यूहन्‍ना 2:22 - नेवाः बाइबल

²² वय्‌कः सिनाः हानं म्‍वाना वये धुंकाः चेलातय्‌सं थ्‍व खँ लुमंकल। थथे जूगुलिं इमिसं धर्मशास्‍त्र व येशूं नवानादीगु वचनय् विश्‍वास यात।

यूहन्‍ना 2:22 ပူးပေါင်းရင်းမြစ်များ

भजनसंग्रहया सफू 16:10

छाय्‌धाःसा छिं जिगु आत्‍मायात सीपिनिगु दथुइ त्‍वःतादी मखु। अले छितः विश्‍वास याःम्‍हय्‌सित छिं सीगालय् ध्‍वगिकेबी मखु।

लूका 24:26

छु मुक्ति बीम्‍ह ख्रीष्‍टं थथे दुःख सियाः तिनि तःधं जुइगु मखु ला?”

लूका 24:44

अले वय्‌कलं इमित धयादिल – “जिं छिपिंनाप दुबलय् जिगु बारे धर्मशास्‍त्रय् अर्थात मोशाया व्‍यवस्‍था, अगमवक्ता व भजनया सफुलिइ च्‍वयातःगु फुक्‍क खँ पूवनेमाः धकाः न्‍हापा हे धयागु खः।”

यूहन्‍ना 12:16

न्‍हापां ला वय्‌कःया चेलातय्‌संनापं थ्‍व खँ थुइके मफु। येशू सिनाः म्‍वानाः स्‍वर्गय् झाये धुंकाः तिनि इमिसं धर्मशास्‍त्रय् च्‍वयातःगु थ्‍व खँ व लसकुस याःगुया अर्थ थुल।

यूहन्‍ना 14:26

छिमित ग्‍वाहालि याइम्‍ह पवित्र आत्‍मायात जिगु नामय् बाःनं छ्वयाहयादी। वय्‌कलं हे छिमित माक्‍व खँ स्‍यनादी। अले जिं धयागु फुक्‍क खँ छिमित लुमंकाबी।

यूहन्‍ना 16:4

इमिसं थथे याइ धकाः जिं धयागु खँ छिमिसं लुमंकेमा धकाः जिं थ्‍व खँ धयाच्‍वनागु खः। न्‍हापांनिसें हे जि छिपिंलिसे दुगुलिं जिं थ्‍व खँ मकनागु खः।”

यूहन्‍ना 2:11

वय्‌कलं गालील जिल्‍लाया काना शहरय् दकलय् न्‍हापांगु थ्‍व अजू चायापुगु ज्‍या यानाः थःगु महिमा क्‍यनादिल। थथे यानादीगुलिं चेलातय्‌सं वय्‌कःयात विश्‍वास यात।

यूहन्‍ना 2:17

वय्‌कःया चेलातय्‌सं थ्‍व खँ च्‍वयातःगु लुमंकल – “हे परमेश्‍वर, छिगु देगःया जोशं जितः छ्वय्‌की।”

यूहन्‍ना 2:2

येशू व चेलातय्‌त नं भ्‍वजय् सःतातःगु दु।

प्रेरित 11:16

थथे जुसेंलि प्रभुं धयादीगु खँ जितः लुमंसे वल – ‘यूहन्‍नां ला लखं बप्‍तिस्‍मा बियाच्‍वन, अय्‌नं छिमित पवित्र आत्‍मां बप्‍तिस्‍मा बी।’

प्रेरित 13:33

थ्‍व हे खँ वय्‌कलं सीम्‍ह येशूयात म्‍वाकाः झी इमि सन्‍तानयागु निंतिं पूवंकादिल। निगूगु भजनय् येशूया खँय् थथे च्‍वयातःगु दु – “‘छ जिमि काय् खः। थनिंनिसें जि छं बाः जुल।’