यूहन्‍ना 20:2 - नेवाः बाइबल

² उकिं वं सिमोन पत्रुस व मेपिं चेलात व येशूं माया यानादीम्‍हय्‌सिथाय् ब्‍वाँय् ब्‍वाँय् वनाः थथे धाल – “इमिसं प्रभुयात तयातःगु थासं यंके धुंकल। इमिसं वय्‌कःयात गन तये यन, जिमिसं मस्‍यू।”

यूहन्‍ना 20:2 ပူးပေါင်းရင်းမြစ်များ

यूहन्‍ना 13:23

वय्‌कलं यक्‍व माया यानादीम्‍ह छम्‍ह चेला नयाच्‍वंबलय् वय्‌कःयागु छातिइ लिधनाच्‍वंगु दु।

यूहन्‍ना 19:26

वय्‌कलं थः मां व थःम्‍हं माया यानातःम्‍ह चेलायात थःगु न्‍ह्यःने दनाच्‍वंगु खनाः थः मांयात धयादिल – “अय् नारी स्‍वयादिसँ, थ्‍व छिकपिनि काय् खः।”

यूहन्‍ना 20:13

इमिसं वयात न्‍यन – “छाय् ख्‍वयाच्‍वनागु?” अले वं इमित धाल – “जिमि प्रभुयात इमिसं यंकल। इमिसं वय्‌कःयात गन तया तल जिं मस्‍यू।”

यूहन्‍ना 20:15

वय्‌कलं वयात धयादिल – “अय् मय्‌जु, छ छाय् ख्‍वयागु? सुयात मालागु?” वं वय्‌कःयात बगैँचाय् ज्‍या याइम्‍ह मनू जुइ धकाः मतिइ तयाः थथे धाल – “भाजु, छिं वय्‌कःयात यंकादियागु खःसा गन तयादिया जितः धयादिसँ। जिं वय्‌कःयात यंके।”

यूहन्‍ना 20:9

अबलय् तक नं वय्‌कः सिनाः म्‍वाना वयेमाः धकाः च्‍वयातःगु धर्मशास्‍त्रयागु खँ इमिसं मथूनि।

यूहन्‍ना 21:20

पत्रुसं लिफः स्‍वःबलय् येशूं माया यानातःम्‍ह चेला नं इपिं नाप वयाच्‍वंगु खन। बहनी भ्‍वय् नयाच्‍वंबलय् वय्‌कःयागु छातिइ लिधनाः थथे धाःम्‍ह चेला व हे खः – “प्रभु, छितः धोखा बीम्‍ह सु खः?”

यूहन्‍ना 21:24

थ्‍व फुक्‍क खँ सत्‍य खः धकाः साक्षी ब्‍यूम्‍ह चेला व हे खः। थ्‍व खँ च्‍वःम्‍ह चेला नं व हे खः। जिमिसं वं ब्‍यूगु साक्षी सत्‍य खः धकाः स्‍यू।

यूहन्‍ना 21:7

वय्‌कलं माया यानातःम्‍ह चेलां पत्रुसयात धाल – “वय्‌कः प्रभु हे खः।” वय्‌कः प्रभु हे खः धकाः सिमोन पत्रुसं ताःगुलिं काचाकाचां लं फिनाः समुद्रय् तिन्‍हुल, छाय्‌धाःसा उबलय् वं लं त्‍वयातःगु खः।