यूहन्‍ना 3:27 - नेवाः बाइबल

²⁷ वं लिसः बिल – “परमेश्‍वरं मबीकं सुनानं छुं नं काये फइ मखु।

यूहन्‍ना 3:27 ပူးပေါင်းရင်းမြစ်များ

यर्मिया 1:5

“जिं छन्‍त छिमि मांया प्‍वाथय् दय्‌के न्‍ह्यः हे म्‍हस्‍यू। छ बुइ न्‍ह्यः हे जिं छन्‍त अलग याना। जिं छन्‍त जाति जातितय्‌त अगमवाणी न्‍यंकेत ल्‍यया।”

यर्मिया 17:16

छिम्‍ह फैजवाः जुइगुपाखें जि बिस्‍युं वनागु मदु। जिं निराशया दिंया इच्‍छा यानागु मदु धकाः छिं स्‍यू। हे परमप्रभु, जिं छु धया व छिगु हे न्‍ह्यःने धाःगु खः धकाः छिं स्‍यू।

आमोस 7:15

तर परमप्रभुं जितः फै-च्‍वलय् ज्‍वयेगुपाखें सःतादिल अले धयादिल, ‘हुँ, वनाः जिमि इस्राएली मनूतय्‌त अगमवाणी धाः।’

गन्‍ती 17:5

जिं ल्‍ययातःम्‍हय्‌सिगु कथिं चुलि पिहां वइ। थथे इस्राएलीतय्‌सं छंगु विरोधय् याना हे च्‍वनीगु कचकच मदय्‌काछ्वये।”

मत्ती 21:25

बप्‍तिस्‍मा बीगु अधिकार यूहन्‍नां सुयापाखें काल? स्‍वर्गपाखें ला कि मनूतय्‌पाखें?” थ्‍व न्‍यनाः इमि थःथवय् थथे खँ जुल – “‘स्‍वर्गपाखें काःगु’ धाल कि वं झीत ‘अय्‌सा, छिमिसं वयात छाय् विश्‍वास मयानागु लय्?’ धकाः धाइ।

मत्ती 25:15

वं इमिसं फक्‍व छम्‍हय्‌सित न्‍यागू लाख, छम्‍हय्‌सित निगू लाख व छम्‍हय्‌सित छगू लाख जिम्‍मा बियाः परदेशय् वन।

मर्कूस 13:34

“थ्‍व खँ ला परदेशय् वनेत्‍यंम्‍ह मनू थें खः। वं थः च्‍यःतय्‌त ‘छेँयागु ज्‍या बांलाक या,’ अले लुखाय् पाः च्‍वनीम्‍हय्‌सित ‘छेँय् बांलाक स्‍व’ धकाः धाइ।

यूहन्‍ना 10:41

यक्‍व मनूतय्‌सं वय्‌कःयाथाय् वयाः थथे धाल – “यूहन्‍नां छुं नं चिं क्‍यना मवं, अय्‌नं यूहन्‍नां कंगु खँ फुक्‍कं थ्‍व मनूलिसे पाय्‌छि जू वः।”

यूहन्‍ना 6:65

अले वय्‌कलं धयादिल – “अय्‌जूगुलिं हे ला खः नि, बाःनं छ्वयाहया मदीकं सुं नं वये फइ मखु धकाः जिं छिमित धयागु।”

रोमी 1:5

वय्‌कःयागु नां दक्‍व जात जातिया मनूतय्‌त न्‍यंकाः विश्‍वास याःपिन्‍सं वय्‌कःयात मानय् यायेमाः धकाः धया बीत वय्‌कलं हे जिमित दया माया यानाः प्रेरित दय्‌कादिल।

रोमी 12:6

परमेश्‍वरं झीत दया माया यानाः बियातःगु थीथी वरदानयात झीसं छ्यले माल। अगमवाणी कनेगु वरदान दःसा वं विश्‍वासं थ्‍व ज्‍या यायेमाः।

१ कोरिन्‍थी 1:1

परमेश्‍वरं ख्रीष्‍ट येशूयाम्‍ह प्रेरित यानातःम्‍ह पावल व झी किजा सोस्‍थेनेसपाखें

१ कोरिन्‍थी 12:11

थथे थीथी वरदान बियादीम्‍ह थ्‍व हे पवित्र आत्‍मा खः। थ्‍व हे पवित्र आत्‍मां थःत यःथें फुक्‍कसित थीथी वरदान बियादी।

१ कोरिन्‍थी 15:10

अथेसां परमेश्‍वरं जितः दया माया यानादीगुलिं जि थथे जुइ खन। वय्‌कलं जितः दया माया यानादीगु नं ला जिं सितिं मछ्वया। फुक्‍क प्रेरिततय्‌सं स्‍वयाः नं जिं यक्‍व दुःख सियाः ज्‍या यानाच्‍वनागु दु। जिं हे जक ला थथे ज्‍या यानाच्‍वनागु मखु, बरु जितः ज्‍या याकातःगु ला परमेश्‍वरयागु दया मायां खः।

१ कोरिन्‍थी 3:5

अपोल्‍लोस धाःम्‍ह सु खः धकाः? अथे हे पावल धाःम्‍ह सु खः धकाः? जिपिं निम्‍हं छिमित प्रभुयागु भिंगु खँ कनाः विश्‍वास याकापिं परमेश्‍वरया च्‍यःत जक खः। प्रभुं जिमित याकेबियादी थें जिमिसं यानाच्‍वनागु खः।

१ कोरिन्‍थी 4:7

छिमित सुनां मेपिं स्‍वयाः तःधं याना तल? छिमिके दुगु फुक्‍कं परमेश्‍वरं हे बियादीगु मखु ला? फुक्‍कं अथे बियातःगु जूसां ब्‍यूगु हे मखु थें यानाः छाय् छिपिं तःधंछुया जुइगु?

गलाती 1:1

मनूतय्‌पाखें मखु, येशू ख्रीष्‍ट व वय्‌कःयात हानं म्‍वाकादीम्‍ह परमेश्‍वरं प्रेरित यानाः छ्वयाहःम्‍ह जि पावल व

एफिसी 1:1

परमेश्‍वरं हे ख्रीष्‍ट येशूयाम्‍ह प्रेरित यानातःम्‍ह पावलपाखें एफिससय् च्‍वंपिं ख्रीष्‍ट येशूयात विश्‍वास यानाच्‍वंपिं परमेश्‍वरया मनूतय्‌त ज्‍वजलपा!

१ तिमोथी 2:7

थ्‍व हे ज्‍या यायेत जितः भिंगु खँ न्‍यंकः जुइम्‍ह व प्रेरित यानादिल। जिं धात्‍थेंगु खँ धयाच्‍वनागु खः, मखुगु खँ ल्‍हानागु मखु। यहूदीमखुपिन्‍त थ्‍व हे धात्‍थेंगु खँ कनाः विश्‍वास याकेत जितः गुरु ल्‍ययातःगु खः।

याकूब 1:17

फुक्‍क भिंगु भिंगु व सिद्धगु वरदान च्‍वं, आकाशय् च्‍वंगु फुक्‍क जः सृष्‍टि यानादीम्‍ह परमेश्‍वरपाखें वःगु खः। परमेश्‍वर गुबलें हिली मखु, वय्‌कः हिलिगु किचः थें नं मखु।