यूहन्‍ना 5:24 - नेवाः बाइबल

²⁴ “जिं छिमित खःगु खँ धाये – जिगु खँ न्‍यनाः जितः छ्वया हःम्‍हय्‌सित सुनां विश्‍वास याइ, वयात अनन्‍त जीवन दइ। थज्‍याःम्‍ह मनूयागु न्‍याय जुइ मखु, बरु सीम्‍वाय्‌क अनन्‍त जीवन दये धुंकी।”

यूहन्‍ना 5:24 ပူးပေါင်းရင်းမြစ်များ

मत्ती 25:46

“थुमित सदां सास्‍ती बिया तइ। अले परमेश्‍वरं धयादी थें यानाच्‍वंपिन्‍त जक अनन्‍त जीवन दइ।”

मर्कूस 16:16

विश्‍वास यानाः बप्‍तिस्‍मा काःम्‍ह बचय् जुइ, विश्‍वास मयाःपिं दोषी ठहरय् जुइ।

यूहन्‍ना 11:26

अले म्‍वानाच्‍वंपिं मनूतय्‌सं जितः विश्‍वास याःसा गुबलें हे सी मखु। छिं थ्‍व खँय् विश्‍वास यानादिया ला?”

यूहन्‍ना 12:44

येशूं तस्‍सलं धयादिल – “जितः विश्‍वास याःपिन्‍सं जितः जक विश्‍वास याःगु मखु, बरु जितः छ्वया हयादीम्‍हय्‌सित विश्‍वास याःगु खः।

यूहन्‍ना 20:31

अय्‌नं छिमिसं येशू परमेश्‍वरया काय्, मुक्ति बीम्‍ह ख्रीष्‍ट हे खः धकाः विश्‍वास याये फयेमा, अले विश्‍वास यानाः वय्‌कःयागु नामय् छिमित जीवन दयेमा धकाः थ्‍व च्‍वयातःगु खः।

यूहन्‍ना 3:16

“परमेश्‍वरं संसारयात यक्‍व माया यानादीगुलिं वय्‌कःयात विश्‍वास याःपिं मनूत नाश मजुइमा, बरु इमित अनन्‍त जीवन दयेमा धकाः थः याकः काय्‌यात तकं बियादिल।

यूहन्‍ना 3:18

“वय्‌कःयात विश्‍वास याःपिं मनूतय्‌गु न्‍याय जुइ मखु, परमेश्‍वरया याकः काय्‌यात विश्‍वास मयाःपिं मनूतय्‌गु धाःसा न्‍याय जुइ हे धुंकल।

यूहन्‍ना 3:36

वय्‌कःया काय्‌यात विश्‍वास याइम्‍हय्‌सिके अनन्‍त जीवन दु। काय्‌नं धाःगु मानय् मजूम्‍हय्‌सिनं थज्‍याःगु जीवन कायेखनी मखु, थज्‍याःम्‍हय्‌सित परमेश्‍वरं तं दिकादी।”

यूहन्‍ना 4:36

सुनां बाली लइ, वयात ज्‍याला दइ, अले अनन्‍त जीवनया निंतिं फल मुंके खनी। थुकथं पुसा ह्वःम्‍ह नं, बाली लःम्‍ह नं लय्‌ताय् दइ।

यूहन्‍ना 6:40

काय्‌यात खंपिं व विश्‍वास याःपिन्‍त अनन्‍त जीवन बीगु हे जिमि बाःयात यःगु खँ खः। अले जिं इमित दकलय् लिपायागु दिनय् म्‍वाका बी।”

यूहन्‍ना 6:47

“जिं छिमित खःगु खँ धाये, सुनां विश्‍वास याइ, वयाके अनन्‍त जीवन दइ।

यूहन्‍ना 6:50

तर स्‍वर्गं क्‍वहां वःगु थ्‍व मरि नःपिं सुं नं सी मखु।

यूहन्‍ना 6:51

स्‍वर्गं वःगु अनन्‍त जीवन दुगु मरि जि हे खः। थ्‍व मरि सुनानं नल धाःसा व न्‍ह्याबलें म्‍वानाच्‍वनी। संसारयात जिं बीत्‍यनागु अनन्‍त जीवन बीगु मरि जिगु म्‍ह खः।”

यूहन्‍ना 6:58

स्‍वर्गं वःगु मरि थ्‍व हे खः। छिमि तापाःबाज्‍यापिन्‍सं मन्‍ना नयाः नं सिनावन, थ्‍व अज्‍याःगु मरि मखु, थ्‍व मरि नःम्‍ह मनू गुबलें हे सी मखु।”

यूहन्‍ना 8:51

जिं छिकपिन्‍त खःगु खँ धाये – जिगु वचन मानय् याइम्‍ह मनू गुबलें हे सी मखु।”

रोमी 8:1

अय्‌जूगुलिं ख्रीष्‍ट येशू नाप मिलय् जुयाच्‍वंपिं दोषी जुइ मखु।

१ थेसलोनिकी 5:9

परमेश्‍वरं झीत सजाँय बीत सःतादीगु मखु, बरु झी प्रभु येशू ख्रीष्‍टपाखें मुक्ति बीत सःतादीगु खः।

१ पत्रुस 1:21

वय्‌कलं यानाः हे छिमिसं परमेश्‍वरयाके भरोसा तये फत। स्‍याये धुंकूम्‍हय्‌सित परमेश्‍वरं म्‍वाकाः तःधंकादिल। थथे यानादीगुलिं हे छिमिगु विश्‍वास व आशा परमेश्‍वरयाके दयाच्‍वंगु खः।

१ पत्रुस 1:5

परमेश्‍वरयात छिमिसं क्‍वात्तुक विश्‍वास यानाच्‍वंगुलिं वय्‌कःयागु शक्तिं छिमित मुक्ति बियादी। दकलय् लिपा थ्‍व मुक्ति छिमिगु न्‍ह्यःने खनेदः वइ।

१ यूहन्‍ना 3:14

झी मृत्‍युं जीवनय् न्‍ह्याये धुन धयागु थुकिं हे सी दु। झीसं थः दाजुकिजापिन्‍त माया याना। थः दाजुकिजापिन्‍त माया मयाइम्‍ह मनू कालयागु ल्‍हातय् हे लानाच्‍वनी।

१ यूहन्‍ना 5:1

येशूयात मुक्ति बीम्‍ह ख्रीष्‍ट खः धकाः विश्‍वास याना जूपिं मनूत परमेश्‍वरया सन्‍तान खः। परमेश्‍वर बाःयात माया याइम्‍हय्‌सिनं वय्‌कःया काय्‌यात नं माया याइ।