यूहन्‍ना 21:7 - नेवाः बाइबल

⁷ वय्‌कलं माया यानातःम्‍ह चेलां पत्रुसयात धाल – “वय्‌कः प्रभु हे खः।” वय्‌कः प्रभु हे खः धकाः सिमोन पत्रुसं ताःगुलिं काचाकाचां लं फिनाः समुद्रय् तिन्‍हुल, छाय्‌धाःसा उबलय् वं लं त्‍वयातःगु खः।

यूहन्‍ना 21:7 ပူးပေါင်းရင်းမြစ်များ

भजनसंग्रहया सफू 118:23

परमप्रभुं हे थथे यानादीगु खः। झीसं स्‍वयेबलय् थ्‍व तसकं अजू चायापु।

श्रेष्‍ठगीत 8:7

न्‍ह्यानाच्‍वंगु लखं नं मायायात हुयाछ्वये फइ मखु अले तसकं न्‍ह्याःगु खुसिबालं नं मायायात चुइकायंके फइ मखु। सुं मनुखं मायाया पलेसा थःगु छेँया फुक्‍क सम्‍पत्ति हे ब्‍यूसां वयात हेला याइगु जुइ।

मर्कूस 11:3

छिमित सुनानं छुं धाल धाःसा, छिमिसं – ‘प्रभुयात माला च्‍वन’ धकाः धा। अले वं बिया हइ।”

लूका 12:35

“वसः फिनाः सेवाया निंतिं मत च्‍याकाः तयार जुयाच्‍वँ।

लूका 2:11

जुजु दाऊद बूगु गामय् छिमि छम्‍ह मुक्तिदाता नकतिनि हे बूगु दु। वय्‌कः हे ख्रीष्‍ट प्रभु खः।

लूका 7:47

“अय्‌जूगुलिं जिं छितः धाये – वं याःगु यक्‍व पाप क्षमा जूगुलिं वं यक्‍व माया यात। सुयागु कम जक पाप क्षमा जुइ, वं कम हे जक माया याइ।”

यूहन्‍ना 13:23

वय्‌कलं यक्‍व माया यानादीम्‍ह छम्‍ह चेला नयाच्‍वंबलय् वय्‌कःयागु छातिइ लिधनाच्‍वंगु दु।

यूहन्‍ना 19:26

वय्‌कलं थः मां व थःम्‍हं माया यानातःम्‍ह चेलायात थःगु न्‍ह्यःने दनाच्‍वंगु खनाः थः मांयात धयादिल – “अय् नारी स्‍वयादिसँ, थ्‍व छिकपिनि काय् खः।”

यूहन्‍ना 20:2

उकिं वं सिमोन पत्रुस व मेपिं चेलात व येशूं माया यानादीम्‍हय्‌सिथाय् ब्‍वाँय् ब्‍वाँय् वनाः थथे धाल – “इमिसं प्रभुयात तयातःगु थासं यंके धुंकल। इमिसं वय्‌कःयात गन तये यन, जिमिसं मस्‍यू।”

यूहन्‍ना 20:20

थुलि धयाः वय्‌कलं इमित थःगु ल्‍हाः व बेक्‍व क्‍यनादिल। अले ला प्रभुयात खनाः चेलात फुक्‍कं लय्‌लय्‌ताल।

यूहन्‍ना 20:28

अले थोमां वय्‌कःयात धाल – “जिम्‍ह प्रभु, जिम्‍ह परमेश्‍वर।”

यूहन्‍ना 21:20

पत्रुसं लिफः स्‍वःबलय् येशूं माया यानातःम्‍ह चेला नं इपिं नाप वयाच्‍वंगु खन। बहनी भ्‍वय् नयाच्‍वंबलय् वय्‌कःयागु छातिइ लिधनाः थथे धाःम्‍ह चेला व हे खः – “प्रभु, छितः धोखा बीम्‍ह सु खः?”

यूहन्‍ना 21:24

थ्‍व फुक्‍क खँ सत्‍य खः धकाः साक्षी ब्‍यूम्‍ह चेला व हे खः। थ्‍व खँ च्‍वःम्‍ह चेला नं व हे खः। जिमिसं वं ब्‍यूगु साक्षी सत्‍य खः धकाः स्‍यू।

यूहन्‍ना 21:8

मेपिं चेलातय्‌सं नांचाय् च्‍वनाः जालय् जाय्‌क क्‍यंपिं न्‍या सालाहल। इपिं सिथं तापाः मजू। सछिगू मिटर ति जक तापाः।

प्रेरित 10:36

परमेश्‍वरं येशू ख्रीष्‍टयापाखें इस्राएलीतय्‌त शान्‍ति बीगु भिंगु खँ न्‍यंकादिल। थ्‍व हे येशू ख्रीष्‍ट फुक्‍कसियां प्रभु खः।

प्रेरित 2:36

“उकिं छिकपिन्‍सं यख्‍खानाः स्‍याःम्‍ह येशूयात हे परमेश्‍वरं प्रभु व मुक्ति बीम्‍ह ख्रीष्‍ट यानादिल धयागु खँ फुक्‍क इस्राएलीतय्‌सं सीकेमाः।”

१ कोरिन्‍थी 15:47

दकलय् न्‍हापायाम्‍ह आदम पृथ्‍वीयागु चां दय्‌कूम्‍ह खः, अले लिपायाम्‍ह आदम स्‍वर्गं वःम्‍ह खः।

२ कोरिन्‍थी 5:14

ख्रीष्‍टं जिमित माया यानादीगुलिं थुकथं जिमिसं ज्‍या यानाच्‍वनेमाःगु खः। फुक्‍क मनूतय्‌गु निंतिं ख्रीष्‍ट सिनादीगु खः, उकिं सिनादीम्‍ह ख्रीष्‍टनाप फुक्‍क मनूत सित।

याकूब 2:1

दाजुकिजापिं, छिपिं दकलय् तःधंम्‍ह झी प्रभु येशू ख्रीष्‍टयात विश्‍वास याःपिं जुया नं छाय् ख्‍वाः स्‍वयाः व्‍यवहार यायेगु यानागु?