यूहन्‍ना 4:14 - नेवाः बाइबल

¹⁴ तर जिं बियागु लः त्‍वनीपिं मनूतय्‌त गुबलें हे प्‍याः चाइ मखु। जिं बियागु लः हे व मनूयाके बुंगाःचा थें जुयाः अनन्‍त जीवन तक बुयावया च्‍वनी।”

यूहन्‍ना 4:14 ပူးပေါင်းရင်းမြစ်များ

यशैया 49:10

इमित न नये मास्‍ति वइ न प्‍याः चाइ, न इमित मरुभूमिइ निभालं पुइ, छाय्‌धाःसा जिं इमित दयामाया याये अले ब्‍वनायंके। अले जिं इमित लः दुगु थासय् यंके।

यशैया 55:1

परमप्रभुं धयादी, “हे सकलें प्‍याय्‌चाःपिं, लः दुथाय् लिक्‍क वा अले लः त्‍वँ, धिबा मदुपिं नं नसा कयाः न वा! अले सित्तिकं दाखमद्य व दुरु कायेत वा!

यशैया 58:11

परमप्रभुं छिमित धुवांधु न्‍ह्यलुवाः जुयाः यंकादी, अले तसकं तांन्‍वःगु थासय् नं छिमित लुधंकादी, अले छिमिगु क्‍वँय्‌यात बल्‍लाकादी। छिपिं यक्‍व लखं प्‍याःगु क्‍यब थें व गुबलें सुइ मखुगु बुँगाःचा थें जुइ।

यर्मिया 2:13

“छाय्‌धाःसा जिमि प्रजां निगू पाप याःगु दु, जि जीवन बीगु लःया मुहानयात इमिसं त्‍वःतूगु दु। अले थःगु निंतिं लः मच्‍वनीगु प्‍वाःगंगु त्‍यांकि दय्‌कूगु दु।”

यर्मिया 31:25

छाय्‌धाःसा जिं त्‍यानुचाःपिन्‍त आराम बी, अले दुःख जुयाच्‍वंपिन्‍त सुख बी।”

इजकिएल 47:9

व खुसि न्‍ह्याःगु थासय् यक्‍व थीथी कथंयापिं जीवजन्‍तुत च्‍वनी। अन यक्‍व न्‍या दइ, छाय्‌धाःसा थ्‍व लः गन गन वनी अनयागु लः साइ। उकिं थ्‍व खुसि गन गन थ्‍यनी, अन न्‍ह्याम्‍हं नं म्‍वाइ।

लेवी 11:36

बुंगाःचा व लः मुंकातःगु थाय् धाःसा शुद्ध जुइ। अथेसां सुनां अनं सीम्‍ह लिकाइ व धाःसा अशुद्ध जुइ।

मत्ती 25:46

“थुमित सदां सास्‍ती बिया तइ। अले परमेश्‍वरं धयादी थें यानाच्‍वंपिन्‍त जक अनन्‍त जीवन दइ।”

मत्ती 5:6

परमेश्‍वरया न्‍ह्यःने धर्मी ठहरय् जुइत पित्‍याकाः प्‍याय्‌चाय्‌का जुइपिं मनूत धन्‍यपिं खः, परमेश्‍वरं इमित लुधंकादी।

यूहन्‍ना 10:10

खुँ खुइत, स्‍यंकेत व स्‍यायेत जक वइ। तर जि इमित जीवन दयेमा, अले व यक्‍व जीवन दयेमा धकाः वयागु खः।

यूहन्‍ना 11:26

अले म्‍वानाच्‍वंपिं मनूतय्‌सं जितः विश्‍वास याःसा गुबलें हे सी मखु। छिं थ्‍व खँय् विश्‍वास यानादिया ला?”

यूहन्‍ना 4:10

येशूं वयात धयादिल – “छं परमेश्‍वरं बियादीगु दान स्‍यूगु जूसा, अले छंके लः फ्‍वंम्‍हय्‌सित म्‍हस्‍यूगु जूसा, छं वयाके हे लः त्‍वनेत फ्‍वनीगु जुइ। अले वं हे छन्‍त जीवन दइगु लः बीगु जुइ।”

यूहन्‍ना 4:11

अले व मिसां धाल – “हजुर, तुं तसकं हे तःजाः, लः सालेत छिके छुं हे मदु। छिं जीवन दइगु लः गनं कयादी?

