यूहन्‍ना 21:20 - नेवाः बाइबल

²⁰ पत्रुसं लिफः स्‍वःबलय् येशूं माया यानातःम्‍ह चेला नं इपिं नाप वयाच्‍वंगु खन। बहनी भ्‍वय् नयाच्‍वंबलय् वय्‌कःयागु छातिइ लिधनाः थथे धाःम्‍ह चेला व हे खः – “प्रभु, छितः धोखा बीम्‍ह सु खः?”

यूहन्‍ना 21:20 ပူးပေါင်းရင်းမြစ်များ

मत्ती 26:46

दँ, वनेनु। स्‍व, जितः ज्‍वंकीम्‍ह मनू नं न्‍ह्यःने थ्‍यने धुंकल।”

यूहन्‍ना 20:2

उकिं वं सिमोन पत्रुस व मेपिं चेलात व येशूं माया यानादीम्‍हय्‌सिथाय् ब्‍वाँय् ब्‍वाँय् वनाः थथे धाल – “इमिसं प्रभुयात तयातःगु थासं यंके धुंकल। इमिसं वय्‌कःयात गन तये यन, जिमिसं मस्‍यू।”

यूहन्‍ना 21:21

पत्रुसं वयात खनाः वय्‌कःयाके थथे धकाः न्‍यन – “प्रभु, वयात छु जुइ लय्?”

यूहन्‍ना 21:24

थ्‍व फुक्‍क खँ सत्‍य खः धकाः साक्षी ब्‍यूम्‍ह चेला व हे खः। थ्‍व खँ च्‍वःम्‍ह चेला नं व हे खः। जिमिसं वं ब्‍यूगु साक्षी सत्‍य खः धकाः स्‍यू।

यूहन्‍ना 21:7

वय्‌कलं माया यानातःम्‍ह चेलां पत्रुसयात धाल – “वय्‌कः प्रभु हे खः।” वय्‌कः प्रभु हे खः धकाः सिमोन पत्रुसं ताःगुलिं काचाकाचां लं फिनाः समुद्रय् तिन्‍हुल, छाय्‌धाःसा उबलय् वं लं त्‍वयातःगु खः।