यूहन्‍ना 3:28 - नेवाः बाइबल

²⁸ जि मुक्ति बीम्‍ह ख्रीष्‍ट मखु, अय्‌नं वय्‌कः स्‍वयाः न्‍हापालाक छ्वयाहःम्‍ह खः धकाः जिं धयागु खँ छिमिसं हे धयाच्‍वंगु दु।

यूहन्‍ना 3:28 ပူးပေါင်းရင်းမြစ်များ

मलाकी 3:1

दक्‍व शक्ति दुम्‍ह परमप्रभुं थथे लिसः बियादी – “स्‍व! जिं जिम्‍ह दूतयात जिगु न्‍ह्यःने न्‍ह्यःने लँपु तयार यायेत छ्वयाहये। अले छिमिसं मालाच्‍वंम्‍ह प्रभु आकाझाकां थःगु देगलय् झायादी। छिमिसं यय्‌कूम्‍ह बाचाया दूत धात्‍थें झायादी।”

मत्ती 3:3

थ्‍व हे यूहन्‍नायागु खँ यशैया अगमवक्तां थथे च्‍वया थकूगु दु – “मरुभूमिइ छम्‍ह मनू थथे धकाः हालाः वइ – ‘प्रभुयात लँ ब्‍यु, वय्‌कःयागु लँ छिंकाब्‍यु।’”

लूका 1:76

छ नं, जिमि काय्, दकलय् तःधंम्‍ह परमेश्‍वरया अगमवक्ता धकाः छन्‍त धाइ। उकिं छ प्रभुया न्‍ह्यः वय्‌कःयात लँ छिंकेत वनीम्‍ह जुइ।

यूहन्‍ना 1:20

यूहन्‍नां खःगु हे खँ धयाः थथे लिसः बिल – “जि मुक्ति बीम्‍ह ख्रीष्‍ट मखु।”

यूहन्‍ना 1:23

अले वं धाल – “यशैया अगमवक्तां धाःथें जि परमप्रभुया निंतिं लँ छिंकाब्‍यु धकाः मरुभूमिइ हाला जुइम्‍हय्‌सिया सः खः।”

यूहन्‍ना 1:25

हानं न्‍यन – “छ मुक्ति बीम्‍ह ख्रीष्‍ट नं मखु, एलिया नं मखु, अले व अगमवक्ता नं मखु धयागु जूसा छं छाय् बप्‍तिस्‍मा बियाच्‍वनागु?”

यूहन्‍ना 1:27

जि स्‍वयाः लिपा झायादीम्‍ह वय्‌कः हे खः। वय्‌कःयागु लाकां पुतु फ्‍यनेत तकं जि मल्‍वः।”