21 वय्कलं वयात धयादिल – “मय्जु, विश्वास यानाः बांलाक न्यना का। ई वयाच्वंगु दु, गुबलय् छिमिसं परमेश्वर बाःयात आराधना यायेत न यरूशलेमय् न थ्व पहाडय् हे वनेमाली।
परमप्रभुं थथे धयादी, “स्वर्ग जिगु सिंहासन खः, अले पृथ्वी जिगु तुति तइगु थाय् खः। आः छिमिसं जिगु निंतिं गज्याःगु देगः, जि च्वनेत गज्याःगु थाय् दय्के फु?
“अय् सीमानिम्ह मनू, थुपिं मनूतय्सं थःगु मनय् मूर्तित तःगु दु, अले थःगु ख्वाःया न्ह्यःने पापय् लाकीगु खँ तःगु दु। जिं इमित जिके सल्लाह काय्के बी ला?
“अय् सीमानिम्ह मनू, इस्राएलया धर्म गुरुतय्त थथे धा, ‘परमप्रभु परमेश्वरं थथे धयादी – छु छिपिं जिके सल्लाह काःवयागु ला? गथे जि धात्थें म्वाःम्ह खः, जिं छिमित सल्लाह काय्के बी मखु, परमप्रभु परमेश्वरं धयादी।’
“सूर्य लुया वइगु थासंनिसें सूर्य बिनावनीगु थाय् तक जात जातितय्गु दथुइ जिगु नां तःधनी। फुक्क थासय् जिगु नामय् धुपाँय् च्याकी अले नाले बहःगु देछा छाइ, छाय्धाःसा जाति जातितय् दथुइ जिगु नां तःधनी,” दक्व शक्ति दुम्ह परमप्रभुं धयादी।
गन जिगु नामय् निम्ह स्वम्ह मनू मुनी, अन जि इपिं नाप दइ।”
अय्जूगुलिं छिपिं वनाः फुक्क जातियापिं मनूतय्त चेला दय्कि। अले इमित परमेश्वर बाःयागु नामं, काय्यागु नामं व पवित्र आत्मायागु नामं बप्तिस्मा ब्यु।
गुलिसित तरवारं पालाः स्याइ, गुलिसित ज्वनाः देश देशय् यंकी, अले यहूदीमखुपिनिगु ई पूमवंतले इमिसं यरूशलेमयात न्हुत्तुन्हुया तइ।”
वय्कलं धयादिल – “लँ, सत्य व जीवन जि हे खः। जिपाखें हे जक बाःयाथाय् वने फइ।
इमिसं छिमित धर्मशास्त्र स्यनीगु छेँनं पितिनाहइ। अले मनूतय्सं छिमित स्यानाः परमेश्वरयागु सेवा याना धकाः मतिइ तया जुइगु ई नं वइतिनि।
ई वइ, अले वये नं धुंकल, आः छिपिं फुक्कं जितः त्वःताः छ्यालब्याल जुयाः थथःगु थासय् वनी। थुकथं जि याकःचा जुइ, अय्नं जि याकःचा जुइ मखु, छाय्धाःसा जि नाप बाः दी।
अय्नं ई वयाच्वंगु दु, व आः हे खः, बाःयात आराधना याइपिन्सं आत्मां व सत्यं याइ। वय्कःयात नं थुकथं आराधना याइपिं जक यः।
“जिं छिमित खःगु खँ धाये – ई वयाच्वंगु दु, अले व ई थ्व हे खः – सीपिन्संनापं परमेश्वरया काय्यागु सः ताइ, अले सुनां न्यनी, इपिं म्वाइ।
थ्व खँय् अजू चाये मते, सी धुंकूपिन्संनापं वय्कःयागु सः ताइगु ई वयाच्वंगु दु।
नासरतयाम्ह येशूं थ्व देगःयात स्यंकी, अले मोशां झीत ब्यूगु रितिथिति नं हिली हं।”
वय्कलं यानाः हे झीपिं यहूदीत नं यहूदीमखुपिं नं पवित्र आत्मा दयाः परमेश्वर बाःया न्ह्यःने वने फत।
उकिं जिं पुलिं चुयाः परमेश्वर बाःयात प्रार्थना यानाच्वना।
मिजंतय्सं न्ह्याथाय् नं तं मचासे व जवाःसवाः मयासें दुनुगलंनिसें पवित्र ल्हाः ल्ह्वनाः प्रार्थना यायेमाः।
प्रार्थना याइबलय् छिमिसं परमेश्वरयात बाः धकाः धयाजुल। अय्नं वय्कः ख्वाः स्वयाः मखु, बरु मनूतय्सं याःगु ज्याकथं न्याय यानादीम्ह खः। उकिं छिमिसं थ्व संसारय् परदेशी जुया च्वंतले वय्कःयात मानय् याना च्वँ।
अन शहरय् जिं देगः छगः हे मखना। अनयागु देगः हे दक्व शक्ति दुम्ह परमप्रभु परमेश्वर व चीधिकःम्ह भ्याःचा खः।