यूहन्‍ना 2:11 - नेवाः बाइबल

¹¹ वय्‌कलं गालील जिल्‍लाया काना शहरय् दकलय् न्‍हापांगु थ्‍व अजू चायापुगु ज्‍या यानाः थःगु महिमा क्‍यनादिल। थथे यानादीगुलिं चेलातय्‌सं वय्‌कःयात विश्‍वास यात।

यूहन्‍ना 2:11 ပူးပေါင်းရင်းမြစ်များ

१ राजा 17:24

अले विधवा मिसां एलियायात धाल, “छि परमेश्‍वरया मनू खः, अले छिगु म्‍हुतुं पिहां वःगु परमप्रभुया वचन सत्‍य खः धकाः आः जिं सिल!”

भजनसंग्रहया सफू 72:19

वय्‌कःयागु महिमां जाःगु नांया सदां प्रशंसा जुयाच्‍वनेमा। पृथ्‍वी न्‍यंक वय्‌कःयागु महिमां जायेमा। आमेन! आमेन!

भजनसंग्रहया सफू 96:3

जाति जातियात वय्‌कःया महिमाया बारे न्‍यंकि, सकल मनूतय्‌त वय्‌कःया अजू चायापुगु ज्‍याया बारे कं।

प्रस्‍थान 14:31

अले इस्राएलीतय्‌सं परमप्रभुं मिश्रीतय्‌गु विरोधय् क्‍यनादीगु तःधंगु शक्ति खनाः परमप्रभुयागु ग्‍याःभय काल। अले परमप्रभु व वय्‌कःया च्‍यः मोशायात पत्‍याः यात।

प्रस्‍थान 4:9

अय्‌नं इमिसं थ्‍व निगूगु चिंयात नं पत्‍याः मयानाः छंगु खँ मन्‍यंसा छ वनाः नील खुसियागु लः भतिचा कयाः गंगु बँय् प्‍वंकाब्‍यु। बँय् व लः हि जुइ।”

उपदेशक 9:7

थःगु लँपुइ हुँ, थःम्‍हं नयेगु नसाय् लय्‌ताया च्‍वँ, लय्‌तातां दाखमद्य त्‍वँ, छाय्‌धाःसा छं याःगु ज्‍यायात परमेश्‍वरं ज्‍यू धाःगु दु।

यशैया 40:5

अनंलि परमप्रभुया महिमा खने दइ, संसारया फुक्‍क मनूतय्‌सं छक्‍वलं व खनी, छाय्‌धाःसा परमप्रभुया म्‍हुतुं हे थथे धयादीगु खः।”

मलाकी 2:2

छिमिसं जिगु खँय् न्‍हाय्‌पं मबिल धाःसा, छिमिसं जिगु खँ मन्‍यंसा, जिगु नांयात हनाबना मतःसा जिं छिमिथाय् सराः छ्वयाहये। छिमित दइगु सुवाःयात सराः बी। छिमिसं जिगु आज्ञाय् ध्‍यान मब्‍यूगुलिं उमित सराः लाये धुंकूगु दु,” दक्‍व शक्ति दुम्‍ह परमप्रभुं धयादी।

यूहन्‍ना 1:14

वचन मनू जुयाः झीपिं नाप च्‍वं झाल। वय्‌कः दया माया, अले सत्‍यं जाःम्‍ह खः। जिमिसं वय्‌कःया महिमा खना, गुगु महिमा बाःया याकः काय्‌या थें च्‍वं।

यूहन्‍ना 1:17

व्‍यवस्‍था मोशायागुपाखें बियादिल, येशू ख्रीष्‍टयागुपाखें धाःसा परमेश्‍वरया दया माया व सत्‍य दत।

यूहन्‍ना 1:43

कन्‍हय् खुन्‍हु येशूं गालीलय् झायेगु मनं तुनादिल। वय्‌कलं फिलिपयात नाप लानाः धयादिल – “जि नाप वा।”

