30 वय्कः तःधं जुइ, जि चिधं जुइ।”
अथे जुयाः जिं तःधंपिंनापं हे वयात नं छगू भाग बी, वं लाकाहःगु माल बल्लाःपिंनापं इनी। छाय्धाःसा वं थःगु जीवन पानाबिल, व पापीतनापं हे वयात ल्याः खात। वं यक्वसिगु पाप क्वबिल, व पापीतय्गु निंतिं स्वापु तइम्ह जुल।
वय्कःया शासन न्ह्याबलें दयाच्वनी, वय्कःया शान्तिया अन्त्य गुब्सं जुइ मखु। दाऊद जुजुया लिपा वइम्ह जुजु वय्कः हे खः। न्याय व धर्मया निंतिं धिसिलाक्क दना थनिंनिसें सदांया निंतिं राज्य यानादी। दक्व शक्ति दुम्ह परमप्रभुया जोशं थ्व पूवनी।
भम्चायात ब्याहा याःम्ह हे भाःतम्ह जुइ। ब्याहा याःम्ह मिजंया पासा वयागु खँ न्यनाः तसकं लय्ताइ। अथे हे जि नं आः लय्ताय् खन।
“च्वय्नं वःम्ह फुक्क स्वयाः तःधंम्ह खः। अले संसारं वःम्ह संसारयाम्ह हे खः, थज्याःम्ह मनुखं संसारयागु हे खँ ल्हाइ। स्वर्गं वःम्ह फुक्क स्वयाः तःधं जू।
अपोल्लोस धाःम्ह सु खः धकाः? अथे हे पावल धाःम्ह सु खः धकाः? जिपिं निम्हं छिमित प्रभुयागु भिंगु खँ कनाः विश्वास याकापिं परमेश्वरया च्यःत जक खः। प्रभुं जिमित याकेबियादी थें जिमिसं यानाच्वनागु खः।
मण्डली वय्कःयागु म्ह खः, अले वय्कः मण्डलीयागु छ्यं खः। वय्कः हे दकलय् न्हापा दुम्ह, अले दकलय् न्हापां सिनाः म्वानावःम्ह खः। वय्कःयात फुक्कसियां प्रभु यायेत थथे यानादीगु खः।
अले न्हय्म्हम्ह स्वर्गदूतं थःगु तुरही पुल। अले स्वर्गं तस्सलं थथे धयाहल – “संसारयागु राज्य झी प्रभु व वय्कःया ख्रीष्टयागु राज्य जुल। वय्कलं सदांया निंतिं राज्य यानादी।”
