यूहन्‍ना 4:23 - नेवाः बाइबल

²³ अय्‌नं ई वयाच्‍वंगु दु, व आः हे खः, बाःयात आराधना याइपिन्‍सं आत्‍मां व सत्‍यं याइ। वय्‌कःयात नं थुकथं आराधना याइपिं जक यः।

यूहन्‍ना 4:23 ပူးပေါင်းရင်းမြစ်များ

१ इतिहास 29:17

हे जिमि परमेश्‍वर, छिं छम्‍ह छम्‍हय्‌सिगु मन स्‍वयादी धकाः जिं स्‍यू, विश्‍वास बहःम्‍ह मनूत खनाः छि लय्‌तायादी। थुपिं फुक्‍क जिं विश्‍वास बहःम्‍ह जुयाः दुनुगलंनिसें थःगु इच्‍छां बियागु दु। थन मूंपिं छि मनूत छिथाय् थःगु देछा हःबलय् लय्‌ताः, व जिं खनागु दु।

भजनसंग्रहया सफू 147:11

तर परमप्रभु वय्‌कःया भय काइपिं खनाः अले वय्‌कःया सदां दइगु दया मायाय् भलसा काइपिं खनाः लय्‌तायादी।

भजनसंग्रहया सफू 17:1

हे परमप्रभु! न्‍यायया निंतिं यानागु जिगु इनापयात न्‍यनादिसँ। जिगु प्रार्थनायात ध्‍यान बियादिसँ। जिं भिं नुगलं यानागु प्रार्थनायात न्‍यनादिसँ!

भजनसंग्रहया सफू 32:2

धन्‍य खः व मनू, गुम्‍हय्‌सिगु मभिंगु ज्‍या यात परमप्रभुं दोष मबिल। अले गुम्‍हय्‌सिगु मति मभिं मजू।

भजनसंग्रहया सफू 51:6

छितः बूसांनिसें भिं मनू जूगु यः। उकिं जितः छिगु बुद्धि बियादिसँ।

हितोपदेश 15:8

परमप्रभु दुष्‍टतय्‌सं छाःगु बलिं लय्‌तायादी मखु, भिंपिं मनूतय्‌सं याःगु प्रार्थनां वय्‌कः लय्‌तायादी।

श्रेष्‍ठगीत 2:14

छ पहाडया कापि व तग्‍वःगु ल्‍वहंया पाःचाय् च्‍वनीम्‍ह सुकुभत्तु थें च्‍वँ, छंगु ख्‍वाः जितः क्‍यं, छंगु सः न्‍यने दयेमा, छाय्‌धाःसा छंगु सः तसकं न्‍यने यइपुसे च्‍वं व छंगु ख्‍वाः तसकं बांलाः।

यशैया 10:20

उखुन्‍हु इस्राएलया बचय्‌जूपिं, याकूबया परिवारया म्‍वानाच्‍वंपिन्‍सं थःत हमला याःपिन्‍के गुबलें नं भलसा तइ मखु। परमप्रभु इस्राएलया पवित्र परमेश्‍वरयात धाःसा धात्‍थें हे भलसा याइ।

यशैया 29:13

परमप्रभुं थथे धयादी, “थुपिं मनूत ख्‍वाः क्‍यनेत जिथाय् लिक्‍क वइ। अले थुमिसं म्‍हुतुं ला जितः तसकं हनाबना तइ। नुगलं धाःसा थुपिं तसकं तापानाः च्‍वनी। थुमिसं थःपिन्‍सं दय्‌कूगु थितिकुतियात परमेश्‍वरयागु आज्ञा खः धकाः मनूतय्‌त स्‍यना जुइ।

यशैया 43:21

व जातियात, जिगु प्रशंसाया घोषणा यायेमा धकाः जिं थःगु निंतिं दय्‌कागु खः।

यशैया 58:2

छाय्‌धाःसा न्‍हियान्‍हिथं इमिसं जितः माली। अले इपिं जिगु लँ सीकेमास्‍ति वःपिं थें खने दु, अले इपिं छु पाय्‌छि जू व हे याइपिं व जिगु आज्ञा मानय् याइपिं थें खने दु। इमिसं जिके खःकथं क्‍वछीगु फ्‍वनाच्‍वनी, अले परमेश्‍वर इमिगु न्‍ह्यःने वयेमा धकाः इच्‍छा यानाच्‍वनी।

यर्मिया 3:10

थुलि जूसां नं वया विश्‍वासघाती केहेँ यहूदा दुनुगलंनिसें जिथाय् लिहां मवः। तर ख्‍यालं जक लिहां वल,” परमप्रभुं धयादी।

यर्मिया 4:2

छिमिसं सत्‍य, न्‍याय व खःकथं ‘धात्‍थें परमप्रभु म्‍वाःम्‍ह खः’ धया पाफल धाःसा वय्‌कःपाखें जाति जातितय्‌त आशिष दइ। अले इमिसं वय्‌कःयात तःधंकी।”

इजकिएल 22:30

“पःखाः हाकनं दय्‌काबीम्‍ह व देश जिपाखें नाश मजुइमा धकाः देशया लागि जिगु न्‍ह्यःने पःखाःया ह्वतय् दनाबीम्‍ह छम्‍ह मनू इमिगु दथुइ जिं स्‍वया, तर जिं सुं मखना।

