यूहन्‍ना 2:9 - नेवाः बाइबल

⁹ मूभलिंनं व लःया सवाः कयास्‍वःबलय् दाखमद्य जुयाच्‍वने धुंकल। वं थ्‍व गनं हःगु धकाः मस्‍यू। लः तःपिं च्‍यःतय्‌सं जक स्‍यू। अले वं जिचाभाजु जूम्‍हय्‌सित सःताः धाल –

यूहन्‍ना 2:9 ပူးပေါင်းရင်းမြစ်များ

भजनसंग्रहया सफू 119:100

थकालिपिं मनूतय् स्‍वयाः यक्‍व बुद्धि जिके दु, छाय्‌धाःसा जिं छिगु उपदेश पालन याना।

मत्ती 27:34

अन थ्‍यंकाः इमिसं वय्‌कःयात स्‍याःमचाइगु वासः ल्‍वाकछ्यानाः दाखमद्य त्‍वंकल। वय्‌कलं उकियागु सवाः जक कयाः त्‍वना मदी।

मत्ती 9:15

वय्‌कलं इमित लिसः बियादिल – “जिलाजं जुइम्‍हनापं दतले जन्‍त वःपिन्‍सं नुगः मछिंकी ला? अय्‌नं छन्‍हु ब्‍याहा याइम्‍ह मनूयात लिगनाः यनीतिनि। अले जक इपिं अपसं च्‍वनी।

यूहन्‍ना 2:8

वय्‌कलं इमित धयादिल – “आः भतिचा तुयाः मूभलिंयाथाय् यंकि।” अले इमिसं यंकल।

यूहन्‍ना 4:46

वय्‌कः हानं गालीलय् च्‍वंगु काना शहरय् झाल। अन हे वय्‌कलं लःयात दाखमद्य दय्‌कादीगु खः। कफर्नहुमय् च्‍वंम्‍ह छम्‍ह भारदारया काय् म्‍हंमफया च्‍वन।

यूहन्‍ना 7:17

सुनानं परमेश्‍वरयागु इच्‍छा पालन यायेगु मतिइ तःसा व मनुखं जिं स्‍यनाच्‍वनागु खँ परमेश्‍वरयागु खः ला कि जिगु थःगु हे खँ खः धकाः सीके फइ।