यूहन्‍ना 18:5 - नेवाः बाइबल

⁵ इमिसं वय्‌कःयात लिसः बिल – “नासरतयाम्‍ह येशूयात।” अले वय्‌कलं इमित – “व जि हे खः” धकाः धयादिल। वय्‌कःयात ज्‍वंकीम्‍ह यहूदा नं इपिं नाप दनाच्‍वंगु दु।

यूहन्‍ना 18:5 ပူးပေါင်းရင်းမြစ်များ

यशैया 3:9

इमिगु दोष ख्‍वालं हे सी दु। सदोमया मनूतय्‌सं थें इमिसं थःगु पाप क्‍यना जुइ। इमिसं थुकियात सुचुका तइ मखु। धिक्‍कार इमित! इमिसं थःगु नाश थःम्‍हं हे हःगु दु।

यर्मिया 8:12

छु इपिं थःगु घच्‍चाइपुगु ज्‍या याये धुंकाः लज्‍या चाल ला? मखु, इपिं भचा नं लज्‍या चाःगु मदु छाय्‌धाःसा इपिं लज्‍या चाये हे मसः। उकिं मेपिं पतन जूपिंनापं इपिं नं पतन जुइ। जिं इमित सजाँय बीबलय् इपिं नाश जुइ

मत्ती 2:23

अगमवक्तातय्‌सं वय्‌कःयात “नासरी” धाइ धाःगु खँ पूवंकेत योसेफ नासरत धाःगु शहरय् वनाः च्‍वंवन।

मत्ती 21:11

अले वय्‌कःया ल्‍यूल्‍यू वःपिं मनूतय्‌सं थथे धाल – “थ्‍व गालीलयागु नासरतं झाःम्‍ह अगमवक्ता येशू खः।”

यूहन्‍ना 1:46

नथानेलं वयात धाल – “नासरतं नं छुं भिंगु गतिलाःगु खँ वइ ला?” फिलिपं वयात धाल – “वयाः छं हे स्‍व।”

यूहन्‍ना 18:4

वय्‌कलं जुइत्‍यंगु फुक्‍क खँ सीकाः पिहां झायाः इमित धयादिल – “छिमिसं सुयात माला च्‍वनागु?”

यूहन्‍ना 18:6

“व जि हे खः” धकाः धयादीगुलिं इपिं लिज्‍यां वनाः बँय् ग्‍वारातू वन।

यूहन्‍ना 19:19

पिलातसं क्रूसय् थथे धकाः च्‍वयाबिल – “नासरतयाम्‍ह येशू, यहूदीतय् जुजु।”