2 येशू व चेलातय्त नं भ्वजय् सःतातःगु दु।
थ्व गुबलें सुंनाप ल्वाना जुइ मखु, तसकं हाला जुइ मखु। सुनानं थ्वयात लँय् लँय् हाला जूगु खनी मखु।
“अले जुजुं इमित थथे लिसः बी – ‘जिं छिमित खःगु खँ धाये – दक्वसिबय् चीधिकःम्ह किजायात छिमिसं छु याइ, व जितः हे याःगु जुइ।’
“अले जुजुं इमित थथे धाइ – ‘जिं छिमित खःगु खँ धाये – दक्वसिबय् क्वह्यंम्हय्सित छिमिसं छुं मयाःगु हे जितः मयाःगु खः।’
अनं लिपा वय्कः थः मां, किजापिं व चेलात नाप कफर्नहुमय् झायाः अन हे छुं न्हि च्वनादिल।
वय्कःया चेलातय्सं थ्व खँ च्वयातःगु लुमंकल – “हे परमेश्वर, छिगु देगःया जोशं जितः छ्वय्की।”
वय्कः सिनाः हानं म्वाना वये धुंकाः चेलातय्सं थ्व खँ लुमंकल। थथे जूगुलिं इमिसं धर्मशास्त्र व येशूं नवानादीगु वचनय् विश्वास यात।
दाखमद्य फुगुलिं येशूया मांनं वय्कःयात धाल – “इमिके दाखमद्य मन्त।”
अनं लिपा येशू व वय्कःया चेलात यहूदियाय् झाल। वय्कः अन हे इपिं नाप च्वनादिल, अले बप्तिस्मा नं बियादिल।
प्रभुं सीकादीगुलिं वय्कः हानं यहूदियां गालीलय् झाल। वय्कः थःम्हय्सिनं हे बप्तिस्मा बियादीगु ला मखु, बरु वय्कःया चेलातय्सं ब्यूगु खः।
थ्व न्यनाः इमि दथुइ थथे खँ जुल – “सुनानं वय्कःयात नसा हयाबिल ला कि छु?”
अबलय् वय्कःया चेलात नयेगु नसा न्यायेत शहरय् वनाच्वंगु खः।
मनूतय्सं प्वाः जाय्क नये धुंकाः वय्कलं चेलातय्त धयादिल – “इनाः ल्यं दुगु मरि छुं हे सितिं छ्वये मते।”
बहनी जूबलय् चेलात समुद्र सिथय् वन।
थ्व न्यनाः वय्कःया चेलातय्सं धाल – “थ्व ला तसकं थाकुगु खँ खः, थज्याःगु खँ सुनां न्यने फइ?”
थथे जूगुलिं वय्कःया चेलात मध्ये यक्वसिनं हे वय्कःयात त्वःताः वन।
उकिं वय्कलं झिंनिम्हय्सित नं न्यनादिल – “छिमिसं नं जितः त्वःताः वनेगु ला कि?”
वय्कलं इमित धयादिल – “छिपिं झिंनिम्हय्सितं जिं हे ल्ययागु, मखु ला? अय्नं छिपिं मध्ये छम्ह शैतानयाम्ह दु।”
वय्कलं थ्व सिमोन इस्करियोतया काय् यहूदायात धयादीगु खः, छाय्धाःसा झिंनिम्ह मध्ये छम्ह जुयाः नं वं वय्कःयात धोखा बीत्यंगु दु।
वय्कःया चेला सिमोन पत्रुसया दाजु अन्द्रियासं वय्कःयात धाल –
उकिं वय्कःया किजापिन्सं थथे धाल – “थनं यहूदियाय् झासँ। अले छिं याःगु ज्या छिकपिनि चेलातय्सं नं खनी।
लुइके धुंकाः वयात एन्टिओखियाय् ब्वना हल। इपिं अन दच्छि तक च्वनाः मण्डलीइ च्वंपिं यक्वसित हे स्यनेकने यात। एन्टिओखियाय् हे दकलय् न्हापां विश्वासीतय्त ख्रीष्टियन धायेगु यात।
अथे जूगुलिं अन च्वंपिं चेलातय्सं फक्व धिबा ल्हानाः यहूदियाय् च्वंपिं विश्वासीतय्त ग्वाहालि यायेगु क्वःछित।
अय्जूगुलिं छिमिसं नःसां त्वंसां न्ह्यागु याःसां परमेश्वरया महिमाया निंतिं या।
ब्याहा जुइ धुंकूम्ह मिसां थः भाःत दतले हानं ब्याहा याये मज्यू। भाःत सीधुंकाः धाःसा थःत यःम्ह मेम्ह मिजंनाप ब्याहा याःसां ज्यू। बरु विश्वासी नाप हे जक यायेमाः।
छिमिसं न्ह्यागु याःसां, न्ह्यागु धाःसां प्रभु येशूयागु नामं या, अले वय्कःया नामं परमेश्वर बाःयात सुभाय् ब्यु।
ब्याहायात सकसिनं तःधंकेमाः। निम्हतिपूया दथुइ थःथवय् विश्वास दयेमाः, छाय्धाःसा व्यभिचार याइपिन्त व ब्याहा याये धुंकाः नं मेपिं नाप जुयाः स्यनिपिन्त परमेश्वरं न्याय यानादी।
“स्व, जिं लुखाय् दनाः सःताच्वना। सुनानं जिगु सः तायाः खापा चाय्का ब्यूसा जि दुहां वनाः व नाप नयेत्वने याये। अले वं जि नाप नयेत्वने याइ।