यूहन्‍ना 1:50

वय्‌कलं धयादिल – “जिं छन्‍त यःमरिमाया क्‍वय् खना धकाः धयागुलिं छं विश्‍वास यानागु ला? छं थ्‍व स्‍वयाः नं ततःधंगु खनीतिनि।”

यूहन्‍ना 10:41

यक्‍व मनूतय्‌सं वय्‌कःयाथाय् वयाः थथे धाल – “यूहन्‍नां छुं नं चिं क्‍यना मवं, अय्‌नं यूहन्‍नां कंगु खँ फुक्‍कं थ्‍व मनूलिसे पाय्‌छि जू वः।”

यूहन्‍ना 11:15

छिमिसं विश्‍वास याये फयेमा धकाः हे जि अन मवनागु खः, उकिं जि लय्‌ताः। न्‍ह्याथे जूसां झी आः अन वनेनु।”

यूहन्‍ना 11:47

उकिं तःधंपिं पुजाहारीत व फरिसीत मुनाः थथे धकाः सल्‍लाह यात– “आः झीसं छु यायेगु? थ्‍व मनुखं यक्‍व हे अजू चायापुगु चिं यानाः क्‍यनाच्‍वन।

यूहन्‍ना 12:18

वय्‌कलं सीम्‍ह म्‍वाकादिल धकाः न्‍यनाः ग्‍वाः ग्‍वाः मनूतय्‌सं वय्‌कःयात नापलाः वल।

यूहन्‍ना 12:37

इमिसं खंक खंक हे उलिमछि चिं वय्‌कलं यानाः क्‍यनादिल नं इमिसं वय्‌कःयात विश्‍वास मयाः।

यूहन्‍ना 12:41

यशैयां येशू तसकं तःधं धकाः सीकाः वय्‌कःयागु खँ थुकथं धाःगु खः।

यूहन्‍ना 14:13

जिगु नामय् छिमिसं न्‍ह्यागु फ्‍वंसां जिं छिमित बी। थुकथं काय्‌नं यानाः बाः तःधनी।

यूहन्‍ना 16:27

छिमिसं जितः बाःनं छ्वयाहयादीगु खः धकाः विश्‍वास यानाः जितः माया यानाच्‍वंगुलिं बाःनं नं छिमित माया यानादी।

यूहन्‍ना 16:30

आः जिमिसं सिल, छिं फुक्‍कं स्‍यू, छिं मस्‍यूगु छुं हे मदु। जिमिसं न्‍यनेमाःगु छुं हे मन्‍त। थुकिं यानाः नं छितः परमेश्‍वरं छ्वयाहयादीम्‍ह खः धकाः जिमिसं विश्‍वास याना।”

यूहन्‍ना 2:1

कंस खुन्‍हु गालीलय् च्‍वंगु काना शहरया छखा छेँय् ब्‍याहा भ्‍वय् जुयाच्‍वन। येशूया मां नं अन हे दु।

यूहन्‍ना 2:23

छुत्‍काराया नखःबलय् यरूशलेमय् वय्‌कलं यानादीगु अजू चायापुगु ज्‍या खंगुलिं यक्‍व हे मनूतय्‌सं वय्‌कःयात विश्‍वास यात।

यूहन्‍ना 3:2

छन्‍हु चान्‍हय् व येशूयाथाय् वयाः धाल – “गुरुजु, छि परमेश्‍वरं छ्वयाहयादीम्‍ह गुरु खः धकाः जिमिसं स्‍यू। परमेश्‍वर छिनाप दीगुलिं सुनानं याये मफुगु चिं छिं यानादी फु।”

यूहन्‍ना 4:46

वय्‌कः हानं गालीलय् च्‍वंगु काना शहरय् झाल। अन हे वय्‌कलं लःयात दाखमद्य दय्‌कादीगु खः। कफर्नहुमय् च्‍वंम्‍ह छम्‍ह भारदारया काय् म्‍हंमफया च्‍वन।

