यूहन्‍ना 4:20 - नेवाः बाइबल

²⁰ जिमि तापाःबाज्‍यापिन्‍सं थ्‍व पहाडय् पुजा याना वन, छिकपिन्‍सं धाःसा यरूशलेमय् मनूतय्‌सं परमेश्‍वरयात आराधना यायेमाः धकाः धयादिल।”

यूहन्‍ना 4:20 ပူးပေါင်းရင်းမြစ်များ

१ राजा 9:3

परमप्रभुं वयात धयादिल, “जिं छंगु प्रार्थना व जिगु न्‍ह्यःने याःगु बिन्‍ति न्‍यनागु दु। छं दय्‌कूगु थ्‍व देगलय् जिं थःगु नां न्‍ह्याबलेंया निंतिं तयाः उकियात पवित्र यानागु दु। जिगु मिखा व मन न्‍ह्याबलें अन वनाच्‍वनी।

१ इतिहास 21:26

अन वं परमप्रभुया निंतिं छगू वेदी दय्‌काः होमबलि व मेलबलि छायाः तसलं परमप्रभुया नां कयाः प्रार्थना यात। अले परमप्रभुं स्‍वर्गं होमबलिया वेदीइ मि छ्वयाहयाः लिसः बियादिल।

१ इतिहास 22:1

अले दाऊदं धाल, “थ्‍व थासय् परमप्रभु परमेश्‍वरया देगः व इस्राएलयापिं मनूतय्‌सं होमबलि छायेत वेदी दइ।”

२ इतिहास 6:6

तर आः जिं यरूशलेमयात जिगु आराधना यायेगुथाय् व दाऊदयात जिमि मनूतय्‌त शासन यायेत ल्‍ययागु दु।’

२ इतिहास 7:12

अले परमप्रभुं सोलोमनयात चान्‍हय् दर्शन बियाः थथे धाल, “जिं छंगु प्रार्थना न्‍यनेधुन, थ्‍व देगःयात थःगु निंतिं बां बीगु थाय्‌कथं ल्‍ययागु दु।

२ इतिहास 7:16

छाय्‌धाःसा जिगु नां न्‍ह्याबलें थुकी दयाच्‍वनेमा धकाः जिं थ्‍व देगःयात ल्‍ययागु दु, अले अर्पण यानागु दु। जिगु मिखा व मन न्‍ह्याबलें थुकी वनाच्‍वनी।

भजनसंग्रहया सफू 132:13

परमप्रभुं सियोनयात ल्‍ययादीगु दु। वय्‌कलं उकियात थः च्‍वनेगु थाय्‌या निंतिं यय्‌कादीगु दु।

भजनसंग्रहया सफू 78:68

बरु वय्‌कलं यहूदाया कुलयात व सियोन पर्वतयात ल्‍ययादिल, थ्‍व वय्‌कलं यय्‌कादीगु पर्वत खः।

यशैया 66:1

परमप्रभुं थथे धयादी, “स्‍वर्ग जिगु सिंहासन खः, अले पृथ्‍वी जिगु तुति तइगु थाय् खः। आः छिमिसं जिगु निंतिं गज्‍याःगु देगः, जि च्‍वनेत गज्‍याःगु थाय् दय्‌के फु?

लूका 9:53

वय्‌कःपिं यरूशलेमय् वनेत वःपिं धकाः स्‍यूगुलिं सामरीतय्‌सं वय्‌कःपिन्‍त बाय् मब्‍यू।

यूहन्‍ना 4:12

जिमित तुं दय्‌काब्‍यूम्‍ह जिमि तापाःबाज्‍या याकूब खः। छु छि वय्‌कः स्‍वयाः नं तःधं ला? जिमि तापाःबाज्‍यां, वया काय्‌पिन्‍सं, अले वया सा, द्वहंतय्‌संनापं थ्‍व हे तुंयागु लः त्‍वना वन।”

व्‍यवस्‍था 11:29

परमप्रभु छिमि परमेश्‍वरं छिपिं दुहां वनीगु देशय् छिमित हयादीबलय् छिमिसं सुवाः धाःसा गीरीज्‍जीम पर्वतं, सराः धाःसा एबाल पर्वतं न्‍यंकि।

व्‍यवस्‍था 27:12

छिपिं यर्दन छिना वनेधुंकाः शिमियोन, लेवी, यहूदा, इस्‍साखार, योसेफ व बेन्‍यामीन कुलयापिं मनूतय्‌त सुवाः बीत गीरीज्‍जीम पर्वतय् दनाः च्‍वनेमाः।