यूहन्‍ना 4:15 - नेवाः बाइबल

¹⁵ व मिसां धाल – “हजुर, जितः नं थ्‍व लः बियादिसँ। अले जितः गुबलें हे लः त्‍वने प्‍याः चाइ मखु। अले हानं लः कायेत थन वये माली नं मखु।”

यूहन्‍ना 4:15 ပူးပေါင်းရင်းမြစ်များ

भजनसंग्रहया सफू 4:6

यक्‍वसिनं न्‍यनाच्‍वंगु दु – “झीत सुनां भिंगु लँ क्‍यनाबी?” हे परमप्रभु! छिगु ख्‍वाःया जः जिमिके थीकादिसँ।

यूहन्‍ना 4:16

वय्‌कलं वयात धयादिल – “वा, छं थः भाःतयात थन सःता हिँ।”

यूहन्‍ना 6:26

वय्‌कलं इमित लिसः बियादिल – “जिं छिमित खःगु खँ धाये – जिं यानागु चिं खनाः छिमिसं जितः माःजूगु मखु, बरु प्‍वाः जाय्‌क मरि नयेदुगुलिं जक जितः माःजूगु खः।

यूहन्‍ना 6:34

इमिसं धाल – “प्रभु, थ्‍व मरि जिमित न्‍ह्याबलें बियादिसँ।”

यूहन्‍ना 6:35

वय्‌कलं धयादिल – “जीवन बीगु मरि जि हे खः। जिथाय् वइम्‍ह मनूयात गुबलें हे नयेपित्‍याइ मखु। अथे हे जितः विश्‍वास याइम्‍ह मनूयात गुबलें हे प्‍याः चाइ मखु।

रोमी 6:23

पापया ज्‍याला मृत्‍यु खः। परमेश्‍वरं सितिकं बियादीगु वरदान झी प्रभु येशू ख्रीष्‍टयाके अनन्‍त जीवन खः।

रोमी 8:5

शरीरयात यःथें यानाजुइपिं मनूतय्‌सं शरीरयागु ज्‍याखँय् हे मन तया जुइ। आत्‍मायात यःथें यानाजुइपिं मनूतय्‌सं आत्‍मायागु ज्‍याखँय् हे मन तया जुइ।

१ कोरिन्‍थी 2:14

परमेश्‍वरयागु आत्‍मा मदुपिन्‍सं वय्‌कःयागु आत्‍मां बियादीगु खँ काये फइ मखु। अज्‍याःम्‍ह मनुखं थज्‍याःगु खँ थुइके फइ मखु, उकिं थज्‍याःगु खँ वयागु निंतिं मूर्ख खँ जक जुइ। थज्‍याःगु खँ ला परमेश्‍वरया मनूतय्‌सं जक थुइके फइ।

याकूब 4:3

छिमिगु मति हे मभिं, उकिं फ्‍वंसां छिमित बियादी मखु, छाय्‌धाःसा छिमिसं मोजमज्‍जा याना जुइत फ्‍वनी।

१ यूहन्‍ना 5:20

परमेश्‍वरया काय् झायाः झीत धात्‍थेंयाम्‍ह परमेश्‍वर म्‍हसीकादिल। थ्‍व खँ झीसं स्‍यू। धात्‍थेंयाम्‍ह परमेश्‍वरया काय् येशू ख्रीष्‍टनाप झीगु जीवन नं प्‍यपुनाच्‍वंगु दु। थ्‍व हे सत्‍य परमेश्‍वर खः, अले हानं थ्‍व हे परमेश्‍वर अनन्‍त जीवन नं खः।