यूहन्‍ना 4:6 - नेवाः बाइबल

⁶ अन याकूबं दय्‌कातःगु तुं छगः दु। त्‍यानुसे च्‍वंगुलिं येशू तुंया क्‍वय् फ्‍यतुनादिल। थुबलय् बान्‍हि जाल।

यूहन्‍ना 4:6 ပူးပေါင်းရင်းမြစ်များ

मत्ती 27:45

अबलय् न्‍हिनय् बाह्र बजेनिसें तीन बजे तक सारा देश हे खिउँसे च्‍वना वन।

मत्ती 4:2

पिइन्‍हु पिइचा तक अपसं च्‍वनादीगुलिं वय्‌कःयात तसकं हे नयेपित्‍यात।

मत्ती 8:24

उबलय् हे आकाझाकां तसकं ग्‍यानापुक ग्‍वःफय् वल। लःयागु किसिद्वम्‍बलं नांचायात त्‍वपुइत्‍यन। वय्‌कः धाःसा द्यनाच्‍वन।

लूका 2:7

वं दकलय् न्‍हापांम्‍ह काय् बुइकल। च्‍वनेत गनं हे थाय् मदुगुलिं इमिसं मचायात इचां भुनाः फैतय्‌त नकिगु थलय् थ्‍यनातल।

लूका 9:58

वय्‌कलं धयादिल – “ध्‍वंतय् च्‍वनेत प्‍वाः दु, झंगःतय् च्‍वनेत स्‍वँ दु, मनूया काय्‌या धाःसा छ्यं दिकेत नं थाय् मदु।”

यूहन्‍ना 11:9

वय्‌कलं लिसः बियादिल – “छन्‍हुया झिंनिघौ दइगु मखु ला? संसारयागु जलं यानाः न्‍हिनय् जुइम्‍ह मनूयात लुफिं हाइ मखु।

यूहन्‍ना 4:12

जिमित तुं दय्‌काब्‍यूम्‍ह जिमि तापाःबाज्‍या याकूब खः। छु छि वय्‌कः स्‍वयाः नं तःधं ला? जिमि तापाःबाज्‍यां, वया काय्‌पिन्‍सं, अले वया सा, द्वहंतय्‌संनापं थ्‍व हे तुंयागु लः त्‍वना वन।”

यूहन्‍ना 4:5

वय्‌कः याकूबं थःकाय् योसेफयात ब्‍यूगु जगायागु लिक्‍क लाःगु सामरियायागु सुखार धाःगु शहरय् थ्‍यंकः झाल।

यूहन्‍ना 4:7

अबलय् लाक्‍क हे छम्‍ह सामरी मिसा लः काःवल। वय्‌कलं वयात धयादिल – “जितः लः त्‍वनेत बियादिसँ।”

२ कोरिन्‍थी 8:9

झी प्रभु येशू ख्रीष्‍ट गुलि ग्‍वाहालि यानादीम्‍ह प्रभु खः धकाः ला छिमिसं सि हे स्‍यू। वय्‌कः तःमि जुयाः नं छिमिगु निंतिं चीमि जुयादिल। थः चीमि जुयाः छिमित तःमि यायेत वय्‌कलं थथे यानादिल।

हिब्रू 2:17

दक्‍व खँय् वय्‌कः थः हे दाजुकिजा थें जुयादी माल। थुकथं परमेश्‍वर व झीगु दथुइ च्‍वनाः झीगु पापया प्रायश्‍चित यायेत दयादुम्‍ह व विश्‍वास याये बहःम्‍ह दकलय् तःधंम्‍ह पुजाहारी थें जुयादिल।

हिब्रू 4:15

झी दकलय् तःधंम्‍ह पुजाहारी झी बमलाइबलय् छुं याये मफुम्‍ह मखु, बरु झीत थें वय्‌कःयात नं फुक्‍क खँय् शैतानं जाँचय् यात, अय्‌सां वय्‌कलं पाप यानामदी।