यूहन्‍ना 5:20 - नेवाः बाइबल

²⁰ बाःनं काय्‌यात माया यानादीगुलिं बाःनं यानादीगु फुक्‍कं काय्‌यात क्‍यनादी। थ्‍व स्‍वयाः नं तःधंगु ज्‍या बाःनं काय्‌यात क्‍यनादी, गुकिं यानाः छिपिं छक्‍क जुइ।

यूहन्‍ना 5:20 ပူးပေါင်းရင်းမြစ်များ

मत्ती 11:27

“बाःनं हे फुक्‍क जिगु ल्‍हातय् तयादीगु खः। काय्‌यात सुनानं म्‍हमस्‍यू, बाःनं जक काय्‌यात म्‍हस्‍यू। अले बाःयात नं सुनानं म्‍हमस्‍यू, काय्‌नं जक स्‍यू। काय्‌नं म्‍हसीका ब्‍यूपिन्‍सं जक बाःयात म्‍हसी।”

मत्ती 17:5

पत्रुसं थथे धयाच्‍वंबलय् तसकं थीगु सुपाँय् वयाः इमित त्‍वपुल। अले सुपाँय् दुनें थथे धयाहःगु सः ताये दत – “थ्‍व जि यःम्‍ह काय् खः। थ्‍व लिसे जि तसकं लय्‌तायागु दु। थ्‍वं धाःगु खँ न्‍यँ।”

मत्ती 3:17

अले स्‍वर्गं थथे धयाहल – “थ्‍व जि यःम्‍ह काय् खः, थ्‍व खनाः जि तसकं लय्‌ताः।”

मत्ती 4:8

अनंलि शैतानं वय्‌कःयात तःजाःगु पहाडय् यंकाः संसारयागु बाबांलाःगु फुक्‍क राज्‍य व उमिगु वैभव क्‍यन।

लूका 10:22

“बाःनं हे फुक्‍क जिगु ल्‍हातय् तयादीगु खः। काय्‌यात सुनानं म्‍हमस्‍यू। बाःनं जक काय्‌यात म्‍हस्‍यू। अले बाःयात नं सुनानं म्‍हमस्‍यू, काय्‌नं जक स्‍यू। काय्‌नं म्‍हसीका बीपिन्‍सं जक बाःयात म्‍हसी।”

यूहन्‍ना 1:18

परमेश्‍वरयात सुनानं गुबलें हे खंगु मदु। अय्‌नं बाः नाप च्‍वंम्‍ह याकः काय्‌नं हे वय्‌कःयात क्‍यनादीगु दु।

यूहन्‍ना 10:32

वय्‌कलं इमित धयादिल – “बाःयापाखें जिं छिकपिन्‍त यक्‍व हे भिंगु ज्‍या यानाः क्‍यनागु दु, उकी मध्‍ये छुकिं यानाः छिकपिन्‍सं जितः ल्‍वहँतं कय्‌केत्‍यना?”

यूहन्‍ना 14:12

“जिं छन्‍त खःगु खँ धाये – जितः विश्‍वास याःम्‍हय्‌सिनं जिं यानागु ज्‍या याइ। अज्‍ज ला जिं यानागु स्‍वयाः नं तःधंगु ज्‍या याइ। छाय्‌धाःसा जि बाःयाथाय् वनाच्‍वना।

यूहन्‍ना 15:15

आवंनिसें जिं छिमित दास धकाः धाये मखुत, छाय्‌धाःसा मालिकं याःगु ज्‍याखँ दासं सी मखु। जिं छिमित जिमि पासापिं धकाः धयागुलिं बाःनं जितः धयादिक्‍व खँ जिं छिमित धयागु दु।

यूहन्‍ना 17:26

जिं इमित छिगु नां म्‍हसीके बिया। अझ नं जिं सीके बीतिनि। छिं जितः माया यानादी थें इमिसं नं याये फयेमा, अले जि इमिके च्‍वने फयेमा।”

यूहन्‍ना 3:35

परमेश्‍वर बाःनं थःकाय्‌यात माया यानादीगुलिं फुक्‍कं वय्‌कःयागु ल्‍हातिइ बियादीगु दु।

यूहन्‍ना 5:21

गथे बाःनं सीपिन्‍त म्‍वाकाः जीवन बियादी, अथे हे काय्‌यात यःपिन्‍त नं काय्‌नं जीवन बियादी।

यूहन्‍ना 5:25

“जिं छिमित खःगु खँ धाये – ई वयाच्‍वंगु दु, अले व ई थ्‍व हे खः – सीपिन्‍संनापं परमेश्‍वरया काय्‌यागु सः ताइ, अले सुनां न्‍यनी, इपिं म्‍वाइ।

यूहन्‍ना 5:29

अले थुपिं म्‍वाना वइ। भिं याःपिन्‍त अनन्‍त जीवन बियादी। अले मभिं याःपिन्‍त न्‍याय यानादी।”

२ पत्रुस 1:17

दकलय् तःधंम्‍ह परमेश्‍वर बाःनं येशूयात तःधंकाः थथे खँ ल्‍हानादीगु जिमिसं हे न्‍यनागु खः – “थ्‍व जि यःम्‍ह काय् खः। थ्‍व खनाः जि तसकं लय्‌ता।”