यूहन्‍ना 3:5 - नेवाः बाइबल

⁵ वय्‌कलं लिसः बियादिल – “जिं छितः खःगु खँ धाये, मनूत लखं व परमेश्‍वरया आत्‍मां जन्‍म मजुइकं परमेश्‍वरयागु राज्‍यय् दुहां वने फइ मखु।

यूहन्‍ना 3:5 ပူးပေါင်းရင်းမြစ်များ

मत्ती 18:3

धयादिल – “जिं छिमित धात्‍थें धाये – छिमिसं थःगु बिचाः व बानी त्‍वःताः मस्‍त थें मजुल धाःसा छिमित स्‍वर्गयागु राज्‍यय् दुकाइ मखु।

मत्ती 19:24

जिं छिमित हानं धाये – मुलुयागु कँय् प्‍वालय् ऊँट दुहां वने अःपुया च्‍वनी तर तःमिपिं मनूत परमेश्‍वरयागु राज्‍यय् दुहां वनेत थाकुया च्‍वनी।”

मत्ती 21:31

“थुपिं निम्‍ह काय्‌पिं मध्‍ये सुनां बौम्‍हय्‌सिगु खँ न्‍यन?” इमिसं लिसः बिल – “तःधिकःम्‍ह काय्‌म्‍हं।” अले वय्‌कलं धयादिल – “जिं छिकपिन्‍त खःगु खँ धाये – कर काइपिं व वेश्‍यात छिकपिं स्‍वयाः न्‍हापालाक परमेश्‍वरयागु राज्‍यय् दुहां वनी।

मत्ती 28:19

अय्‌जूगुलिं छिपिं वनाः फुक्‍क जातियापिं मनूतय्‌त चेला दय्‌कि। अले इमित परमेश्‍वर बाःयागु नामं, काय्‌यागु नामं व पवित्र आत्‍मायागु नामं बप्‍तिस्‍मा ब्‍यु।

मत्ती 3:11

“जिं ला छिमित पश्‍चातापया निंतिं लखं बप्‍तिस्‍मा बियाच्‍वना। जिगु लिपा जि सिबय् तसकं तःधंम्‍ह झायाच्‍वंगु दु। जि ला वय्‌कःयागु लाकां ज्‍वनाजुइत तक नं मल्‍वः। वय्‌कलं हे छिमित पवित्र आत्‍मां व मिं बप्‍तिस्‍मा बियादी।

मत्ती 5:20

“जिं छिमित धाये – छिमिसं शास्‍त्रीत व फरिसीतय्‌सं स्‍वयाः अप्‍वः परमेश्‍वरयात यःथें याःसा जक छिपिं स्‍वर्गयागु राज्‍यय् दुहां वने फइ।

मर्कूस 10:14

अले येशूं तंम्‍वयाः इमित धयादिल – “मस्‍तय्‌त पने मते। इमित जिथाय् छ्वया हजि, छाय्‌धाःसा परमेश्‍वरयागु राज्‍य थज्‍याःपिनिगु हे खः।

मर्कूस 16:16

विश्‍वास यानाः बप्‍तिस्‍मा काःम्‍ह बचय् जुइ, विश्‍वास मयाःपिं दोषी ठहरय् जुइ।

मर्कूस 9:47

अथे हे छंगु मिखां छन्‍त पापय् लाकी धाःसा उकियात लिकयाः वान्‍छ्वया ब्‍यु। मिखा निगलं मदयेका नरकयागु मिइ वांछ्वय्‌का च्‍वनेगु स्‍वयाः ला छंगु लागि कां जुयाः परमेश्‍वरयागु राज्‍यलय् दुहां वनेगु हे भिं।

लूका 13:24

“चिब्‍यागु लुखां दुहां वनेगु कुतः या, छाय्‌धाःसा यक्‍व मनूतय्‌सं अनं दुहां वनेत ला स्‍वइ, अय्‌नं फइ मखु।

लूका 13:3

जिं छिकपिन्‍त धाये – अथे मखु, छिकपिन्‍सं पश्‍चाताप मयाःसा छिकपिं नं इपिं थें सी माली।

लूका 13:5

जिं छिकपिन्‍त धाये – अथे मखु, छिकपिन्‍सं पश्‍चाताप मयाःसा छिकपिं नं इपिं थें सी माली।”

यूहन्‍ना 1:13

थुपिं मनूतय्‌पाखें बुइका तःपिं मखु, बरु परमेश्‍वरं बुइका तःपिं परमेश्‍वरया सन्‍तान खः।

यूहन्‍ना 3:3

वय्‌कलं लिसः बियादिल – “जिं छितः खःगु खँ धाये – न्‍हूकथं हानं जन्‍म मजुइकं मनूतय्‌सं परमेश्‍वरयागु राज्‍य खनी मखु।”

यूहन्‍ना 3:4

निकोदेमसं वय्‌कःयात धाल – “बुरा जुइ धुंकाः मनूत हानं गथे यानाः जन्‍म जुइ? हानं छकः मांयागु प्‍वाथय् दुहां वनाः जन्‍म जुइगु ला?”

