21 वय्कलं धयादीगु देगः ला वय्कःया थःगु हे म्ह खः।
वचन मनू जुयाः झीपिं नाप च्वं झाल। वय्कः दया माया, अले सत्यं जाःम्ह खः। जिमिसं वय्कःया महिमा खना, गुगु महिमा बाःया याकः काय्या थें च्वं।
वय्कः सिनाः हानं म्वाना वये धुंकाः चेलातय्सं थ्व खँ लुमंकल। थथे जूगुलिं इमिसं धर्मशास्त्र व येशूं नवानादीगु वचनय् विश्वास यात।
छिपिं परमेश्वरयागु देगः खः, उकिं पवित्र आत्मा छिमिके च्वनादी धकाः छिमिसं मस्यू ला?
छिमिगु म्ह पवित्र आत्मा च्वनादीगु देगः खः धकाः मस्यू ला? उकिं छिमिगु म्हय् परमेश्वरं छ्वयाहयादीम्ह पवित्र आत्मा च्वनादी। अय्जूगुलिं छिमिगु म्ह छिमिगु थःगु मखु।
परमेश्वरयागु देगःलिसे मूर्तियागु छु स्वापु? झीपिं हे म्वाःम्ह परमेश्वर च्वनीगु देगः खः। थथे ला परमेश्वरं हे धयादीगु दु – “जि इपिंनापं च्वने, अले इपिंनापं जुइ। जि इमि परमेश्वर जुइ अले इपिं जिमि मनूत जुइ।”
वय्कःयागु थःगु फुक्क स्वभाव ख्रीष्टयाके दुगुलिं परमेश्वर लय्तायादिल।
गथे परमेश्वर खः, अथे हे ख्रीष्ट नं खः।
अन वय्कलं पवित्रगु थासय् पुजाहारी जुयाः सेवा यानादी। थ्व थाय् मनूतय्सं दय्कूगु मखु, परमेश्वरं हे दय्कादीगु खः।
