यूहन्‍ना 3:26 - नेवाः बाइबल

²⁶ अले यूहन्‍नायाथाय् वनाः इमिसं थथे धाल – “गुरुजु, यर्दन पारिइ छिनाप दुम्‍ह, अले छिं हे साक्षी बियादीम्‍ह मनुखं बप्‍तिस्‍मा बियाच्‍वंगु दु। फुक्‍क मनूत वयाथाय् हे वनाच्‍वंगु दु।”

यूहन्‍ना 3:26 ပူးပေါင်းရင်းမြစ်များ

भजनसंग्रहया सफू 65:2

हे जिमिगु प्रार्थना न्‍यनीम्‍ह परमेश्‍वर, फुक्‍क मनूत छिथाय् वइ।

उपदेशक 4:4

अनंलि जिं थ्‍व नं खना कि फुक्‍क दुःखसिया ज्‍या यायेगु व फलिफाप धयागु हे मनूतय्‌सं थः जःलाखःलाया ईख याःगु कारण जक जुइगु खः। थ्‍व नं सितिं वंगु खँ खः, अले फय्‌यात लिइगु थें जक खः।

यशैया 45:23

जिं थःगु हे नामं पाफयागु दु, जि विश्‍वास याये बहःम्‍ह जुयाः जिगु म्‍हुतुं छगू वचन घोषणा यानागु दु, गुगु जिं हाकनं लित काये मखु। फुक्‍क मनूतय्‌सं जिगु न्‍ह्यःने पुलिं चुइ। अले फुक्‍कसिनं जिगु भक्ति याये धकाः पा फइ।

मत्ती 23:7

बजारय् वनीबलय् मेपिन्‍सं ज्‍वजलपा याका जुइत स्‍वइ, अले इमि मनूतय्‌सं थःत ‘गुरु’ धाय्‌का जुइ मास्‍ति वः।

मत्ती 23:8

“छिपिं धाःसा थःत ‘गुरु’ धाय्‌का जुइ मते, छाय्‌धाःसा छिपिं फुक्‍कं दाजुकिजापिं खः, छिमि छम्‍ह हे जक गुरु दु।

यूहन्‍ना 1:15

वय्‌कःयागु खँ कँकं यूहन्‍नां थथे धाल – “जि स्‍वयाः लिपा झाइम्‍ह जि स्‍वयाः नं तःधंम्‍ह खः छाय्‌धाःसा वय्‌कः जि बुइ न्‍ह्यःनिसें दुम्‍ह खः। अले जिं धयाम्‍ह वय्‌कः हे खः।”

यूहन्‍ना 1:7

थ्‍व मनू जःयागु खँ थः हे साक्षी जुयाः फुक्‍कसितं कनाः विश्‍वास याकेत वःम्‍ह खः।

यूहन्‍ना 1:9

फुक्‍क मनूतय्‌गु नुगलय् थीगु धात्‍थेंयागु जः ला संसारय् झायाच्‍वंगु दु।

यूहन्‍ना 11:48

थथे हे याका तल धाःसा फुक्‍कसिनं हे वयात विश्‍वास याइ। अले रोमीत वयाः झीगु देगः व झीगु जातियात हे नाश यानाछ्वइ।”

यूहन्‍ना 12:19

उकिं फरिसीतय्‌सं थःथवय् खँ ल्‍हात– “का स्‍व, संसार फुक्‍क हे व नाप वन। आः ला झीसं वयात छुं हे याये फइ मखुत।”

यूहन्‍ना 3:2

छन्‍हु चान्‍हय् व येशूयाथाय् वयाः धाल – “गुरुजु, छि परमेश्‍वरं छ्वयाहयादीम्‍ह गुरु खः धकाः जिमिसं स्‍यू। परमेश्‍वर छिनाप दीगुलिं सुनानं याये मफुगु चिं छिं यानादी फु।”

यूहन्‍ना 4:1

यूहन्‍नां स्‍वयाः येशूं यक्‍व मनूतय्‌त चेला दय्‌काः बप्‍तिस्‍मा बियाच्‍वन धकाः फरिसीतय्‌सं नं सिल धयागु खँ

यूहन्‍ना 4:2

प्रभुं सीकादीगुलिं वय्‌कः हानं यहूदियां गालीलय् झाल। वय्‌कः थःम्‍हय्‌सिनं हे बप्‍तिस्‍मा बियादीगु ला मखु, बरु वय्‌कःया चेलातय्‌सं ब्‍यूगु खः।

यूहन्‍ना 4:31

अबलय् हे चेलातय्‌सं वय्‌कःयात थथे धाल – “गुरुजु, भपियादिसँ।”

यूहन्‍ना 5:33

छिमिसं यूहन्‍नायाथाय् मनू छ्वयाहल, अले वं ‘सत्‍य थ्‍व हे खः’ धकाः साक्षी बिल।