यूहन्‍ना 4:34 - नेवाः बाइबल

³⁴ वय्‌कलं धयादिल – “जितः छ्वयाहया दीम्‍हय्‌सिगु ज्‍या सिधय्‌केगु, अले वय्‌कलं धाःथें यानाजुइगु हे जिगु नसा खः।

यूहन्‍ना 4:34 ပူးပေါင်းရင်းမြစ်များ

अय्‍यूब 23:12

वय्‌कःया म्‍हुतुं पिहां वःगु आज्ञायात जिं ‘म्‍हां’ मधया। जिगु न्‍हियान्‍हिथंया नसा स्‍वयाः वय्‌कलं धयादीगु खँ जिं नुगलय् मुंकातःयागु दु।

भजनसंग्रहया सफू 40:8

जि परमेश्‍वर! छितः यःकथं ज्‍या यायेगुलिइ हे जि लय्‌ताः। छिं स्‍यनादीगु खँ जिं थःगु नुगलय् तयागु दु।”

मत्ती 26:39

अले भचा उखे झायाः बँय् क्‍वपुसां पुयाः थथे धकाः प्रार्थना यानादिल – “बाः, ज्‍यूसा थ्‍व दुःखयागु ख्‍वला जिथासं चीकादिसँ। अय्‌नं जितः यःथें यानादी मते, छितः यःथें हे यानादिसँ।”

मत्ती 3:15

वय्‌कलं लिसः बियादिल – “आःयात थथे हे थजु। थुकथं झीसं फुक्‍क धार्मिकता पूवंके माःगु दु।” अले वं “ज्‍यू” धाल।

मत्ती 9:19

अले वय्‌कः दनाः व नाप झाल। चेलात नं वय्‌कः नाप वन।

लूका 15:10

जिं छिकपिन्‍त धाये – अथे हे परमेश्‍वरयापिं स्‍वर्गदूतत नं पश्‍चाताप याःम्‍ह छम्‍ह पापी खनाः लय्‌लय्‌ताइ।”

लूका 19:10

मनूया काय् तनाच्‍वंपिन्‍त मालेत व उद्धार यायेत वःगु खः।”

लूका 2:49

अले वय्‌कलं धयादिल – “छिकपिन्‍सं जितः माला मदीसां ज्‍यूगु खः नि। जि जिम्‍ह बाःयागु छेँय् च्‍वनेमाः धकाः छिकपिन्‍सं मस्‍यू ला?”

यूहन्‍ना 17:4

छिं जितः याके बियादीगु ज्‍या सिधय्‌काः जिं छितः पृथ्‍वीइ तःधंकागु दु।

यूहन्‍ना 19:28

थुलि जुइ धुंकाः धर्मशास्‍त्रय् च्‍वयातःगु फुक्‍कं खँ पूवने धुंकल धकाः सीकाः येशूं “जितः प्‍याः चाल” धकाः धयादिल।

यूहन्‍ना 19:30

वय्‌कलं पाउँति त्‍वने धुंकाः थथे धयादिल “आः सिधल।” अले वय्‌कलं छ्यं क्‍वछुनाः थःगु प्राण त्‍वःतादिल।

यूहन्‍ना 4:32

वय्‌कलं धयादिल – “जिके नयेत छिमिसं सि हे मस्‍यूगु नसा दु।”

यूहन्‍ना 5:30

“थथःम्‍हं जिं छुं नं याये मफु, बाःनं जितः धयादी थें जिं न्‍याय जक यायेगु खः। अय्‌जूगुलिं जिं न्‍याय यानागु ठीक जू, छाय्‌धाःसा जितः यःथें जिं न्‍याय यायेगु मखु, बरु जितः छ्वया हःम्‍हय्‌सित यःथें यायेगु खः।”

यूहन्‍ना 5:36

तर यूहन्‍नां ब्‍यूगु साक्षी स्‍वयाः तःधंगु साक्षी जिके दु। बाःनं जितः पूवंकेत बियादीगु ज्‍या व जिं यानाच्‍वनागु ज्‍यां हे जितः बाःनं छ्वयाहयादीगु खः धकाः सी दु।

यूहन्‍ना 6:33

स्‍वर्गं क्‍वहां वयाः मनूतय्‌त अनन्‍त जीवन बीम्‍ह हे परमेश्‍वरं बियादीगु मरि खः।”

यूहन्‍ना 6:38

जि जिगु इच्‍छा मखु बरु जितः छ्वया हयादीम्‍हय्‌सित इच्‍छा पूवंकेत स्‍वर्गं वयाम्‍ह खः।

यूहन्‍ना 8:29

जितः छ्वयाहयादीम्‍ह जि नाप दी, जिं न्‍ह्याबलें वय्‌कःयात यःथें जक यानाजुयागुलिं वय्‌कलं जितः याकःचा त्‍वःतामदी।”

प्रेरित 20:35

दक्‍व खँ जिं थःम्‍हं हे याना क्‍यनागु दु। अथे हे छिकपिन्‍सं नं थःम्‍हं हे थाकुगु ज्‍या यानाः मफुपिन्‍त ग्‍वाहालि यायेमाः। अले प्रभु येशूं धयादीगु खँ ल्‍वःमंकादी मते। वय्‌कलं धयादीगु दु – ‘कायेगु स्‍वयाः बीगु यक्‍व भिं।’”

हिब्रू 12:2

अले झीगु विश्‍वास शुरु यानादीम्‍ह व क्‍वचाय्‌कादीम्‍ह येशूयात स्‍व, लिपायागु आनन्‍दया निंतिं वय्‌कः लज्‍या मचासे क्रूसया सास्‍ती फयादिल। वय्‌कः आः परमेश्‍वरया सिंहासनया जवय् च्‍वनादीगु दु।