यूहन्‍ना 5:23 - नेवाः बाइबल

²³ अय्‌जूगुलिं गथे बाःयात फुक्‍कसिनं मानय् याः अथे हे काय्‌यात नं फुक्‍कसिनं मानय् यायेमाः। काय्‌यात मानय् मयाःम्‍हय्‌सिनं काय्‌यात छ्वयाहःम्‍ह बाःयात नं मानय् मयाःगु जुइ।

यूहन्‍ना 5:23 ပူးပေါင်းရင်းမြစ်များ

भजनसंग्रहया सफू 2:12

वय्‌कःया काय्‌यात हनाबना ति। मखुसा वय्‌कः तंम्‍वयादी अले वय्‌कलं छिमित नाश यानादी। वय्‌कःया शरणय् वंपिं धाःसा धन्‍य जुइ।

यशैया 42:8

“जि परमप्रभु खः, जिगु नां थ्‍व हे खः, जिगु महिमा जिं मेपिन्‍त बी मखु, जिगु प्रशंसा मूर्तितय्‌त बी मखु।

यशैया 44:6

इस्राएलया जुजु व उद्धार यानादीम्‍ह, दक्‍व शक्ति दुम्‍ह परमप्रभुं थथे धयादी – “जि हे शुरु व अन्‍त खः। जि बाहेक मेपिं सुं नं परमेश्‍वर मदु।

यशैया 45:15

हे परमेश्‍वर, इस्राएलया मुक्तिदाता। धात्‍थें छि हे परमेश्‍वर खः, सुनां थःत सुपिका तयादी।

यशैया 45:21

आः जूवइतिनिगु खँया बारे धा। छिपिं थःथवय् सल्‍लाह या। थ्‍व खँ यक्‍व दँ न्‍ह्यः सुनां धयाबिल? न्‍हापांनिसें सुनां धयाबिल? छु जि परमप्रभुं हे मखु ला? जि बाहेक मेपिं सुं परमेश्‍वर मदु। छम्‍ह धर्मी व मुक्ति बीम्‍ह परमेश्‍वर, जि बाहेक मेपिं सुं नं मदु।

जकरिया 9:9

हे म्‍ह्याय् सियोन, लय्‌ताया च्‍वँ! हे म्‍ह्याय् यरूशलेम तसलं हा! स्‍व, छिमि जुजु छिमिथाय् झायादीगु दु। वय्‌कः धर्मीम्‍ह व मुक्ति बियादीम्‍ह खः। वय्‌कः क्‍वमिलुम्‍ह खः, वय्‌कः गधा गया, गधाया मचा गयाः झायादीगु दु।

मत्ती 10:37

“जितः स्‍वयाः थः मां बौयात अप्‍वः माया याइम्‍ह मनू जिगु ल्‍यूल्‍यू वये फइ मखु। अथे हे थःकाय् म्‍ह्याय्‌पिन्‍त जितः स्‍वयाः अप्‍वः माया याइम्‍ह मनू नं जिगु ल्‍यूल्‍यू वये फइ मखु।

मत्ती 11:27

“बाःनं हे फुक्‍क जिगु ल्‍हातय् तयादीगु खः। काय्‌यात सुनानं म्‍हमस्‍यू, बाःनं जक काय्‌यात म्‍हस्‍यू। अले बाःयात नं सुनानं म्‍हमस्‍यू, काय्‌नं जक स्‍यू। काय्‌नं म्‍हसीका ब्‍यूपिन्‍सं जक बाःयात म्‍हसी।”

मत्ती 12:21

अले जात जातियापिन्‍सं थ्‍वयागु हे नामय् आशा यानाच्‍वनी।”

