यूहन्‍ना 5:19 - नेवाः बाइबल

¹⁹ येशूं इमित धयादिल – “जिं छिमित खःगु खँ धाये – काय्‌नं थःगु मनं लुइकाः छुं हे याये फइ मखु, बरु बाःनं याःगु खनाः हे जक याये सइ। थथे जूगुलिं बाःनं छु छु यानादी, काय्‌नं नं व हे याइ।

यूहन्‍ना 5:19 ပူးပေါင်းရင်းမြစ်များ

उत्‍पत्ति 1:1

दक्‍वसिबय् न्‍हापां परमेश्‍वरं आकाश व पृथ्‍वी सृष्‍टि यानादिल।

उत्‍पत्ति 1:26

अले परमेश्‍वरं धयादिल, “मनूयात झीपिं थें हे च्‍वंक व झीगु हे ख्‍वाःलसि वयेक दय्‌के। अले इमित समुद्रय् च्‍वंपिं न्‍यातय्‌त, आकाशय् च्‍वंपिं झंगःपंक्षीतय्‌त, छेँय् लहीपिं फुक्‍क जीवजन्‍तुतय्‌त, फुक्‍क पृथ्‍वीयात व पृथ्‍वीइ घिसय्‌ जुयाजुइपिं जीवजन्‍तुतय्‌त अधिकार याकेब्‍यु।”

भजनसंग्रहया सफू 138:3

जिं छितः ग्‍वाहालिया लागि इनाप यानाबलय् छिं जितः लिसः बियादिल। छिं जितः बल बियाः आँट बियादिल।

भजनसंग्रहया सफू 27:14

परमप्रभुयागु लँ स्‍वयाच्‍वँ। साहस या, थःगु नुगः बल्‍लाकि। परमप्रभुयागु लँ स्‍वयाच्‍वँ।

भजनसंग्रहया सफू 50:6

परमेश्‍वर थः हे न्‍यायाधीश खः। आकाशयात वय्‌कःया धार्मिकता घोषणा याकेब्‍यु! सेला

प्रस्‍थान 4:11

परमप्रभुं वयात धयादिल, “मनूतय्‌गु म्‍हुतु सुनां दय्‌कल? मनूतय्‌त लाता व ख्‍वाँय् सुनां याइ? मनूतय्‌त स्‍वये फुम्‍ह व कां सुनां याइ? छु जि परमप्रभुं हे, मखु ला?

हितोपदेश 2:6

छाय्‌धाःसा परमप्रभुं हे बुद्धि बियादी। अले वय्‌कःया म्‍हुतुं ज्ञान व दुग्‍यांया खँ पिहां वइ।

यशैया 44:24

“परमप्रभुं थथे धयादी, छन्‍त उद्धार यानादीम्‍ह अले छन्‍त गर्भय् दय्‌कादीम्‍ह, “जि हे परमप्रभु खः, गुम्‍हय्‌सिनं फुक्‍कं दय्‌कादिल, गुम्‍हय्‌सिनं याकःचां हे आकाशयात चकंकादिल, गुम्‍हय्‌सिनं थम्‍हं हे पृथ्‍वीयात न्‍यनावंकादिल,

यशैया 45:24

इमिसं जिगु बारे थथे धाइ, ‘परमप्रभुयापाखें जक धार्मिकता व शक्ति वइ।’” वय्‌कःया विरोधय् तंपिकापिं फुक्‍क वय्‌कःयाथाय् हे वइ अले लाजय् लाइ।

यर्मिया 17:10

“जि परमप्रभुं मनूतय्‌गु मनयात दुवालाः स्‍वये, इमिगु नुगःयात जाँचय् याये। छम्‍ह छम्‍हय्‌सित जिं वयागु पहःचहः व ज्‍या स्‍वयाः फल बी।”

मत्ती 26:39

अले भचा उखे झायाः बँय् क्‍वपुसां पुयाः थथे धकाः प्रार्थना यानादिल – “बाः, ज्‍यूसा थ्‍व दुःखयागु ख्‍वला जिथासं चीकादिसँ। अय्‌नं जितः यःथें यानादी मते, छितः यःथें हे यानादिसँ।”

