यूहन्‍ना 2:4 - नेवाः बाइबल

⁴ अले वय्‌कलं धयादिल – “मय्‌जु, जिं छु यायेमाःगु खः, व छिं धया च्‍वनेमाःगु मदु। आः तक जिगु ई मवःनि।”

यूहन्‍ना 2:4 ပူးပေါင်းရင်းမြစ်များ

२ शमूएल 16:10

तर जुजुं धाल, “अय् सरूयाहया काय्‌पिं, छिमित जिनापं छु मतलब? परमप्रभुं हे वयात दाऊदयात सराः ब्‍यु धकाः धाःगु खःसा सुनां वयात पनेगु?”

२ शमूएल 19:22

दाऊदं लिसः बिल, “हे सरूयाहया काय्‌पिं, छिमिगु जिनापं छु स्‍वापु दु? छिपिं थौं जिगु विरोधी जूगु दु। आः जि इस्राएलया जुजु जूगु दु अथे जुयाः थौं सुं नं इस्राएलीत सी मखु।”

१ राजा 17:18

विधवा मिसां एलियायात धाल, “अय् परमेश्‍वरया मनू! छाय् छिं जिलिसें थथे यानादियागु? छु छि जिगु पाप लुमंकाबीत व जिमि काय्‌यात स्‍यायेत थन झायागु ला?”

उपदेशक 3:1

फुक्‍क खँया निंतिं ई दु, अले आकाशया क्‍वय् जुइगु फुक्‍क ज्‍याखँया छगू ई दु।

मत्ती 15:28

अले वय्‌कलं वयात धयादिल – “केहेँ मय्‌जु, छिगु विश्‍वास तसकं तःधं, छिं मनं तुं थें जुइमा।” उबलय् हे वया म्‍ह्याय् लन।

मत्ती 8:29

वय्‌कःयात खनेवं हे इपिं थथे धकाः चिल्‍लाय् दनाः हाल – “हे परमेश्‍वरया काय्, छि जिमिथाय् छाय् झायागु? मत्‍यवं हे जिमित सजाँय बीत झायागु ला?”

लूका 2:49

अले वय्‌कलं धयादिल – “छिकपिन्‍सं जितः माला मदीसां ज्‍यूगु खः नि। जि जिम्‍ह बाःयागु छेँय् च्‍वनेमाः धकाः छिकपिन्‍सं मस्‍यू ला?”

यूहन्‍ना 12:23

अले वय्‌कलं इमित लिसः बियादिल – “मनूया काय्‌यात तःधंकीगु ई वल।

यूहन्‍ना 13:1

छुत्‍काराया नखः न्‍ह्यः येशूं थ्‍व संसारं बाःयाथाय् वनेगु ई वल धकाः सीकाः संसारय् च्‍वंपिं थः चेलातय्‌त माया यानादिल। वय्‌कलं अन्‍ततक हे इमित माया यानादिल।

यूहन्‍ना 2:3

दाखमद्य फुगुलिं येशूया मांनं वय्‌कःयात धाल – “इमिके दाखमद्य मन्‍त।”

यूहन्‍ना 20:13

इमिसं वयात न्‍यन – “छाय् ख्‍वयाच्‍वनागु?” अले वं इमित धाल – “जिमि प्रभुयात इमिसं यंकल। इमिसं वय्‌कःयात गन तया तल जिं मस्‍यू।”

यूहन्‍ना 20:15

वय्‌कलं वयात धयादिल – “अय् मय्‌जु, छ छाय् ख्‍वयागु? सुयात मालागु?” वं वय्‌कःयात बगैँचाय् ज्‍या याइम्‍ह मनू जुइ धकाः मतिइ तयाः थथे धाल – “भाजु, छिं वय्‌कःयात यंकादियागु खःसा गन तयादिया जितः धयादिसँ। जिं वय्‌कःयात यंके।”

यूहन्‍ना 7:30

थ्‍व न्‍यनाः इमिसं वय्‌कःयात ज्‍वनेत स्‍वल। तर सुनानं ज्‍वने मफुत, छाय्‌धाःसा वय्‌कःयागु ई मवःनि।

यूहन्‍ना 7:6

उकिं वय्‌कलं इमित थथे धयादिल – “जिगु ई आः तक मवःनि। छिमिगु लागि न्‍ह्यागु ई नं ठीक जू।

यूहन्‍ना 7:8

छिपिं हे जक नखः मानय् याः हुँ। जिगु ई आः तक मवःनिगुलिं जि थ्‍व नखःतय् वने मखु।”

यूहन्‍ना 8:20

थ्‍व खँ वय्‌कलं देगलय् स्‍यनेकने यानादीबलय् भेटी तइगु बाकसया न्‍ह्यःने धयादीगु खः। वय्‌कःयात सुनानं मज्‍वं, छाय्‌धाःसा वय्‌कःयागु ई मवःनि।

२ कोरिन्‍थी 5:16

अय्‌जूगुलिं आवंलि जिमिसं सुयातं ख्‍वाः स्‍वयाः लने मखुत। खः ला, छकः ख्रीष्‍टयात हे जिमिसं अथे ख्‍वाः स्‍वयाः लनेधुन। आः वय्‌कःयात जिमिसं अथे लनेगु त्‍वःतेधुन।

व्‍यवस्‍था 33:9

इमिसं थः मांबौ, दाजुकिजापिं व मचाखाचातय्‌त स्‍वयाः अप्‍वः छितः तःधंकल। इमिसं छिगु वचनय् मिखा ब्‍वल अले छिगु बाचाया पिवाच्‍वन।