यूहन्‍ना 5:18 - नेवाः बाइबल

¹⁸ वय्‌कलं थथे धयादीगुलिं इमिसं वय्‌कःयात स्‍यायेत झन अप्‍वः कुतः यात। छाय्‌धाःसा वय्‌कलं विश्रामबार मानय् मयाःगु जक मखु, अज्‍ज परमेश्‍वर नाप हे थःत ज्‍वलिंज्‍वः यानाः परमेश्‍वरयात वय्‌कःया बाः खः धकाः धयादिल।

यूहन्‍ना 5:18 ပူးပေါင်းရင်းမြစ်များ

जकरिया 13:7

“दक्‍व शक्ति दुम्‍ह परमप्रभुं धयादी, हे तरवार, दनाः जिम्‍ह फैजवाःयात हमला या, जिनापं दनाच्‍वनीम्‍ह मनूयात हमला या। वयात स्‍या, अले फैत उखेलाः थुखेलाः जुइ। अले जिं थःगु ल्‍हाः चीधिकःपिं भ्‍याचातय्‌गु विरोधय् ल्‍ह्वने।”

मत्ती 12:5

विश्रामबार पतिकं पुजाहारीतय्‌सं विश्रामबारयागु नियम मानय् मयाः। अय्‌नं इपिं दोषी ठहरय् मजू धकाः व्‍यवस्‍थाय् च्‍वयातःगु खँ छिमिसं ब्‍वनागु मदु ला?

यूहन्‍ना 1:19

यरूशलेमय् च्‍वंपिं यहूदी नायःतय्‌सं पुजाहारी व लेवीतय्‌त “यूहन्‍ना धाःम्‍ह सु खः” धकाः न्‍यंके छ्वयाहल।

यूहन्‍ना 10:30

जि व जिम्‍ह बाः छम्‍ह हे खः।”

यूहन्‍ना 10:33

अले इमिसं वय्‌कःयात लिसः बिल – “भिंगु ज्‍या याःगुलिं जिमिसं छन्‍त ल्‍वहँतं कय्‌केत्‍यनागु मखु, बरु छं परमेश्‍वरयात क्‍वह्यंकाः खँ ल्‍हाःगुलिं कय्‌केत्‍यनागु खः। छं मनू जुयाः नं परमेश्‍वर धकाः धया जूगुलिं थथे यायेत्‍यनागु खः।”

यूहन्‍ना 14:23

वय्‌कलं लिसः बियादिल – “जितः माया याइम्‍हय्‌सिनं जिगु वचन नं मानय् याइ। अले बाःनं नं वयात माया यानादी। अले जिपिं वयाथाय् वये अले व नाप हे च्‍वने।

यूहन्‍ना 14:9

वय्‌कलं धयादिल – “फिलिप, थुलिमछि दये धुंकल छ जि नाप जूगु, आः तक नं छं जितः म्‍हसीके मफुनि ला? सुनां जितः खन, वं बाःयात नं खने धुंकल धासेंलि हानं ‘जिमित बाः छकः क्‍यँ’ धकाः धायेमानि ला?

यूहन्‍ना 19:7

यहूदीतय्‌सं पिलातसयात लिसः बिल – “जिमिके नं व्‍यवस्‍था दु, थ्‍व व्‍यवस्‍थाकथं थ्‍वयात स्‍याये हे माः, छाय्‌धाःसा थ्‍वं थःत परमेश्‍वरया काय् धकाः धयाजुल।”

यूहन्‍ना 5:15

अले व मनुखं इमिथाय् वनाः “जितः लायेका ब्‍यूम्‍ह येशू हे खः” धकाः धाः वन।

यूहन्‍ना 5:16

येशूं विश्रामबार खुन्‍हु थथे यानादीगुलिं यहूदीतय् नायःतय्‌सं वय्‌कःयात दुःख बियाहल।

यूहन्‍ना 5:17

अथेसां वय्‌कलं इमित धयादिल – “जिमि बाःनं न्‍ह्याबलें ज्‍या यानादी, उकिं जिं नं ज्‍या यानाच्‍वने।”

यूहन्‍ना 5:23

अय्‌जूगुलिं गथे बाःयात फुक्‍कसिनं मानय् याः अथे हे काय्‌यात नं फुक्‍कसिनं मानय् यायेमाः। काय्‌यात मानय् मयाःम्‍हय्‌सिनं काय्‌यात छ्वयाहःम्‍ह बाःयात नं मानय् मयाःगु जुइ।

यूहन्‍ना 7:1

अनंलि येशू गालीलय् चाःहिलादिल। यहूदिया जिल्‍लाय् यहूदीतय् नायःतय्‌सं वय्‌कःयात स्‍यायेत स्‍वःगुलिं वय्‌कः अन झाया मदी।

यूहन्‍ना 7:19

छिमित व्‍यवस्‍था बियादीम्‍ह मोशा मखु ला? छिपिं छम्‍हय्‌सिनं हे नं थ्‍व व्‍यवस्‍था पालन याःगु मदु। अय्‌नं छिमिसं जितः छाय् स्‍यायेत स्‍वयाच्‍वना?”

यूहन्‍ना 8:54

वय्‌कलं लिसः बियादिल – “जि थथःम्‍हं तःधं जुयागु जूसा जि तःधंम्‍ह मखु। तर छिकपिन्‍सं जिमि बाः धकाः धाःम्‍ह परमेश्‍वर जिमि बाःनं हे जितः तःधं यानादीगु खः।

यूहन्‍ना 8:58

वय्‌कलं इमित लिसः बियादिल – “जिं छिकपिन्‍त खःगु खँ धाये – अब्राहाम स्‍वयाः न्‍हापांनिसें हे जि दु।”

फिलिप्‍पी 2:6

ख्रीष्‍ट येशू परमेश्‍वर हे जुयाः नं वय्‌कलं थःत परमेश्‍वर भाःपिया मदी।

प्रकाश 22:1

अले स्‍वर्गदूतं जितः स्‍फटिक थें यचुसे च्‍वंगु अनन्‍त जीवन बीगु लः दुगु खुसि क्‍यनाबिल। थ्‍व खुसि परमेश्‍वर व चीधिकःम्‍ह भ्‍याःचायागु सिंहासनं पिचायाः

प्रकाश 22:3

अन सराः बियातःगु छुं हे नं दइ मखुत। परमेश्‍वर व चीधिकःम्‍ह भ्‍याःचायागु सिंहासन अन दइ। अले वय्‌कःया दासतय्‌सं वय्‌कःयात आराधना याइ।