यूहन्‍ना 21:16 - नेवाः बाइबल

¹⁶ वय्‌कलं हानं निक्‍वः खुसि धयादिल – “यूहन्‍नाया काय् सिमोन, छु छं जितः माया याना ला?” वं धाल “खः प्रभु, जिं छितः माया याः धकाः छिं सि हे स्‍यू।” वय्‌कलं धयादिल – “जिमि फैचातय्‌त बिचाः या।”

यूहन्‍ना 21:16 ပူးပေါင်းရင်းမြစ်များ

भजनसंग्रहया सफू 100:3

परमप्रभु हे परमेश्‍वर खः धकाः सीकि। वय्‌कलं हे झीत दय्‌कादिल, झीपिं वय्‌कःया हे खः। अले झीपिं वय्‌कःया प्रजा व वय्‌कःया ख्‍यःयापिं फैत खः।

भजनसंग्रहया सफू 95:7

वय्‌कः हे झी परमेश्‍वर खः, अले झीपिं वय्‌कःया प्रजा व वय्‌कःया बथांयापिं फै खः। थौं छिमिसं परमेश्‍वरयागु सः ताल धाःसा,

जकरिया 13:7

“दक्‍व शक्ति दुम्‍ह परमप्रभुं धयादी, हे तरवार, दनाः जिम्‍ह फैजवाःयात हमला या, जिनापं दनाच्‍वनीम्‍ह मनूयात हमला या। वयात स्‍या, अले फैत उखेलाः थुखेलाः जुइ। अले जिं थःगु ल्‍हाः चीधिकःपिं भ्‍याचातय्‌गु विरोधय् ल्‍ह्वने।”

मत्ती 2:6

“‘हे यहूदियाया बेथलेहेम, छ यहूदियाया जुजुपिनिगु न्‍ह्यःने छुं कथं नं चिधं मजू, छाय्‌धाःसा छंगुपाखें छम्‍ह तःधंम्‍ह जुजु पिहां वइतिनि। व जिमि मनू इस्राएलीतय् जवाः जुइतिनि।’”

मत्ती 25:32

वया न्‍ह्यःने फुक्‍क जात जातियापिं मनूत दं वइ। जवालं फै व च्‍वले ल्‍यये थें वं नं मनूतय्‌त ल्‍यइ।

मत्ती 26:72

वं हानं पाफयाः “मखु” धकाः थथे धाल – “जिं वयात म्‍ह हे मस्‍यू।”

लूका 19:10

मनूया काय् तनाच्‍वंपिन्‍त मालेत व उद्धार यायेत वःगु खः।”

यूहन्‍ना 18:17

मिसाम्‍ह ध्‍वाखा पिवालं पत्रुसयात धाल – “थ्‍व मनूया चेलात मध्‍ये छ नं छम्‍ह मखु ला?” वं धाल “जि मखु।”

यूहन्‍ना 18:25

अबलय् सिमोन पत्रुस दनाः मि पनाच्‍वन। इमिसं वयात धाल – “छ नं वय्‌कःया चेलात मध्‍ये छम्‍ह मखु ला?” वं हानं थथे धाल – “जि मखु।”

यूहन्‍ना 21:17

वय्‌कलं हानं स्‍वक्‍वः खुसि धयादिल – “यूहन्‍नाया काय् सिमोन, छं जितः माया याना ला?” “छं जितः माया याना ला” धकाः वय्‌कलं स्‍वकः तक न्‍यनादीगुलिं पत्रुसं नुगः मछिंकाः थथे धाल – “प्रभु, छिं फुक्‍कं स्‍यू, जिं छितः माया याः धकाः नं छिं स्‍यू।” अले वय्‌कलं धयादिल – “जिमि फैचातय्‌त ज्व।

प्रेरित 20:28

“अथे जूगुलिं होश यानादिसँ, अले पवित्र आत्‍मां धाःथें छिकपिन्‍सं विश्‍वासीतय्‌गु हेरबिचार यानादिसँ, छाय्‌धाःसा प्रभुं थःगु हि हाय्‌काः इमित न्‍यानादीगु खः, अले छिकपिं इमि जवाः खः।

हिब्रू 13:20

परमेश्‍वरं तःधंम्‍ह फैजवाः झी प्रभु येशूयात सीम्‍हं हानं म्‍वाकादीगु दु। अले वय्‌कःयागु हे हिं शान्‍ति बीम्‍ह परमेश्‍वरं झीपिंलिसे सदांया निंतिं बाचा चिनादीगु दु।

१ पत्रुस 2:25

न्‍हापा छिपिं तंपिं फैचात थें जुयाच्‍वंगु खः। आः छिपिं थः जवाः व सुसाःकुसाः याइम्‍हय्‌सिथाय् वय्‌कः नाप जुइत लिहां वये धुंकल।

१ पत्रुस 5:2

अथे जूगुलिं परमेश्‍वरया फैचातय्‌त छिमिसं बांलाक हेरबिचार याना च्‍वँ। करं क्‍यनाः जक थ्‍व ज्‍या याये मते, छाय्‌धाःसा छिमिसं करं ज्‍या याःगु परमेश्‍वरयात मयः। अले हानं धिबायागु निंतिं जक नं थ्‍व ज्‍या याये मते। दुनुगलंनिसें हे प्रभुयात सेवा यायेगु मतिइ दुसा जक या।

प्रकाश 7:17

सिंहासनयागु दथुइ च्‍वंम्‍ह चीधिकःम्‍ह भ्‍याःचा हे इमित ज्वइम्‍ह जुइ। अले इमित वय्‌कलं हे गुबलें मसुइगु बुंगाःचाय् ब्‍वना यंकादी। अले परमेश्‍वरं हे इमिगु मिखाय् च्‍वंगु ख्‍वबि हुयादी।”