यूहन्‍ना 1:17

व्‍यवस्‍था मोशायागुपाखें बियादिल, येशू ख्रीष्‍टयागुपाखें धाःसा परमेश्‍वरया दया माया व सत्‍य दत।

यूहन्‍ना 12:23

अले वय्‌कलं इमित लिसः बियादिल – “मनूया काय्‌यात तःधंकीगु ई वल।

यूहन्‍ना 16:2

इमिसं छिमित धर्मशास्‍त्र स्‍यनीगु छेँनं पितिनाहइ। अले मनूतय्‌सं छिमित स्‍यानाः परमेश्‍वरयागु सेवा याना धकाः मतिइ तया जुइगु ई नं वइतिनि।

यूहन्‍ना 16:32

ई वइ, अले वये नं धुंकल, आः छिपिं फुक्‍कं जितः त्‍वःताः छ्यालब्‍याल जुयाः थथःगु थासय् वनी। थुकथं जि याकःचा जुइ, अय्‌नं जि याकःचा जुइ मखु, छाय्‌धाःसा जि नाप बाः दी।

यूहन्‍ना 4:21

वय्‌कलं वयात धयादिल – “मय्‌जु, विश्‍वास यानाः बांलाक न्‍यना का। ई वयाच्‍वंगु दु, गुबलय् छिमिसं परमेश्‍वर बाःयात आराधना यायेत न यरूशलेमय् न थ्‍व पहाडय् हे वनेमाली।

यूहन्‍ना 5:25

“जिं छिमित खःगु खँ धाये – ई वयाच्‍वंगु दु, अले व ई थ्‍व हे खः – सीपिन्‍संनापं परमेश्‍वरया काय्‌यागु सः ताइ, अले सुनां न्‍यनी, इपिं म्‍वाइ।

यूहन्‍ना 5:28

थ्‍व खँय् अजू चाये मते, सी धुंकूपिन्‍संनापं वय्‌कःयागु सः ताइगु ई वयाच्‍वंगु दु।

रोमी 1:9

जिं प्रार्थना यायेबलय् छिमित गुबलें हे नं ल्‍वःमंकागु मदु धकाः जिं मानय् यानाच्‍वनाम्‍ह परमेश्‍वरं स्‍यू। वय्‌कःया काय्‌यागु भिंगु खँ न्‍यंकाः जिं दुनुगलंनिसें वय्‌कःया सेवा यानाच्‍वनागु दु।

रोमी 8:15

थथे खः धयागु जूसा परमेश्‍वरया न्‍ह्यःने दास थें ग्‍याना च्‍वनेमाःगु मन्‍त, बरु काय् जुइगु आत्‍मा झीत बियादीगुलिं झीपिं वय्‌कःया सन्‍तान खः धकाः झीसं धाये दत। थथे झीसं “अब्‍बा, बाः” धकाः धाये दत।

रोमी 8:26

गथे यानाः प्रार्थना यायेमाः धकाः झीसं मस्‍यूगुलिं व झीगु विश्‍वास बमलाःगुलिं पवित्र आत्‍मां झीत ग्‍वाहालि यानादी। थथे पवित्र आत्‍मा थःम्‍हय्‌सिनं हे माक्‍व खँ धयाः झीगु निंतिं बिन्‍ति यानादी।

गलाती 4:6

झीपिं नं परमेश्‍वरया काय्‌पिं खः धकाः सीकेत परमेश्‍वरं थः काय्‌यागु आत्‍मा झीगु नुगलय् तयादिल। अले थ्‍व हे आत्‍मां झीगु नुगलं “अब्‍बा, जिमि बाः” धकाः धयादी।

एफिसी 6:18

न्‍ह्याबलें छिमिसं पवित्र आत्‍मायागु शक्ति कयाः प्रार्थना या, अले परमेश्‍वरयागु ग्‍वाहालि फ्‍वँ। होशियार जु, अले न्‍ह्याथासय् च्‍वंपिं विश्‍वासीतय्‌गु निंतिं मदिक्‍क प्रार्थना या।

फिलिप्‍पी 3:3

धात्‍थेंगु चिं तइपिं ला झीपिं खः, छाय्‌धाःसा झीसं परमेश्‍वरयात पवित्र आत्‍मां सेवा यानाच्‍वना। येशू ख्रीष्‍टयाके भरोसा तयाच्‍वना, अले शरीरयागु ज्‍याखँय् झीसं भरोसा मतया।

यहोशू 24:14

“उकिं आः परमप्रभुयागु ग्‍याःचिकु कयाः वय्‌कःयात दुनुगलंनिसें सेवा या। छिमि पुर्खातय्‌सं यूफ्रेटिस खुसि पारि व मिश्र देशय् पुजायापिं द्यःतय्‌त वांछ्व अले परमप्रभुया जक सेवा या।

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।

१ शमूएल 12:24

परमप्रभुया भय का अले विश्‍वास यायेबहःपिं जुयाः वय्‌कःया सेवा या। छिमिगु निंतिं वय्‌कलं यानादीगु तःधंगु ज्‍याया बारे बिचाः या।