यूहन्‍ना 4:54

येशू यहूदियां गालीलय् झायाः यानादीगु अजू चायापुगु चिं थ्‍वनापं निकः जुल।

यूहन्‍ना 5:23

अय्‌जूगुलिं गथे बाःयात फुक्‍कसिनं मानय् याः अथे हे काय्‌यात नं फुक्‍कसिनं मानय् यायेमाः। काय्‌यात मानय् मयाःम्‍हय्‌सिनं काय्‌यात छ्वयाहःम्‍ह बाःयात नं मानय् मयाःगु जुइ।

यूहन्‍ना 6:14

थुकथं वय्‌कलं यानादीगु चिं खनाः मनूतय्‌सं थथे धाल – “धात्‍थें, संसारय् वइ धाःम्‍ह अगमवक्ता ला थ्‍व हे खः।”

यूहन्‍ना 6:2

वय्‌कलं यक्‍व ल्‍वय् लाय्‌कादीगु खनाः ग्‍वाः ग्‍वाः मनूत वय्‌कःया ल्‍यूल्‍यू जुल।

यूहन्‍ना 6:26

वय्‌कलं इमित लिसः बियादिल – “जिं छिमित खःगु खँ धाये – जिं यानागु चिं खनाः छिमिसं जितः माःजूगु मखु, बरु प्‍वाः जाय्‌क मरि नयेदुगुलिं जक जितः माःजूगु खः।

यूहन्‍ना 6:30

अले इमिसं धाल – “अय्‌सा छिं जिमित छु चिं क्‍यनादी? गुकिं यानाः जिमिसं छितः विश्‍वास याये फइ? छिं छु ज्‍या यानाः क्‍यनादी फु?

यूहन्‍ना 7:31

अय्‌सां यक्‍व मनूतय्‌सं वय्‌कःयात विश्‍वास यात। इमिसं धाल – “मुक्ति बीम्‍ह ख्रीष्‍ट झाइबलय् वय्‌कलं थ्‍व मनुखं स्‍वयाः अप्‍वः अजू चायापुगु चिं क्‍यनादी ला?”

यूहन्‍ना 9:16

गुम्‍हं गुम्‍हं फरिसीतय्‌सं धाल – “विश्रामबार मानय् मयाःगुलिं थ्‍व मनू परमेश्‍वरयाम्‍ह मखु।” हानं गुलिंसिनं धाल – “छम्‍ह पापी मनुखं थपाय्‌धंगु चिं गथे याये फइ?” थुकथं इमि दथुइ खँ मिलय् मजुल।

२ कोरिन्‍थी 3:18

थुकथं झीगु ख्‍वाः उलातःगुलिं प्रभुयागु जलं झल झल थिनाच्‍वंगु दु। प्रभुयागु जलं झीपिं नं न्‍हियान्‍हिथं प्रभु थें जुइत छगू जलं मेगु जलय् हिला वनाच्‍वनागु दु।

२ कोरिन्‍थी 4:17

छुं ई तक जक जिमिसं थन भचा जक दुःखकष्‍ट स्‍यूसां परमेश्‍वरं स्‍वर्गय् जिमित सदां दयाच्‍वनीगु आनन्‍द बियादी।

२ कोरिन्‍थी 4:6

“खिउँथासं जः थिनावइ” धकाः धयादीम्‍ह परमेश्‍वरं हे जिमिगु मनय् नं जः खय्‌कादिल। उकिं येशू ख्रीष्‍टया न्‍ह्यःने झीत परमेश्‍वरया महिमा व ज्ञान गुलि तःधं धकाः ध्‍वाथुइक क्‍यनेत थथे यानादीगु खः।

व्‍यवस्‍था 5:24

थथे धाल, “परमप्रभु झी परमेश्‍वरं झीत झःझः धाय्‌क व महिमा क्‍यनादिल, अले झीसं मिया दथुं वय्‌कःया सः न्‍यना। परमेश्‍वरं मनूतलिसें न्‍ववानादीसां मनूत मस्‍यूगु थौं तिनि जिमिसं खना।

१ यूहन्‍ना 5:13

परमेश्‍वरया काय् येशूयात विश्‍वास याःगुलिं छिमिके अनन्‍त जीवन दु धयागु खँ थुइमा धकाः थ्‍व खँ छिमित च्‍वयाच्‍वनागु खः।