काय्‌नं जीवन बियादी।

यूहन्‍ना 5:28

थ्‍व खँय् अजू चाये मते, सी धुंकूपिन्‍संनापं वय्‌कःयागु सः ताइगु ई वयाच्‍वंगु दु।

यूहन्‍ना 6:60

थ्‍व न्‍यनाः वय्‌कःया चेलातय्‌सं धाल – “थ्‍व ला तसकं थाकुगु खँ खः, थज्‍याःगु खँ सुनां न्‍यने फइ?”

यूहन्‍ना 8:43

जिं धयागु खँ छिकपिन्‍सं गथे मथूगु? जिगु खँ न्‍यने मास्‍ति मवःगुलिं छिकपिन्‍सं जिगु खँ मथूगु खः।

यूहन्‍ना 8:47

परमेश्‍वरया मनुखं जक परमेश्‍वरयागु खँ न्‍यनी। छिकपिं परमेश्‍वरयापिं मनूत मखुगुलिं छिकपिन्‍सं जिं धयागु खँ न्‍यनामदीगु खः।”

यूहन्‍ना 9:27

वं इमित लिसः बिल – “जिं छिकपिन्‍त न्‍हापा हे धायेधुन, छिकपिन्‍सं न्‍यनामदी। व हे खँ हानं छाय् न्‍यनादियागु? छिकपिं वय्‌कःया चेला जुइ मास्‍ति वः ला कि छु?”

रोमी 6:4

थुकथं झीसं बप्‍तिस्‍मा कयाबलय् झीपिं नं वय्‌कः थें तुं सी धुंकूगुलिं वय्‌कः नाप झीत नं थुने धुंकल। थथे सीधुंकाः ख्रीष्‍टयात परमेश्‍वर बाःयागु अजू चाइपुगु शक्तिं म्‍वाकादीगुलिं झीपिं नं न्‍हूगु जीवनया पहलं म्‍वानाच्‍वनेमा।

एफिसी 2:1

छिपिं थःगु अपराध व पापं यानाः सीपिन्‍त वय्‌कलं म्‍वाकादिल।

एफिसी 2:5

झीपिं सीपिं मनूत थें पापी जुया च्‍वंसां ख्रीष्‍टं झीगु पाप क्षमा यानादिल। परमेश्‍वरयागु तःधंगु दया मायां छिमित थथे मुक्ति बियादीगु खः।

एफिसी 5:14

छाय्‌धाःसा जलय् वल कि जलं खइ। उकिं थथे नं च्‍वयातःगु दु – “अय् न्‍ह्यःगुलु दँ, सीपिं म्‍वाना वा। अले ख्रीष्‍ट येशूं छिमित जः बियादी।”

कलस्‍सी 2:13

न्‍हापा पाप यानाच्‍वंगुलिं व व्‍यवस्‍था मानय् मयाइपिं यहूदीमखुपिं जूगुलिं छिपिं सीपिं थें जुयाच्‍वंगु खः। आः धाःसा परमेश्‍वरं छिमित ख्रीष्‍टनापं तुं म्‍वाकादीगु दु। अले छिमिगु पाप फुक्‍कं क्षमा यानादीगु दु।

प्रकाश 3:1

“सार्डिसय् च्‍वंगु मण्‍डलीयाम्‍ह दूतयात थथे धकाः च्‍वया छ्व – परमेश्‍वरया न्‍हय्‌म्‍ह आत्‍मा व न्‍हय्‌गः नगु दुम्‍हय्‌सिनं थथे धयादी – “छिमिसं यानाच्‍वंगु ज्‍याखँ जिं स्‍यू। मनूतय्‌सं छिपिं म्‍वानाच्‍वंपिं खः धकाः बिचाः याइ, अय्‌नं धात्‍थें धाये धाःसा छिपिं सीपिं खः।