यूहन्‍ना 4:39 - नेवाः बाइबल

³⁹ “जिं यानागु फुक्‍क खँ वय्‌कलं धयादिल” धकाः व मिसां धाःगुलिं व शहरय् च्‍वंपिं यक्‍व हे सामरीतय्‌सं वय्‌कःयात विश्‍वास यात।

यूहन्‍ना 4:39 ပူးပေါင်းရင်းမြစ်များ

मत्ती 10:5

थुपिं झिंनिम्‍हय्‌सितं वय्‌कलं थथे धयाः छ्वयादिल – “यहूदीमखुपिन्‍थाय् व सामरीतय्‌गु शहरय् वने मते।

यूहन्‍ना 1:37

थ्‍व न्‍यनाः चेलात निम्‍हं येशूया ल्‍यूल्‍यू वन।

यूहन्‍ना 11:45

थ्‍व खनाः मरियमनापं वःपिं यक्‍व हे यहूदीतय्‌सं नं वय्‌कःयात विश्‍वास यात।

यूहन्‍ना 4:29

“वा, छम्‍ह मनूयात स्‍वः वा। वय्‌कलं जिं यानागु फुक्‍क खँ धयाबिल। व मनू मुक्ति बीम्‍ह ख्रीष्‍ट ला, मखु ला?”

यूहन्‍ना 4:30

थ्‍व न्‍यनाः अनच्‍वंपिं मनूत वय्‌कःयाथाय् वल।

यूहन्‍ना 4:38

छिमिसं बाली पिना मतःथाय् जिं छिमित लय्‌के छ्वया। बाली पिना तःपिं मेपिं खः, अय्‌नं इमिसं पिनातःगु बाली छिमिसं लये खन।”

यूहन्‍ना 4:40

अय्‌जूगुलिं वय्‌कःयाथाय् वःबलय् इमिसं इमिथाय् हे च्‍वनादिसँ धकाः बिन्‍ति याःगुलिं वय्‌कः निन्‍हु तक अन च्‍वनादिल।

यूहन्‍ना 4:42

इमिसं व मिसायात धाल – “आः छं धाःगुलिं जक जिमिसं विश्‍वास यानागु मखु, बरु जिमिसं हे वय्‌कःयागु खँ न्‍यनाः विश्‍वास यानागु खः। जिमिसं वय्‌कः हे संसारयाम्‍ह मुक्तिदाता खः धकाः सीके धुन।”

यूहन्‍ना 4:5

वय्‌कः याकूबं थःकाय् योसेफयात ब्‍यूगु जगायागु लिक्‍क लाःगु सामरियायागु सुखार धाःगु शहरय् थ्‍यंकः झाल।

यूहन्‍ना 4:8

अबलय् वय्‌कःया चेलात नयेगु नसा न्‍यायेत शहरय् वनाच्‍वंगु खः।