यूहन्‍ना 3:31 - नेवाः बाइबल

³¹ “च्‍वय्‌नं वःम्‍ह फुक्‍क स्‍वयाः तःधंम्‍ह खः। अले संसारं वःम्‍ह संसारयाम्‍ह हे खः, थज्‍याःम्‍ह मनुखं संसारयागु हे खँ ल्‍हाइ। स्‍वर्गं वःम्‍ह फुक्‍क स्‍वयाः तःधं जू।

यूहन्‍ना 3:31 ပူးပေါင်းရင်းမြစ်များ

मत्ती 28:18

वय्‌कलं इमिगु न्‍ह्यःने वयाः थथे धयादिल – “संसार व स्‍वर्गयागु फुक्‍क अधिकार जितः बियातःगु दु।

यूहन्‍ना 1:15

वय्‌कःयागु खँ कँकं यूहन्‍नां थथे धाल – “जि स्‍वयाः लिपा झाइम्‍ह जि स्‍वयाः नं तःधंम्‍ह खः छाय्‌धाःसा वय्‌कः जि बुइ न्‍ह्यःनिसें दुम्‍ह खः। अले जिं धयाम्‍ह वय्‌कः हे खः।”

यूहन्‍ना 1:27

जि स्‍वयाः लिपा झायादीम्‍ह वय्‌कः हे खः। वय्‌कःयागु लाकां पुतु फ्‍यनेत तकं जि मल्‍वः।”

यूहन्‍ना 1:30

जिं धया च्‍वनाम्‍ह मनू वय्‌कः हे खः – ‘जि स्‍वयाः लिपा झाइम्‍ह मनू जि स्‍वयाः तःधं, छाय्‌धाःसा वय्‌कः जि स्‍वयाः न्‍हापांनिसें हे दुम्‍ह खः।’

यूहन्‍ना 3:30

वय्‌कः तःधं जुइ, जि चिधं जुइ।”

यूहन्‍ना 6:33

स्‍वर्गं क्‍वहां वयाः मनूतय्‌त अनन्‍त जीवन बीम्‍ह हे परमेश्‍वरं बियादीगु मरि खः।”

यूहन्‍ना 6:51

स्‍वर्गं वःगु अनन्‍त जीवन दुगु मरि जि हे खः। थ्‍व मरि सुनानं नल धाःसा व न्‍ह्याबलें म्‍वानाच्‍वनी। संसारयात जिं बीत्‍यनागु अनन्‍त जीवन बीगु मरि जिगु म्‍ह खः।”

यूहन्‍ना 8:23

अले वय्‌कलं इमित धयादिल – “छिकपिं क्‍वय्‌च्‍वंपिं खः, जि च्‍वय्‌च्‍वंम्‍ह खः। छिकपिं थ्‍व संसारयापिं खः, जि संसारयाम्‍ह मखु।

प्रेरित 10:36

परमेश्‍वरं येशू ख्रीष्‍टयापाखें इस्राएलीतय्‌त शान्‍ति बीगु भिंगु खँ न्‍यंकादिल। थ्‍व हे येशू ख्रीष्‍ट फुक्‍कसियां प्रभु खः।

रोमी 9:5

ख्रीष्‍टया तापाःबाज्‍यापिं इमि नं तापाःबाज्‍यापिं खः। ख्रीष्‍ट थः नं इपिं थें थ्‍व हे जातय् बूगु खः। वय्‌कः दक्‍वसित राज्‍य यानादीम्‍ह परमेश्‍वर खः, वय्‌कः सदां तःधनेमा। आमेन।

हिब्रू 9:1

न्‍हापायागु बाचाय् नं परमेश्‍वरयात गथे यानाः सेवा यायेगु धयागु खँ च्‍वयातःगु खः। अबलय् इमिसं पृथ्‍वीइ हे पवित्रगु थाय् दय्‌कूगु खः।

१ पत्रुस 3:22

वय्‌कः स्‍वर्गय् झायाः परमेश्‍वरया जवय् च्‍वनादीगु दु। अधिकार दुपिं, शक्ति दुपिं, व स्‍वर्गदूतत फुक्‍कं वय्‌कःया ल्‍हातय् दु।

१ यूहन्‍ना 4:5

इमिसं ला थ्‍व संसारय् च्‍वंगु खँ जक स्‍यने फु। अले संसारयापिं मनूतय्‌सं इमिसं धाःगु खँ मानय् नं जुइ। अथे जूगुलिं इपिं फुक्‍कं थ्‍व हे संसारयापिं मनूत खः।

प्रकाश 19:16

वय्‌कःयागु वसतय् व वय्‌कःयागु खम्‍पाय् थ्‍व नां च्‍वयातःगु दु – “जुजुतय् नं जुजु व प्रभुतय् नं प्रभु।”