यूहन्‍ना 4:5 - नेवाः बाइबल

⁵ वय्‌कः याकूबं थःकाय् योसेफयात ब्‍यूगु जगायागु लिक्‍क लाःगु सामरियायागु सुखार धाःगु शहरय् थ्‍यंकः झाल।

यूहन्‍ना 4:5 ပူးပေါင်းရင်းမြစ်များ

उत्‍पत्ति 33:19

वं व थाय् शकेमया बौ हमोरया काय्‌पिन्‍के सच्‍छिकू वहः बियाः न्‍यानाकाल।

उत्‍पत्ति 48:22

जिं छन्‍त छिमि दाजुकिजापिन्‍त स्‍वयाः अप्‍वः गुँइच्‍वंगु छकू बुँ बियागु दु। व बुँ जिं थःगु तरवार व धनुषया बलं एमोरीतय्‌पाखें त्‍याकाकयागु खः।”

१ राजा 13:32

छाय्‌धाःसा परमप्रभुया वचनपाखें बेथेलय् च्‍वंगु वेदी व फुक्‍क सामरियाया शहरया पुजा याइगु थासय् दुगु थांया विरोधय् वं धाःगु खँ धात्‍थें पूवनी।”

लूका 9:52

वय्‌कलं थःपिं स्‍वयाः न्‍ह्यः हे सुं मनूतय्‌त छ्वयादिल। इमिसं सामरीतय्‌गु गामय् वनाः वय्‌कःपिन्‍त थाय्‌बाय् माल।

यूहन्‍ना 4:12

जिमित तुं दय्‌काब्‍यूम्‍ह जिमि तापाःबाज्‍या याकूब खः। छु छि वय्‌कः स्‍वयाः नं तःधं ला? जिमि तापाःबाज्‍यां, वया काय्‌पिन्‍सं, अले वया सा, द्वहंतय्‌संनापं थ्‍व हे तुंयागु लः त्‍वना वन।”

यूहन्‍ना 4:39

“जिं यानागु फुक्‍क खँ वय्‌कलं धयादिल” धकाः व मिसां धाःगुलिं व शहरय् च्‍वंपिं यक्‍व हे सामरीतय्‌सं वय्‌कःयात विश्‍वास यात।

यूहन्‍ना 4:6

अन याकूबं दय्‌कातःगु तुं छगः दु। त्‍यानुसे च्‍वंगुलिं येशू तुंया क्‍वय् फ्‍यतुनादिल। थुबलय् बान्‍हि जाल।

यूहन्‍ना 4:8

अबलय् वय्‌कःया चेलात नयेगु नसा न्‍यायेत शहरय् वनाच्‍वंगु खः।

यहोशू 24:32

इस्राएलीतय्‌सं मिश्र देशं हःगु योसेफया अस्‍थि शकेमय् थुनाबिल। व जमिन याकूबं शकेमया बौ हमोरया काय्‌पिन्‍के सछि वहःयागु कुचा बियाः न्‍यानाकाःगु खः। थ्‍व जमिन योसेफया सन्‍तानया पुर्खाया सम्‍पत्तिकथं दत।