यूहन्‍ना 21:23 - नेवाः बाइबल

²³ वय्‌कलं थथे धयादीगुलिं अबलय् निसें व चेला सी मखुत धकाः चेलातय्‌सं धयाजुल। वय्‌कलं व सी मखुत धकाः धयादीगु मखु, बरु “जि मवतले व म्‍वानाच्‍वनेमा धयागु जिगु इच्‍छा खःसा छन्‍त छाय् माल?” धकाः जक धयादीगु खः।

यूहन्‍ना 21:23 ပူးပေါင်းရင်းမြစ်များ

अय्‍यूब 28:28

अले वय्‌कलं मनूयात धयादिल, ‘स्‍व, प्रभुया भय कायेगु हे बुद्धि खः। मभिंगु ज्‍यापाखें तापाक च्‍वनेगु हे दुग्‍यां खः।’”

अय्‍यूब 33:13

परमेश्‍वरं मनूया उजूरया लिसः बियादी मखु धकाः छिं छाय् परमेश्‍वरयात दोष बियादीगु?

दानिएल 4:35

“पृथ्‍वीयापिं सकलें मनूत परमेश्‍वरया न्‍ह्यःने छुं नं मखु, स्‍वर्गया दूतत व पृथ्‍वीयापिं मनूतय्‌त वय्‌कलं थः यःथें यानादी। सुनानं वय्‌कःया ल्‍हाः पने फइ मखु अले वय्‌कःयात छिं छु यानादियागु? धकाः न्‍यने फइ मखु।”

मत्ती 16:27

आः याकनं हे परमेश्‍वरं मनूया काय्‌यात झःझः धाय्‌क स्‍वर्गदूतत नाप छ्वयाहयादी। अले वय्‌कलं छम्‍ह छम्‍ह मनूयात इमिगु ज्‍या स्‍वयाः सिरपाः बियादी।

प्रेरित 1:15

लिपा अन सछि व निइम्‍ह चेलात मुनाच्‍वंथाय् पत्रुसं दनाः थथे नवात –

प्रेरित 28:14

अन जिमिसं विश्‍वासी दाजुकिजापिं नापलाना। इमिसं इनाप याःगुलिं जिपिं छवाः तक अन च्‍वनाः रोमय् वना।

प्रेरित 6:3

अय्‌जूगुलिं दाजुकिजापिन्‍सं, छिपिं मध्‍ये नांजाःपिं, आत्‍मां जाःपिं व बुद्धिं जाःपिं न्‍हय्‌म्‍ह मनूयात ल्‍ययादिसँ। अले इमित नयेत्‍वनेगु ज्‍याय् तयाबी।

१ कोरिन्‍थी 11:26

प्रभु मझातले थ्‍व मरि व थ्‍व ख्‍वलाय् च्‍वंगु दाखमद्य छिमिसं नयेत्‍वनीबलय् प्रभु सिनादीगु खँ फुक्‍कसित कंगु जुइ।

१ कोरिन्‍थी 4:5

उकिं ई स्‍वयाः न्‍हापा छुं खँय् न्‍याय यायेगु याये मते। तर प्रभु झाया मदितले पियाच्‍वँ। छाय्‌धाःसा वय्‌कलं मनूतय्‌गु नुगलय् च्‍वंगु गुप्‍ति ज्‍याखँ, अले हानं सुनानं मसीक याःपिनिगु ज्‍याखँ नं उलादी। थथे जुइ धुंकाः स्‍याबास बी माःपिं मनूतय्‌त परमेश्‍वरं हे स्‍याबास बियादी।

व्‍यवस्‍था 29:29

गुप्‍ति खँ परमप्रभु झी परमेश्‍वरयागु खः। अय्‌नं वय्‌कलं नियम क्‍यनादीगु दु अले झीसं व झी मचाखाचातय्‌सं उपिं मानय् यायेमाः।

याकूब 5:7

दाजुकिजापिं, प्रभु मझातले मन तया च्‍वँ। बाली लये दइगु आशां मनूतय्‌सं बाली पिनाः वा मवतले मन तयाः पियाच्‍वनी।

प्रकाश 2:25

आः थें तुं छिपिं जि मवतले विश्‍वासय् बल्‍लाना च्‍वँ।