यूहन्‍ना 19:9 - नेवाः बाइबल

⁹ वं हानं लाय्‌कुलिइ दुहां वनाः वय्‌कःयात धाल – “छ गनयाम्‍ह खः?” वय्‌कलं छुं हे धयामदी।

यूहन्‍ना 19:9 ပူးပေါင်းရင်းမြစ်များ

यशैया 53:7

व क्‍वत्‍यका च्‍वनेमाल, वयात सास्‍ती जुल, अय्‌नं वं थःगु म्‍हुतुं छसः नं न्‍वमवाः। स्‍यायेत यंकूम्‍ह चीधिकःम्‍ह भ्‍याःचायात थें वयात यंकल, तँय चाइम्‍हय्‌सिगु न्‍ह्यःने फै सुम्‍क च्‍वंथें वं थःगु म्‍हुतुं छुं न्‍वमवाः।

मत्ती 26:63

वय्‌कलं छुं हे धयामदी। अले दकलय् तःधंम्‍ह पुजाहारीं हानं धाल – “म्‍वाःम्‍ह परमेश्‍वरयागु नामं जिं छन्‍त धयाच्‍वना – छ परमेश्‍वरया काय्, मुक्ति बीम्‍ह ख्रीष्‍ट खः ला?”

मत्ती 27:27

अले पिलातसया सिपाइँतय्‌सं येशूयात दरबारया चुकय् यंकल। सिपाइँत फुक्‍कं अन मुंवल।

लूका 23:9

अय्‌जूगुलिं वं यक्‍व खँ न्‍यना स्‍वल, तर वय्‌कलं छुं हे लिसः बियामदी।

यूहन्‍ना 18:28

सुथ न्‍हापां हे इमिसं येशूयात कैयाफायागु छेँनं रोमी बडा-हाकिम पिलातसयागु दरबारय् यंकल। छुत्‍काराया नखः स्‍वये खनी मखु धकाः ग्‍यानाः थःपिं अशुद्ध मजुइमा धकाः दरबारय् दुहां मवं।

यूहन्‍ना 18:33

पिलातसं लाय्‌कुलिइ दुहां वनाः वय्‌कःयात सःताः धाल – “छु छ यहूदीतय् जुजु खः ला?”

यूहन्‍ना 18:34

वय्‌कलं लिसः बियादिल – “थ्‍व खँ छिं हे धयादियागु ला कि छितः सुनानं जिगु खँ कना ब्‍यूगु खः?”

यूहन्‍ना 18:37

पिलातसं वय्‌कःयात धाल – “अय्‌सा छ जुजु हे खः ला?” वय्‌कलं धयादिल – “जि जुजु खः धकाः ला छिं हे धयादिल। थुकियागु निंतिं हे जि बूगु खः, अले सत्‍य म्‍हसीका बीत जि संसारय् वयागु खः। सत्‍ययात म्‍हस्‍यूपिं फुक्‍कसिनं जिगु खँ न्‍यनी।”

यूहन्‍ना 19:10

उकिं पिलातसं वय्‌कःयात धाल “जि नाप नं छं नवाये मखु ला? जिं छन्‍त त्‍वःते नं फु, क्रूसय् यख्‍खाये नं फु धकाः छं मस्‍यू ला?”

यूहन्‍ना 19:8

थ्‍व खँ न्‍यनाः पिलातस झन ग्‍यात।

यूहन्‍ना 8:14

वय्‌कलं इमित लिसः बियादिल – “जिं जिगु हे खँय् साक्षी बियाच्‍वना सां जिगु साक्षी सत्‍य खः, छाय्‌धाःसा जि गनं वयाम्‍ह खः, अले गन वने त्‍यनाम्‍ह खः धकाः जिं स्‍यू, अय्‌नं छिकपिन्‍सं धाःसा जि गनं वइ, अले गन वनी धकाः सी मखु।

फिलिप्‍पी 1:28

दुःख बीपिं खनाः छिपिं ग्‍याये मते। थुकिं इपिं नाश जुयावनी, अले छिमित मुक्ति दइ धकाः बांलाक सी दु, छाय्‌धाःसा थ्‍व परमेश्‍वरं हे यानादीगु खः।

न्‍यायकर्ता 13:6

अले व मिसा वनाः थः भाःतयात थथे धाल, “परमेश्‍वरया छम्‍ह मनू जिथाय् वल। वयागु ख्‍वाः स्‍वयाबलय् परमेश्‍वरया दूतयागु थें ग्‍यानापुसे च्‍वँ। जिं वयात व गनं वयागु धकाः मन्‍यना अले वं नं जितः थःगु नां मकं।