यूहन्‍ना 21:12 - नेवाः बाइबल

¹² वय्‌कलं इमित धयादिल – “वा, नः वा!” वय्‌कः प्रभु खः धकाः सियाः नं चेलातय्‌सं वय्‌कःयाके “छि सु खः” धकाः न्‍यनेगु आँट मयात।

यूहन्‍ना 21:12 ပူးပေါင်းရင်းမြစ်များ

मत्ती 22:46

थ्‍व खँयागु लिसः सुनानं बी मफुत। उखुन्‍हुंनिसें वय्‌कःयाके सुनानं हे छुं हे न्‍यनेगु आँट याये मछाल।

मर्कूस 9:32

इमिसं धाःसा वय्‌कलं धयादीगु खँ बांलाक मथू, अय्‌सां न्‍यनेत ग्‍यात।

लूका 9:45

वय्‌कलं अथे धयादीगु इमिसं थुइके मफुत। थुइके मफयेमा धकाः हे थ्‍व खँ त्‍वपुयातःगु खः। अय्‌नं इमिसं वय्‌कःयाके थ्‍व खँ न्‍यनेत ग्‍यात।

यूहन्‍ना 16:19

वय्‌कलं इमिसं छुं खँ न्‍यनेत्‍यंगु दु धकाः सीकाः थथे धयादिल – “छुं ई लिपा छिमिसं जितः खनी मखुत, अले छुं ई लिपा छिमिसं जितः हानं खनी धकाः जिं धयागु खँय् छिमि थःथवय् खँ ल्‍हाना च्‍वनागु ला?

यूहन्‍ना 21:11

उकिं सिमोन पत्रुसं नांचाय् वनाः जाः सिथय् सालाहल। जालय् सछि व न्‍ययस्‍वम्‍ह (१५३) ततःधिकःपिं न्‍या क्‍यनाच्‍वन। थुलिमछि न्‍या क्‍यनं नं जाः मगू।

यूहन्‍ना 21:15

नयेनी धुंकाः येशूं सिमोन पत्रुसयात धयादिल – “यूहन्‍नाया काय् सिमोन, थुमिसं स्‍वयाः छं जितः अप्‍वः माया याना ला?” वं वय्‌कःयात धाल – “खः प्रभु, जिं छितः माया याः धकाः छिं स्‍यू।” अले वय्‌कलं धयादिल – “जिमि चीधिकःपिं भ्‍याःचातय्‌त ज्‍व।”

यूहन्‍ना 4:27

उबलय् हे चेलात थ्‍यंकः वल। वय्‌कः अथे छम्‍ह मिसानाप खँ ल्‍हानाच्‍वंगु खनाः इपिं छक्‍क जुल। अय्‌नं सुनानं – “छिं छु मालादियागु” अले “व नाप छिं छाय् खँ ल्‍हानादियागु?” धकाः मन्‍यं।

प्रेरित 10:41

वय्‌कः फुक्‍क मनूतय्‌थाय् झाया मदी। परमेश्‍वरं जिमित थुकियागु साक्षी बीत ल्‍यया तःगुलिं जिमिथाय् झाल। अले जिमिसं वय्‌कः नाप नयेत्‍वने याना।