यूहन्‍ना 19:18 - नेवाः बाइबल

¹⁸ अन थ्‍यंकाः इमिसं वय्‌कःयात क्रूसय् यख्‍खात। वय्‌कःयागु जवय् खवय् मेपिं निम्‍हय्‌सित नं क्रूसय् यख्‍खानाबिल।

यूहन्‍ना 19:18 ပူးပေါင်းရင်းမြစ်များ

भजनसंग्रहया सफू 22:16

जिमि शत्रुतय्‌गु पुचलं खिचात थें जिगु प्‍यखें मुंवःगु दु। इमिसं जिगु ल्‍हाःतुति त्‍यात्‍यायाये धुंकल।

यशैया 53:12

अथे जुयाः जिं तःधंपिंनापं हे वयात नं छगू भाग बी, वं लाकाहःगु माल बल्‍लाःपिंनापं इनी। छाय्‌धाःसा वं थःगु जीवन पानाबिल, व पापीतनापं हे वयात ल्‍याः खात। वं यक्‍वसिगु पाप क्‍वबिल, व पापीतय्‌गु निंतिं स्‍वापु तइम्‍ह जुल।

मत्ती 27:44

वय्‌कःया जवंखवं यख्‍खाया तःपिं दाखुँतय्‌संनापं वय्‌कःयात हाय्‌कल।

यूहन्‍ना 18:32

थः गथे जुयाः सी मानि धकाः वय्‌कलं धयादीगु वचन पूवनेमा धकाः थथे जूगु खः।

यूहन्‍ना 19:32

अले सिपाइँतय्‌सं वयाः न्‍हापालाक वय्‌कः नाप यख्‍खाःम्‍ह छम्‍हय्‌सिगु तुति त्‍वथुल, अले हानं मेम्‍हय्‌सिगु तुति नं त्‍वथुल।

प्रेरित 2:23

परमेश्‍वरं थःगु ग्‍वसाः व ज्ञानकथं येशूयात छिकपिनि ल्‍हातय् बियादिल। अले छिकपिन्‍सं वय्‌कःयात अधर्मीतय्‌गु ल्‍हातय् क्रूसय् स्‍याकेत लःल्‍हाना बिल।

गलाती 3:13

येशू ख्रीष्‍टं व्‍यवस्‍थाया सरापं झीत मू पुलाः त्‍वःतकादिल। वय्‌कलं क्रूसय् यग्‍गानाः झीगु सराः थःम्‍हं फयादीगु दु। व्‍यवस्‍थाय् धयातःगु दु “सिँयागु थामय् यख्‍खाइम्‍हय्‌सित सराः लाइ।”

हिब्रू 12:2

अले झीगु विश्‍वास शुरु यानादीम्‍ह व क्‍वचाय्‌कादीम्‍ह येशूयात स्‍व, लिपायागु आनन्‍दया निंतिं वय्‌कः लज्‍या मचासे क्रूसया सास्‍ती फयादिल। वय्‌कः आः परमेश्‍वरया सिंहासनया जवय् च्‍वनादीगु दु।