यूहन्‍ना 3:29 - नेवाः बाइबल

²⁹ भम्‍चायात ब्‍याहा याःम्‍ह हे भाःतम्‍ह जुइ। ब्‍याहा याःम्‍ह मिजंया पासा वयागु खँ न्‍यनाः तसकं लय्‌ताइ। अथे हे जि नं आः लय्‌ताय् खन।

यूहन्‍ना 3:29 ပူးပေါင်းရင်းမြစ်များ

श्रेष्‍ठगीत 3:11

हे सियोनया म्‍ह्याय्‌पिं, पिने पिहां वा, जुजु सोलोमनं मुकुट पुगू स्‍वः वा, व मुकुट वया मांनं ब्‍याहाया दिंखुन्‍हु लय्‌ताःबलय् वयात पुइकाब्‍यूगु खः।

श्रेष्‍ठगीत 5:1

हे जिमि तसकं यःम्‍ह मय्‌जु, जिमि भम्‍चा, जि जिगु बगैँचाय् वयागु दु, जिं जिगु नस्‍वाःगु मसलानापं मूर्र मुनागु दु। जिं जिगु हाप्‍वः व कस्‍ति नयागु दु। जिं जिगु दाखमद्य व दुरु त्‍वना। नयेगु या, हे जिमि पासा, त्‍वँ, अले मतिनां मजाःतले त्‍वँ, जिमि प्रिय।

यशैया 54:5

छाय्‌धाःसा छन्‍त सृष्‍टि यानादीम्‍ह छिमि भाःत खः, वय्‌कःया नां दक्‍व शक्ति दुम्‍ह परमप्रभु खः। इस्राएलया पवित्र परमेश्‍वर छन्‍त उद्धार यानादीम्‍ह खः। वय्‌कःयात फुक्‍क पृथ्‍वीया परमेश्‍वर धकाः धाइ।

यशैया 66:11

छाय्‌धाःसा वया निंतिं सान्‍त्‍वना बीपिं दुरु त्‍वनाः लुधंकी, अले पूरा दुरु त्‍वने धुंकाः छिपिं तसकं लय्‌ताइ।”

यर्मिया 2:2

“छं वनाः यरूशलेमय् च्‍वंपिं सकसितं थ्‍व खबर न्‍यंकि, “परमप्रभुं थथे धयादी, ‘छं ल्‍याय्‌म्‍हबलय्‌यागु भक्ति, “‘भम्‍चा थें छं जितः माया याःगु जि लुमंसे वः। मरुभूमिइ, पुसा मह्वःगु थासय् छ जिगु ल्‍यूल्‍यू जुइगु।

इजकिएल 16:8

“‘अनंलि जि छंगु लिक्‍क जुयाः वनाबलय् जिं छन्‍त मतिना याये ज्‍यूगु उमेरय् थ्‍यंगु खना। स्‍व, जिं थःगु गाः चक्‍कंकाः छंगु नांगा म्‍हय् फाय्‌काबिया। जिं छलिसें पाफयाः ब्‍याहाया बाचा चिना, अले छ जिम्‍ह जुल, परमप्रभु परमेश्‍वरं धयादी।

होशे 2:19

जिं छन्‍त न्‍ह्याबलेंया निंतिं थः कलाः यानातये। जि छंगु धात्‍थेंयाम्‍ह व विश्‍वास याये बहःम्‍ह भाःत जुइ। जिं छन्‍त न्‍ह्याबलें दयामाया क्‍यने।

मत्ती 22:2

“स्‍वर्गयागु राज्‍य थथे च्‍वं – छकः छम्‍ह जुजुं थः काय्‌यागु ब्‍याहाया भ्‍वय् सःतल।

मत्ती 25:1

“स्‍वर्गयागु राज्‍य थथे च्‍वं। झिम्‍ह ल्‍यासेत जिलाजं नापलायेत थथःगु मत ज्‍वनावन।

मत्ती 9:15

वय्‌कलं इमित लिसः बियादिल – “जिलाजं जुइम्‍हनापं दतले जन्‍त वःपिन्‍सं नुगः मछिंकी ला? अय्‌नं छन्‍हु ब्‍याहा याइम्‍ह मनूयात लिगनाः यनीतिनि। अले जक इपिं अपसं च्‍वनी।

लूका 15:6

वं छेँ थ्‍यंकाः थः पासापिन्‍त व जःखः च्‍वंपिन्‍त सःताः थथे धाइ – ‘जिं तंम्‍ह फैचायात लुइका हये धुन, उकिं छिपिं नं जिनापं लय्‌ता।’

यूहन्‍ना 15:11

जिगु आनन्‍द छिमिके दयेमा, अले थ्‍व आनन्‍द यक्‍व दयावनेमा धकाः हे जिं थ्‍व खँ छिमित धयागु खः।

यूहन्‍ना 16:24

आः तक छिमिसं जिगु नामं छुं हे मफ्‍वंनि। फ्‍वँ, अले छिमित दइ, थुकथं छिपिं आनन्‍दं जाइ।”

यूहन्‍ना 17:13

“आः जि छिथाय् वयेत्‍यना। इमिगु नुगः जिगु आनन्‍दं जायेमा धकाः संसारय् दनिबलय् हे जिं थथे धयागु खः।

यूहन्‍ना 3:30

वय्‌कः तःधं जुइ, जि चिधं जुइ।”

२ कोरिन्‍थी 11:2

परमेश्‍वरं थें जिं छिमित बिचाः यानातयागु दु। छिपिं ख्रीष्‍टलिसे ब्‍याहा यानाबीत जिं ल्‍ययातयापिं मिसामचात थें खः।

फिलिप्‍पी 2:2

अथे खः धयागु जूसा छिमिसं छगू हे मनं, छगू हे मायां, छगू हे नुगलं, अले छता हे खँय् मन बियाः जितः अज्‍जं लय्‌ताय्‌की।

१ यूहन्‍ना 1:4

थथे जिमिसं छिमित च्‍वयाः कयाच्‍वने दुगुलिं जिपिं तसकं लय्‌ताः।

२ यूहन्‍ना 1:12

जिं छिमित च्‍वये माःगु खँ ला यक्‍व हे दु। तर मसी व भ्‍वंतं मखु। आम्‍कन हे वयाः धाये, अले झीपिं सकलें लय्‌ताय् खनी।

प्रकाश 21:9

दुःखकष्‍ट दुगु ख्‍वल्‍चा ज्‍वनातःपिं न्‍हय्‌म्‍ह स्‍वर्गदूतत मध्‍ये दक्‍वसिबय् लिपायागु दुःखकष्‍ट दुगु ख्‍वल्‍चा कयातःम्‍हय्‌सिनं वयाः जितः थथे धाल – “थन वा, जिं छन्‍त भम्‍चा क्‍यनाबी। व भम्‍चा चीधिकःम्‍ह भ्‍याःचाया कलाः खः।”