प्रेरित 2:38

अले पत्रुसं इमित धाल – “पश्‍चाताप या, अले छिकपिं छम्‍ह छम्‍हय्‌सिनं थःगु पापया क्षमा या लागि येशू ख्रीष्‍टयागु नामं बप्‍तिस्‍मा कयादिसँ। अले छिकपिन्‍सं परमेश्‍वरयागु वरदान पवित्र आत्‍मा कायेखनी।

प्रेरित 3:19

अय्‌जूगुलिं पश्‍चाताप यानाः छिकपिं परमेश्‍वरयाथाय् लिहांझासँ, अले वय्‌कलं छिकपिनिगु पाप हुयाछ्‌वयादी।

रोमी 14:17

परमेश्‍वरयागु राज्‍य नयेगु व त्‍वनेगु जक मखु, बरु पवित्र आत्‍मां बियादीगु धार्मिकता, शान्‍ति व आनन्‍द खः।

रोमी 8:2

आः ला झीत येशू ख्रीष्‍टपाखें न्‍हूगु जीवन बियादीम्‍ह परमेश्‍वरया आत्‍मां पाप व मृत्‍युयागु व्‍यवस्‍थां मुक्त यानादीगु दु।

१ कोरिन्‍थी 15:50

यःपिं दाजुकिजापिं, परमेश्‍वरं जितः धयादीगु सत्‍य खँ थ्‍व हे खः। थ्‍व संसारय् म्‍वानाच्‍वंपिं मनूत स्‍वर्गय् परमेश्‍वरयागु राज्‍यय् दुथ्‍याइ मखु। अथे हे नाश जुइपिन्‍सं नाश मजुइके फइ मखु।

१ कोरिन्‍थी 2:12

परमेश्‍वरं झीत थ्‍व संसारयागु आत्‍मा बियादीगु मखु, बरु पवित्र आत्‍मा बियादीगु खः। वय्‌कलं बियादीगु फुक्‍क खँ झीसं सीके फयेमा धकाः झीत थ्‍व बियादीगु खः।

१ कोरिन्‍थी 6:11

छिपिं मध्‍ये नं गुम्‍हं गुम्‍हं न्‍हापा थथे हे याना जुइ धुंकूपिं खः। आः ला छिमिगु पाप सिले धुंकूगु दु। छिपिं परमेश्‍वरयात देछाये धुंकूपिं मनूत खः। झी परमेश्‍वरया आत्‍मां प्रभु येशू ख्रीष्‍टयागु नामं छिमित परमेश्‍वर नाप मिलय् यानादीगु दु।

गलाती 6:15

म्‍हय् चिं तःसां मतःसां छुं मपा। दक्‍वसिबय् तःधंगु ला न्‍हूम्‍ह जुयाः म्‍वानाच्‍वनेगु खः।

एफिसी 5:26

ख्रीष्‍ट येशूं मण्‍डलीयात शुद्ध यायेत थःगु वचनं व लखं सिलाः शुद्ध यानादिल।

१ पत्रुस 1:2

न्‍हापांनिसें ताःतुनादी थें वय्‌कलं धाःथें याइपिं यायेत पवित्र आत्‍मापाखें छिमित परमेश्‍वर बाःनं ल्‍ययादीगु खः। अले येशू ख्रीष्‍टयागु हिं शुद्ध यानाः छिमित वय्‌कःयात मानय् याइपिं यानादीगु खः। परमेश्‍वरयागु दया माया व शान्‍ति छिमित यक्‍व दयेमा।

१ पत्रुस 3:21

थ्‍व आः छिमित बचय् याइगु लःया बप्‍तिस्‍माया चिं खः। थ्‍व म्‍हया खिति सिला छ्वयेगु थें मखु, बरु यचुगु नुगलं परमेश्‍वरया अधीनय् जुइगु खः। ख्रीष्‍ट सिनाः म्‍वाना वःगुलिं झीपिं बचय् जुइ।

१ यूहन्‍ना 2:29

ख्रीष्‍ट भिंम्‍ह खः धकाः छिमिसं स्‍यू। अय्‌जूगुलिं छिमिसं भिंगु बांलाःगु जक यानाजुइपिं मनूत परमेश्‍वरया सन्‍तान खः धकाः सीकाति।

१ यूहन्‍ना 5:1

येशूयात मुक्ति बीम्‍ह ख्रीष्‍ट खः धकाः विश्‍वास याना जूपिं मनूत परमेश्‍वरया सन्‍तान खः। परमेश्‍वर बाःयात माया याइम्‍हय्‌सिनं वय्‌कःया काय्‌यात नं माया याइ।