यूहन्‍ना 2:25 - नेवाः बाइबल

²⁵ सुनानं वय्‌कःयात थ्‍व मनू थज्‍याःम्‍ह धकाः धयाच्‍वने म्‍वाः। मनूतय्‌गु नुगलय् छु दु धकाः वय्‌कलं हे स्‍यू।

यूहन्‍ना 2:25 ပူးပေါင်းရင်းမြစ်များ

१ राजा 8:39

इमिगु प्रार्थना न्‍यनादिसँ। स्‍वर्गय् थः च्‍वनादीगु थासय् छिं इमिगु प्रार्थना न्‍यनादिसँ अले इमित क्षमा यानादिसँ, इमित ग्‍वाहालि यानादिसँ। छिं जक सकलें मनूतय्‌गु बिचाः स्‍यू। उकिं वयागु ज्‍याकथं वयात लिच्‍वः बियादिसँ।

यशैया 11:3

अले परमप्रभुया भयलय् हे वय्‌कः तसकं लय्‌तायाच्‍वनी। वय्‌कलं मिखां खनेवं हे न्‍याय यानादी मखु, न्‍हाय्‌पनं तायेवं हे जक क्‍वःछिनादी मखु।

मत्ती 9:4

इमिगु मनय् च्‍वंगु खँ सीकाः वय्‌कलं थथे धयादिल – “छिमिसं छाय् मभिंगु खँ मतिइ तया जुयागु?

यूहन्‍ना 1:42

वं वयात येशूयाथाय् ब्‍वना हल। वय्‌कलं वयात स्‍वयाः धयादिल – “छ ला योआनेसया काय् सिमोन खः। आवंनिसें छन्‍त केफास धाइ।” केफास व पत्रुसया अर्थ “ल्‍वहं” खः।

यूहन्‍ना 1:47

नथानेलयात थःथाय् वयाच्‍वंगु खनाः येशूं वयात धयादिल – “छ ला छम्‍ह तसकं स्‍वजाम्‍ह इस्राएली खः।”

यूहन्‍ना 13:11

वय्‌कलं थःत धोखा बीम्‍हय्‌सित म्‍हस्‍यूगुलिं “छिपिं फुक्‍कं च्‍वख मजू” धकाः धयादीगु खः।

यूहन्‍ना 6:61

चेलात थःथवय् खुसखुस हालाच्‍वंगु सीकाः वय्‌कलं इमित थथे धयादिल – “थुकिं यानाः छिमित पंगलः वल ला कि?

यूहन्‍ना 6:64

अय्‌नं छिपिं मध्‍ये गुम्‍हं गुम्‍हं विश्‍वास मयाइपिं नं दये फु।” सुनां सुनां वय्‌कःयात विश्‍वास मयाः, अले सुनां वय्‌कःयात धोखा बी धयागु खँ वय्‌कलं न्‍हापांनिसें हे स्‍यू।

व्‍यवस्‍था 31:21

अले यक्‍व ग्‍यानपुस्‍से च्‍वंगु विपत्तित इमिके वये धुंकाः थ्‍व म्‍ये इमिगु निंतिं साक्षी थें जुइ। छाय्‌धाःसा व इमि सन्‍तानतय्‌सं गुबलें ल्‍वःमंकी मखु। इमित बी धकाः पाफयाः बचं बियागु देशय् हये न्‍ह्यः हे जिं इमिगु बिचाः थुइके धुन।”