यूहन्‍ना 4:25 - नेवाः बाइबल

²⁵ व मिसां वय्‌कःयात धाल – “मुक्ति बीम्‍ह ख्रीष्‍ट धाःम्‍ह मसीह झायादी तिनि धकाः जिं स्‍यू। वय्‌कः झाल कि वय्‌कलं हे झीत फुक्‍कं खँ कनादी।”

यूहन्‍ना 4:25 ပူးပေါင်းရင်းမြစ်များ

मत्ती 1:16

याकूबया काय् योसेफ खः। थ्‍व योसेफ ख्रीष्‍ट येशूयात बुइकूम्‍ह मरियमया भाःत खः।

मत्ती 27:17

अय्‌जूगुलिं पिलातसं मनूतय्‌के न्‍यन – “का धा, सुयात त्‍वःतेगु? बारब्‍बायात त्‍वःतेगु ला कि येशू ख्रीष्‍टयात त्‍वःतेगु?”

मत्ती 27:22

“अय्‌सा ख्रीष्‍ट धाःम्‍ह येशूयात छु यायेगु लय्?” धकाः पिलातसं इमिके न्‍यन। “वयात क्रूसय् यख्‍खानाः स्‍यानाछ्व” धकाः फुक्‍क मनूत छकलं हाला हल।

लूका 2:11

जुजु दाऊद बूगु गामय् छिमि छम्‍ह मुक्तिदाता नकतिनि हे बूगु दु। वय्‌कः हे ख्रीष्‍ट प्रभु खः।

यूहन्‍ना 1:49

वं लिसः बिल – “गुरुजु, छि ला परमेश्‍वरया हे काय् खः। छि ला इस्राएलया जुजु हे खः।”

यूहन्‍ना 4:29

“वा, छम्‍ह मनूयात स्‍वः वा। वय्‌कलं जिं यानागु फुक्‍क खँ धयाबिल। व मनू मुक्ति बीम्‍ह ख्रीष्‍ट ला, मखु ला?”

यूहन्‍ना 4:39

“जिं यानागु फुक्‍क खँ वय्‌कलं धयादिल” धकाः व मिसां धाःगुलिं व शहरय् च्‍वंपिं यक्‍व हे सामरीतय्‌सं वय्‌कःयात विश्‍वास यात।

यूहन्‍ना 4:42

इमिसं व मिसायात धाल – “आः छं धाःगुलिं जक जिमिसं विश्‍वास यानागु मखु, बरु जिमिसं हे वय्‌कःयागु खँ न्‍यनाः विश्‍वास यानागु खः। जिमिसं वय्‌कः हे संसारयाम्‍ह मुक्तिदाता खः धकाः सीके धुन।”