यूहन्‍ना 20:16 - नेवाः बाइबल

¹⁶ वय्‌कलं वयात धयादिल – “मरियम!” वं लिफः स्‍वयाः हिब्रू भाषां वय्‌कःयात धाल – “रब्‍बोनी।” उकियागु अर्थ “गुरु” खः।

यूहन्‍ना 20:16 ပူးပေါင်းရင်းမြစ်များ

उत्‍पत्ति 22:1

छुं ई लिपा परमेश्‍वरं अब्राहामयात जाँचय् यायेत सःतादिल, “अब्राहाम!” वं लिसः बिल, “प्रभु, जि थन हे दु।”

उत्‍पत्ति 22:11

उबलय् हे स्‍वर्गं परमप्रभुया दूतं वयात सःतल, “अब्राहाम, अब्राहाम!” वं धाल, “जि थन दु।”

उत्‍पत्ति 45:12

“आः छिपिं फुक्‍कसिनं अले बेन्‍यामीनं नं जि योसेफ हे खः धकाः सी हे धुंकल।

प्रस्‍थान 3:4

च्‍यानाच्‍वंगु मि स्‍वयेत व लिक्‍क वःगु खनाः परमप्रभु परमेश्‍वरं वयात च्‍यानाच्‍वंगु झालं, “मोशा, अय् मोशा” धकाः सःतादिल। अले मोशां धाल, “जि थन हे दु।”

प्रस्‍थान 33:17

अले परमप्रभुं मोशायात धयादिल, “छं धाःथें जिं याये, छाय्‌धाःसा जि छ खनाः लय्‌ताः अले जिं छन्‍त बांलाक हे म्‍हस्‍यू।”

श्रेष्‍ठगीत 3:4

जिं इपिं पिवाःतय्‌त त्‍वःतावनेवं जिं जिमि प्रिययात नापलात। जिं वयात जिमि मांया छेँय्, जितः बुइकूम्‍हसय्‌सियागु क्‍वथाय् महःतले वनेमब्‍युसें ज्‍वनातया।

श्रेष्‍ठगीत 5:2

जि द्यना, अय्‌नं जिगु नुगः न्‍ह्यलं हे चा, स्‍वःसा, जिमि यःम्‍ह प्रियनं लुखाय् घारघार यानाच्‍वंगु दु। “हे जिमि तसकं यःम्‍ह मय्‌जु, जिमि प्रिय, लुखा चाय्‌काब्‍यु, जिमि छुं नं दोष मदुम्‍ह सुकुभत्तु। सुति लखं जिगु छ्यं प्‍याःगु दु, जिगु सँ चान्‍हय्‌सियागु ख्‍वाउँगुलिं प्‍याःगु दु।”

यशैया 43:1

तर आः, हे याकूब, छन्‍त सृष्‍टि यानादीम्‍ह, हे इस्राएल, छन्‍त आकार ब्‍यूम्‍ह परमप्रभुं थथे धयादी, “ग्‍याये मते, छाय्‌धाःसा जिं छन्‍त मू पुलाः त्‍वःतकागु दु। जिं छन्‍त छंगु नां कयाः सःतागु दु, छ जिम्‍ह हे खः।

मत्ती 14:27

वय्‌कलं इमित धयादिल – “साहस या, जि हे खः, ग्‍याये मते।”

मर्कूस 10:51

अले वय्‌कलं वयात धयादिल – “जिं छन्‍त छु याये माल?” कांनं धाल – “गुरुजु, जितः मिखां खंका बियादिसँ।”

लूका 10:41

वय्‌कलं लिसः बियादिल – “मार्था, मार्था, छं न्‍ह्यागु खँय् नं छाय् धन्‍दा कयाच्‍वनागु?

यूहन्‍ना 1:38

वय्‌कलं लिफः स्‍वयादीबलय् इपिं वयाच्‍वंगु खनाः इमित धयादिल – “छिमिसं सुयात माला च्‍वनागु?” इमिसं धाल – “गुरुजु, छि गन च्‍वनादी?”

यूहन्‍ना 1:49

वं लिसः बिल – “गुरुजु, छि ला परमेश्‍वरया हे काय् खः। छि ला इस्राएलया जुजु हे खः।”

यूहन्‍ना 10:3

फैजवाःयात लुखा पिवालं खापा चाय्‌काबी। फैतय्‌सं नं वयागु सः ताइ। अले वं फैचातय्‌त नां कयाः सःताः पिने ब्‍वना यंकी।

यूहन्‍ना 11:28

थथे धयाः मार्था लिहां वन। अले थः केहेँ मरियमयात सःताः न्‍हाय्‌पनय् तीजक थथे धाल – “गुरुजु झाये धुंकल, छन्‍त माला च्‍वनादीगु दु।”

यूहन्‍ना 13:13

छिमिसं जितः प्रभु व गुरु धकाः धाःगु ठीक हे खः, छाय्‌धाःसा जि प्रभु नं खः, अले गुरु नं खः।

यूहन्‍ना 20:28

अले थोमां वय्‌कःयात धाल – “जिम्‍ह प्रभु, जिम्‍ह परमेश्‍वर।”

यूहन्‍ना 3:2

छन्‍हु चान्‍हय् व येशूयाथाय् वयाः धाल – “गुरुजु, छि परमेश्‍वरं छ्वयाहयादीम्‍ह गुरु खः धकाः जिमिसं स्‍यू। परमेश्‍वर छिनाप दीगुलिं सुनानं याये मफुगु चिं छिं यानादी फु।”

यूहन्‍ना 5:2

यरूशलेमय् फै ध्‍वाखाया लिक्‍कसं न्‍याखेरं फः दुगु छगू पुखू दु। थ्‍व पुखूयात हिब्रू भाषां बेथेस्‍दा धाइ।

यूहन्‍ना 6:25

समुद्र पारिइ येशूयात लुइकाः इमिसं धाल – “गुरुजु, छि थन गुबलय् झायागु?”

प्रेरित 10:3

छन्‍हु न्‍हिनय् तीन बजे परमेश्‍वरया छम्‍ह दूतं दर्शन बियाः वयात – “कर्नेलियस” धकाः सःतूगु वं बांलाक हे ताल।

प्रेरित 9:4

थथे जूगुलिं व बँय् भ्‍वसू वन। अले वयात थथे धयाहःगु सः ताये दत – “शाऊल, शाऊल, जितः छं छाय् दुःख बियाच्‍वनागु?”

१ शमूएल 3:10

अनंलि परमप्रभु वया न्‍ह्यःने दंझाल अले न्‍हापा थें तुं सःतल, “शमूएल, अय् शमूएल।” शमूएलं लिसः बिल, “धयादिसँ, छिकपिनि दासं न्‍यनाच्‍वनागु दु।”

१ शमूएल 3:6

हाकनं परमप्रभुं सःतादिल, “शमूएल!” अले व दनाः एलीयाथाय् वन अले वं धाल, “जि थन हे दु। छिं जितः सःतादियागु खः ला?” एलीं धाल, “जिमि काय्, जिं छन्‍त मसःता। हुँ, द्यं हुँ।”