लूका 21:15

छाय्‌धाःसा जिं छिमित थज्‍याःगु खँ व बुद्धि बी, गुकियात छिमि शत्रुतय्‌सं लिसः बी नं फइ मखु, त्‍वाःल्‍हाय् नं फइ मखु।

यूहन्‍ना 10:18

जितः सुनानं स्‍याये फइ मखु, बरु जि थःयसें सिना बीत्‍यनागु खः। जि थथःम्‍हं तुं सीगु नं व हानं म्‍वाना वयेगु नं जिके अधिकार दु। जितः जिमि बाःनं बियादीगु आज्ञा नं थ्‍व हे खः।”

यूहन्‍ना 12:49

जिं नवानाच्‍वनागु वचन जिगु थःगु हे मखु, बरु जिं छु छु धायेमाःगु व नवाये माःगु खः जितः छ्वयाहयादीम्‍ह बाःनं हे उजं बियादीगु खः।

यूहन्‍ना 12:50

वय्‌कःयागु उजं हे अनन्‍त जीवन खः धकाः जिं स्‍यू, उकिं जिं नवानागु खँ फुक्‍कं बाःनं धयादी थें हे नवानागु खः।”

यूहन्‍ना 14:10

जि बाःयाके, अले बाः जिके दी धकाः छं विश्‍वास मयाना ला? जिं छिमित गुलि नं धया, व जिगुपाखें हे धयागु मखु, बरु जिके दीम्‍ह बाःनं हे थःगु ज्‍या यानादी।

यूहन्‍ना 2:19

वय्‌कलं लिसः बियादिल – “थ्‍व देगःयात थुना बियादिसँ, जिं स्‍वन्‍हुं हे थुकियात हानं दय्‌काबी।”

यूहन्‍ना 3:3

वय्‌कलं लिसः बियादिल – “जिं छितः खःगु खँ धाये – न्‍हूकथं हानं जन्‍म मजुइकं मनूतय्‌सं परमेश्‍वरयागु राज्‍य खनी मखु।”

यूहन्‍ना 5:21

गथे बाःनं सीपिन्‍त म्‍वाकाः जीवन बियादी, अथे हे काय्‌यात यःपिन्‍त नं काय्‌नं जीवन बियादी।

यूहन्‍ना 6:38

जि जिगु इच्‍छा मखु बरु जितः छ्वया हयादीम्‍हय्‌सित इच्‍छा पूवंकेत स्‍वर्गं वयाम्‍ह खः।

यूहन्‍ना 8:28

उकिं वय्‌कलं थथे धयादिल – “गुबलय् छिमिसं मनूया काय्‌यात यख्‍खाइ, अबलय् तिनि छिमिसं जि सु खः धकाः सी। जिं थःयसें छुं नं मयाना, बरु बाःनं गुकथं स्‍यनादिल उकथं हे नवाना वन धकाः नं छिमिसं थुइ।

यूहन्‍ना 9:4

झीसं न्‍हि दतले जितः छ्वया हःम्‍हय्‌सिगु ज्‍या यायेमाः, चान्‍हय् सुनानं ज्‍या याइ मखु।

प्रेरित 2:24

अय्‌नं परमेश्‍वरं वय्‌कःयात कालयागु पन्‍जां त्‍वःतकाः म्‍वाकादिल। वय्‌कःयात कालं ज्‍वना तयेगु ला जुइ हे फइ मखुगु खँ खः।

रोमी 6:4

थुकथं झीसं बप्‍तिस्‍मा कयाबलय् झीपिं नं वय्‌कः थें तुं सी धुंकूगुलिं वय्‌कः नाप झीत नं थुने धुंकल। थथे सीधुंकाः ख्रीष्‍टयात परमेश्‍वर बाःयागु अजू चाइपुगु शक्तिं म्‍वाकादीगुलिं झीपिं नं न्‍हूगु जीवनया पहलं म्‍वानाच्‍वनेमा।

रोमी 8:11

सी धुंकूम्‍ह येशूयात म्‍वाकादीम्‍ह परमेश्‍वरया आत्‍मा छिमिके दुसा ख्रीष्‍ट येशूयात सीगुपाखें म्‍वाकादीम्‍हय्‌सिनं छिमिगु सीमाःगु शरीरयात नं म्‍वाकादी।

१ कोरिन्‍थी 15:12

जिमिसं छिमित “सी धुंकूम्‍ह ख्रीष्‍ट हानं म्‍वानावल” धकाः न्‍यंका जुया धाःसा हानं छिपिं मध्‍ये गुम्‍हं गुम्‍हय्‌सिनं सीम्‍ह म्‍वाना वइ मखु धकाः गथे धायेफत?

