यूहन्‍ना 2:18 - नेवाः बाइबल

¹⁸ थथे यानादीगुलिं नायःतय्‌सं वय्‌कःयात धाल – “छु छिके थथे यानादीगु अधिकार दु ला? अथे जूसा छु छिं जिमित अजू चायापुगु ज्‍या व चिं क्‍यनादी फु?”

यूहन्‍ना 2:18 ပူးပေါင်းရင်းမြစ်များ

१ राजा 13:3

उखुन्‍हु हे परमेश्‍वरया मनुखं थथे धयाः छगू चिं बिल, “परमप्रभुं धयादीगु चिं थ्‍व हे खः। स्‍व! थ्‍व वेदी कुचा कुचा जुयाः दुनी अले थुकी दुगु नौ बँय् वाइ।”

प्रस्‍थान 7:9

“फारोनं छिमित, ‘छुं अजू चायापुगु ज्‍या क्‍यँ,’ धकाः धाइबलय् छं हारूनयात धा, ‘छिं थःगु कथि फारोया न्‍ह्यःने वांछ्वयादिसँ,’ अले व सर्प जुइ।”

मत्ती 21:23

येशूं देगलय् झायाः स्‍यनेकने यानाच्‍वनादीबलय् तःधंपिं पुजाहारीत व थकालिपिन्‍सं वयाः वय्‌कःयात थथे धकाः न्‍यन – “छिं थथे यानादीत गनं अधिकार कयादिया? अले छितः थ्‍व अधिकार सुनां बिल?”

मर्कूस 8:11

फरिसीत वयाः वय्‌कः नाप खँ ल्‍हाः वल। इमिसं वय्‌कःयात जाँचय् यायेत स्‍वर्गं छगू चिं हजि धकाः फ्‍वन।

लूका 11:29

मनूतय्‌गु हुल अप्‍वःया वःगुलिं येशूं इमित थथे धयादिल – “थौंकन्‍हय्‌यापिं मनूत गुलि जक मभिं। थुमिसं अजू चायापुगु चिं स्‍वयेत धयाच्‍वन। अहं, थुमित अगमवक्ता योनां क्‍यना वंगु चिं सिबय् मेगु छुं हे चिं क्‍यनी मखु।

यूहन्‍ना 1:19

यरूशलेमय् च्‍वंपिं यहूदी नायःतय्‌सं पुजाहारी व लेवीतय्‌त “यूहन्‍ना धाःम्‍ह सु खः” धकाः न्‍यंके छ्वयाहल।

यूहन्‍ना 1:25

हानं न्‍यन – “छ मुक्ति बीम्‍ह ख्रीष्‍ट नं मखु, एलिया नं मखु, अले व अगमवक्ता नं मखु धयागु जूसा छं छाय् बप्‍तिस्‍मा बियाच्‍वनागु?”

यूहन्‍ना 6:30

अले इमिसं धाल – “अय्‌सा छिं जिमित छु चिं क्‍यनादी? गुकिं यानाः जिमिसं छितः विश्‍वास याये फइ? छिं छु ज्‍या यानाः क्‍यनादी फु?

प्रेरित 4:7

इमिसं पत्रुस व यूहन्‍नायात दथुइ थनाः थथे धकाः न्‍यन – “छुकियागु शक्तिं, अथवा सुयागु नामं छिमिसं थ्‍व ज्‍या यानागु?”

प्रेरित 5:28

“जिमिसं व मनूयागु खँ मनूतय्‌त स्‍यनेकने याये मते धकाः धयागु मखु ला? अय्‌नं छिमिसं यरूशलेमय् च्‍वँक्‍वसित व मनूयागु खँ न्‍यंके धुंकल। छिमिसं व मनू सीगुया द्वपं जिमित बीत स्‍वयाच्‍वन।”