मत्ती 15:8

“‘थुमिसं म्‍हुतुं ला जितः तसकं हनाबना तइ। नुगलं धाःसा थुपिं तसकं तापाना च्‍वनी।

मत्ती 28:19

अय्‌जूगुलिं छिपिं वनाः फुक्‍क जातियापिं मनूतय्‌त चेला दय्‌कि। अले इमित परमेश्‍वर बाःयागु नामं, काय्‌यागु नामं व पवित्र आत्‍मायागु नामं बप्‍तिस्‍मा ब्‍यु।

लूका 10:16

थुलि धयादी धुंकाः वय्‌कलं चेलातय्‌त धयादिल – “छिमिगु खँ न्‍यंपिन्‍सं जिगु हे खँ न्‍यंगुति ग्‍यनी। अले छिमित मयःगु जितः मयःगुति हे ग्‍यनी। अले जितः मयःगु ला जितः छ्वया हःम्‍हय्‌सित मयःगुति हे ग्‍यनी।”

यूहन्‍ना 14:1

“छिमिसं नुगः मछिंके मते, परमेश्‍वरयात विश्‍वास याःथें जितः नं विश्‍वास या।

यूहन्‍ना 16:14

वय्‌कलं जिगु खँयात कयाः छिमित थथे कनाः जितः तःधंकादी।

यूहन्‍ना 17:10

जिगु फुक्‍कं छिगु खः, छिगु फुक्‍कं जिगु खः। थुकथं इमिसं यानाः जि तःधं जूगु खः।

रोमी 1:7

परमेश्‍वरं सःताः पवित्र यानातःपिं रोमय् च्‍वंपिं परमेश्‍वरया यःपिं फुक्‍कसित छिमित झी परमेश्‍वर बाः व प्रभु येशू ख्रीष्‍टया दया माया व शान्‍ति दयेमा।

रोमी 15:12

अले यशैयां नं थथे धाःगु दु – “यिशैया सन्‍तान दइ, वं यहूदीमखुपिन्‍त राज्‍य याइ। अले इमिसं वय्‌कःयाके हे आशा तइ।”

रोमी 6:22

आः धाःसा छिमित पापं त्‍वःतका बी धुंकूगुलिं छिपिं परमेश्‍वरया दास जुल। थथे छिमिसं वय्‌कःयात यःथें जक याःगु पलेसाय् छिमित अनन्‍त जीवन दइ।

रोमी 8:9

धात्‍थें परमेश्‍वरयागु आत्‍मा छिमिके दु धयागु जूसा शरीरयात यःथें यानाजुइपिं मखु, बरु आत्‍मायात यःथें यानाजुइपिं छिपिं खत, अले ख्रीष्‍टयागु आत्‍मा मदुम्‍ह मनू ख्रीष्‍टयाम्‍ह मनू जुइ फइ मखु।

१ कोरिन्‍थी 1:3

झी परमेश्‍वर बाः व प्रभु येशू ख्रीष्‍टं दया माया व शान्‍ति बियादीमा।

१ कोरिन्‍थी 10:31

अय्‌जूगुलिं छिमिसं नःसां त्‍वंसां न्‍ह्यागु याःसां परमेश्‍वरया महिमाया निंतिं या।

१ कोरिन्‍थी 16:22

प्रभुयात माया मयाइम्‍हय्‌सित धिक्‍कार दु। “हे जिमि प्रभु, झायादिसँ।”

१ कोरिन्‍थी 6:19

छिमिगु म्‍ह पवित्र आत्‍मा च्‍वनादीगु देगः खः धकाः मस्‍यू ला? उकिं छिमिगु म्‍हय् परमेश्‍वरं छ्वयाहयादीम्‍ह पवित्र आत्‍मा च्‍वनादी। अय्‌जूगुलिं छिमिगु म्‍ह छिमिगु थःगु मखु।

२ कोरिन्‍थी 1:9

जिमिसं ला “सि हे सित” धाये धुनागु। थःके भरोसा मतसे सीपिन्‍त म्‍वाकादीम्‍ह परमेश्‍वरयाके भरोसा तयेमा धकाः क्‍यनेत थथे जूगु खः।