२ कोरिन्‍थी 4:14

सीम्‍ह प्रभु येशूयात म्‍वाकादीम्‍ह परमेश्‍वरं हे येशूनापं जिमित नं म्‍वाकादी। अले जिमित नं छिमित नं परमेश्‍वरं थःनाप तयादी।

२ कोरिन्‍थी 5:10

न्‍याय यानादी खुन्‍हु झीपिं सकलें ख्रीष्‍टया न्‍ह्यःने दंवने मानि। अबलय् थन संसारय् च्‍वनाः भिंगु यानावंपिन्‍त भिंक हे, अले मभिंगु यानावंपिन्‍त मभिंक हे न्‍याय यानादी।

एफिसी 2:5

झीपिं सीपिं मनूत थें पापी जुया च्‍वंसां ख्रीष्‍टं झीगु पाप क्षमा यानादिल। परमेश्‍वरयागु तःधंगु दया मायां छिमित थथे मुक्ति बियादीगु खः।

एफिसी 3:16

वय्‌कःयागु तःधंगु आशिषं व वय्‌कःयागु आत्‍मापाखें छिमित शक्ति दयेमा, अले व हे शक्तिं छिपिं दुनुगलंनिसें बल्‍लाना च्‍वनेमा धकाः जिं प्रार्थना यानाच्‍वनागु दु।

फिलिप्‍पी 3:21

वय्‌कलं फुक्‍कयात थःगु ल्‍हातय् कयादी फु। थ्‍व हे शक्तिं वय्‌कलं झीगु थ्‍व बमलाःगु व सिनावनीगु म्‍हयात वय्‌कःयागु थें सिना मवनीगु यानादी।

फिलिप्‍पी 4:13

जितः शक्ति बियादीम्‍ह ख्रीष्‍टयापाखें जिं न्‍ह्यागुं याये फु।

कलस्‍सी 1:11

वय्‌कःयागु तसकं तःधंगु शक्तिं छिमित बल्‍लाकादीमा, अले छिमिसं न्‍ह्यागु खँय् लय्‌तातां सहयाना च्‍वने फयेमा धकाः जिमिसं प्रार्थना यानाच्‍वनागु दु।

कलस्‍सी 1:16

छाय्‌धाःसा परमेश्‍वरं वय्‌कःयापाखें स्‍वर्ग व पृथ्‍वीइ दुगु फुक्‍कं, खनेदुगु, खने मदुगु, अले फुक्‍क शक्ति, राज्‍य व अधिकार दय्‌कादीगु खः। अले थ्‍व फुक्‍कं वय्‌कःया निंतिं हे दय्‌कादीगु खः।

१ थेसलोनिकी 4:14

येशू सिनाः हानं म्‍वानावल धकाः ला झीसं विश्‍वास यानाच्‍वनागु दु। अथे हे वय्‌कःयात विश्‍वास यानाः सिनावंपिं मनूतय्‌त येशू नाप परमेश्‍वरं ब्‍वना यंकादी धकाः नं झीसं विश्‍वास यानाच्‍वनागु दु।

१ पत्रुस 3:18

छाय्‌धाःसा झीत परमेश्‍वरयाथाय् हयेत ख्रीष्‍ट नं छकः सिनादिल। पाप हे मदय्‌कं पापीतय्‌गु निंतिं दुःख फयादिल। वय्‌कः पृथ्‍वीइ सिनादिल, अले आत्‍मां वय्‌कःयात हानं म्‍वाकादिल।

प्रकाश 2:23

वया मस्‍तय्‌त जिं स्‍यानाबी। मनूतय्‌गु मन व नुगः वातुवालाः स्‍वइम्‍ह जि हे खः धकाः अले जक फुक्‍क मण्‍डलीं सीका काइ। छिमिसं याना जूगु ज्‍या स्‍वयाः जिं नं छिमित माःगु याये।