यूहन्‍ना 4:13

वय्‌कलं वयात धयादिल – “थ्‍व लः त्‍वनीपिं मनूतय्‌त हानं हानं प्‍याः चाइ।

यूहन्‍ना 4:36

सुनां बाली लइ, वयात ज्‍याला दइ, अले अनन्‍त जीवनया निंतिं फल मुंके खनी। थुकथं पुसा ह्वःम्‍ह नं, बाली लःम्‍ह नं लय्‌ताय् दइ।

यूहन्‍ना 6:27

सितिं वनीगु नसायागु निंतिं ज्‍या याये मते, बरु मनूया काय्‌नं बीगु अनन्‍त जीवन तक दयाच्‍वनीगु नसायागु निंतिं ज्‍या या। परमेश्‍वर बाःनं जितः थ्‍व हे ज्‍या यायेत छ्वयाहयादीगु खः।”

यूहन्‍ना 6:35

वय्‌कलं धयादिल – “जीवन बीगु मरि जि हे खः। जिथाय् वइम्‍ह मनूयात गुबलें हे नयेपित्‍याइ मखु। अथे हे जितः विश्‍वास याइम्‍ह मनूयात गुबलें हे प्‍याः चाइ मखु।

यूहन्‍ना 6:58

स्‍वर्गं वःगु मरि थ्‍व हे खः। छिमि तापाःबाज्‍यापिन्‍सं मन्‍ना नयाः नं सिनावन, थ्‍व अज्‍याःगु मरि मखु, थ्‍व मरि नःम्‍ह मनू गुबलें हे सी मखु।”

यूहन्‍ना 7:37

नखः सिधइगु व मू दिनय् येशूं दनाः तस्‍सलं थथे धयादिल – “सुं प्‍याःचाःम्‍ह मनू दुसा जिथाय् वयाः त्‍वँ वा।

रोमी 5:21

थथे जूगुलिं पापं यानाः फुक्‍क मनूत सीमाः थें तुं परमेश्‍वरयागु दया मायां धर्मी ठहरय् जुयाः झी प्रभु येशू ख्रीष्‍टयापाखें मनूतय्‌त अनन्‍त जीवन दत।

रोमी 6:23

पापया ज्‍याला मृत्‍यु खः। परमेश्‍वरं सितिकं बियादीगु वरदान झी प्रभु येशू ख्रीष्‍टयाके अनन्‍त जीवन खः।

२ कोरिन्‍थी 1:22

झीपिं वय्‌कःया मनूत खः धकाः म्‍हसीकेत वय्‌कलं चिं थें झीगु नुगलय् पवित्र आत्‍मा बैनाकथं बियातयादीगु दु।

एफिसी 4:30

थुलि जक मखु, पवित्र आत्‍मायात दुःख बी मते, छाय्‌धाःसा पवित्र आत्‍मा उद्धार बी खुन्‍हुयात धकाः झीत बियातःगु चिं खः।

१ पत्रुस 1:22

सत्‍ययात मानय् याःगुलिं छिपिं आः शुद्ध जूगु दु। अय्‌जूगुलिं छिमिसं दाजुकिजापिन्‍त माया याना च्‍वँ। अज्‍जं थःथवय् दुनुगलंनिसें माया याना च्‍वँ।

१ यूहन्‍ना 5:20

परमेश्‍वरया काय् झायाः झीत धात्‍थेंयाम्‍ह परमेश्‍वर म्‍हसीकादिल। थ्‍व खँ झीसं स्‍यू। धात्‍थेंयाम्‍ह परमेश्‍वरया काय् येशू ख्रीष्‍टनाप झीगु जीवन नं प्‍यपुनाच्‍वंगु दु। थ्‍व हे सत्‍य परमेश्‍वर खः, अले हानं थ्‍व हे परमेश्‍वर अनन्‍त जीवन नं खः।

प्रकाश 7:16

अन इमित गुबलें हे नयेपित्‍याइ मखु, प्‍याः चाइ नं मखु। निभालं व गुगुं क्‍वाःजलं इमित पुइ मखु।

प्रकाश 7:17

सिंहासनयागु दथुइ च्‍वंम्‍ह चीधिकःम्‍ह भ्‍याःचा हे इमित ज्वइम्‍ह जुइ। अले इमित वय्‌कलं हे गुबलें मसुइगु बुंगाःचाय् ब्‍वना यंकादी। अले परमेश्‍वरं हे इमिगु मिखाय् च्‍वंगु ख्‍वबि हुयादी।”