२ कोरिन्‍थी 13:14

प्रभु येशू ख्रीष्‍टयागु दया, परमेश्‍वरयागु माया, अले पवित्र आत्‍मायागु संगति छिपिं सकल नाप दयाच्‍वनेमा।

२ कोरिन्‍थी 5:14

ख्रीष्‍टं जिमित माया यानादीगुलिं थुकथं जिमिसं ज्‍या यानाच्‍वनेमाःगु खः। फुक्‍क मनूतय्‌गु निंतिं ख्रीष्‍ट सिनादीगु खः, उकिं सिनादीम्‍ह ख्रीष्‍टनाप फुक्‍क मनूत सित।

२ कोरिन्‍थी 5:19

ख्रीष्‍टपाखें फुक्‍क मनूतय्‌त परमेश्‍वरं थःनाप मिलय् यानाच्‍वंगु दु धकाः जिमिसं न्‍यंकाच्‍वनागु दु। मनूतय्‌सं याःगु पापया ल्‍याः तयामदिसे वय्‌कलं सकसितं थःलिसे मिलय् यानादीगु खँ मेमेपिन्‍त नं न्‍यंकेत जिमित धयादीगु दु।

एफिसी 6:24

झी प्रभु येशू ख्रीष्‍टयात दुनुगलंनिसें माया याइपिं फुक्‍कसितं परमेश्‍वरयागु दया माया दयाच्‍वनेमा।

२ तिमोथी 1:12

थ्‍व हे ज्‍यायागु निंतिं जिं थथे दुःखसिया च्‍वनागु खः। थ्‍व ज्‍या यानाः जि लज्‍यामचाया छाय्‌धाःसा जिं सुयात विश्‍वास यानाच्‍वनागु दु व बांलाक स्‍यू। अले प्रभुयात जिं लःल्‍हाना बियागु फुक्‍क वय्‌कलं हानं लिहां झाया मदितले बांलाक बचय् यानातयादी।

हिब्रू 1:6

वय्‌कलं थः दकलय् तःधिकःम्‍ह काय्‌यात संसारय् छ्वया हयादीबलय् थथे धयादिल – “फुक्‍क स्‍वर्गदूततय्‌सं वय्‌कःयागु आराधना यायेमाः।”

२ पत्रुस 1:1

येशू ख्रीष्‍टया दास व प्रेरित सिमोन पत्रुसयापाखें झी परमेश्‍वर व झीत मुक्ति बियादीम्‍ह येशू ख्रीष्‍टयागु धार्मिकतां यानाः जिमिसं थें तःजिगु विश्‍वास काये खंपिं फुक्‍कसित ज्‍वजलपा।

२ पत्रुस 3:18

झी प्रभु व मुक्तिदाता येशू ख्रीष्‍टयागु दया माया अप्‍वः दयावनेमा। अले छिमिसं वय्‌कःयात अझ नं बांलाक म्‍हसीका वने फयेमा। वय्‌कःयागु नां आः व सदां तःधना च्‍वनेमा। आमेन।

१ यूहन्‍ना 2:23

परमेश्‍वरया काय्‌यात मानय् मयाइम्‍ह मनुखं परमेश्‍वर बाःयात नं मानय् याइ मखु। अले वय्‌कःया काय्‌यात मानय् याइम्‍ह मनुखं परमेश्‍वर बाःयात नं मानय् याइ।

२ यूहन्‍ना 1:9

सुनानं येशू ख्रीष्‍टं स्‍यनादीगु खँ मानय् मयासें मेमेगु हे याना जुल धाःसा अज्‍याःम्‍ह मनू नाप परमेश्‍वर च्‍वनादी मखु। तर येशू ख्रीष्‍टं स्‍यनादीगु खँ मानय् याना जूपिं नाप परमेश्‍वर व वय्‌कःया काय् येशू ख्रीष्‍ट निम्‍हं च्‍वनादी।