यूहन्‍ना 2:23 - नेवाः बाइबल

²³ छुत्‍काराया नखःबलय् यरूशलेमय् वय्‌कलं यानादीगु अजू चायापुगु ज्‍या खंगुलिं यक्‍व हे मनूतय्‌सं वय्‌कःयात विश्‍वास यात।

यूहन्‍ना 2:23 ပူးပေါင်းရင်းမြစ်များ

लूका 8:13

ल्‍वहं दुथाय् लाःगु पुसा परमेश्‍वरयागु वचन न्‍यनाः लय्‌लय्‌तायाः विश्‍वास याइपिं मनूत खः। अय्‌नं वचन इमिगु दुनुगलय् थ्‍यंक दुहां मवंगुलिं इमिसं छुं ई तक जक विश्‍वास याइ। दुःखकष्‍ट वयेवं इमिसं विश्‍वास यायेगु त्‍वःताछ्वइ।

यूहन्‍ना 11:45

थ्‍व खनाः मरियमनापं वःपिं यक्‍व हे यहूदीतय्‌सं नं वय्‌कःयात विश्‍वास यात।

यूहन्‍ना 2:11

वय्‌कलं गालील जिल्‍लाया काना शहरय् दकलय् न्‍हापांगु थ्‍व अजू चायापुगु ज्‍या यानाः थःगु महिमा क्‍यनादिल। थथे यानादीगुलिं चेलातय्‌सं वय्‌कःयात विश्‍वास यात।

यूहन्‍ना 2:13

यहूदीतय्‌गु छुत्‍काराया नखः न्‍ह्यःने थ्‍यंगुलिं येशू यरूशलेमय् झाल।

यूहन्‍ना 3:2

छन्‍हु चान्‍हय् व येशूयाथाय् वयाः धाल – “गुरुजु, छि परमेश्‍वरं छ्वयाहयादीम्‍ह गुरु खः धकाः जिमिसं स्‍यू। परमेश्‍वर छिनाप दीगुलिं सुनानं याये मफुगु चिं छिं यानादी फु।”

यूहन्‍ना 4:45

अय्‌नं वय्‌कः गालीलय् झायादीबलय् अन च्‍वंपिं मनूतय्‌सं वय्‌कःयात लसकुस यात, छाय्‌धाःसा थुमिसं यरूशलेमय् वंबलय् वय्‌कलं अन नखःबलय् यानादीगु अजू चायापुगु ज्‍या खंगु खः।

यूहन्‍ना 5:36

तर यूहन्‍नां ब्‍यूगु साक्षी स्‍वयाः तःधंगु साक्षी जिके दु। बाःनं जितः पूवंकेत बियादीगु ज्‍या व जिं यानाच्‍वनागु ज्‍यां हे जितः बाःनं छ्वयाहयादीगु खः धकाः सी दु।

यूहन्‍ना 6:14

थुकथं वय्‌कलं यानादीगु चिं खनाः मनूतय्‌सं थथे धाल – “धात्‍थें, संसारय् वइ धाःम्‍ह अगमवक्ता ला थ्‍व हे खः।”

यूहन्‍ना 6:2

वय्‌कलं यक्‍व ल्‍वय् लाय्‌कादीगु खनाः ग्‍वाः ग्‍वाः मनूत वय्‌कःया ल्‍यूल्‍यू जुल।

यूहन्‍ना 7:31

अय्‌सां यक्‍व मनूतय्‌सं वय्‌कःयात विश्‍वास यात। इमिसं धाल – “मुक्ति बीम्‍ह ख्रीष्‍ट झाइबलय् वय्‌कलं थ्‍व मनुखं स्‍वयाः अप्‍वः अजू चायापुगु चिं क्‍यनादी ला?”

गलाती 5:6

झीपिं ख्रीष्‍टनाप मिलय् जुइ धुन धाःसा म्‍हय् चिं तःसां मतःसां छुं नं पाइ मखु। झीत माःगु ला विश्‍वास खः। थ्‍व हे विश्‍वासं यानाः झीसं माया याये फइ।

१ यूहन्‍ना 3:23

वय्‌कलं झीत आज्ञा यानादीगु थ्‍व हे खः – वय्‌कःया काय् येशू ख्रीष्‍टयात झीसं विश्‍वास यायेमाः। दाजुकिजापिन्‍त माया यानाच्‍वनेमाः। थथे हे याना च्‍वँ धकाः ख्रीष्‍टं नं झीत धयादीगु दु।