यूहन्‍ना 18:4 - नेवाः बाइबल

⁴ वय्‌कलं जुइत्‍यंगु फुक्‍क खँ सीकाः पिहां झायाः इमित धयादिल – “छिमिसं सुयात माला च्‍वनागु?”

यूहन्‍ना 18:4 ပူးပေါင်းရင်းမြစ်များ

१ राजा 18:10

धात्‍थें परमप्रभु छिकपिनि परमेश्‍वर म्‍वाःम्‍ह खः थें, जिं पाफयाः धाये छितः मालेत जिमि मालिकं मनूत छ्वयामदीगु गुगुं जाति अथवा राज्‍य ल्‍यं मदये धुंकल। गुगुं देशयाम्‍ह जुजुं जिगु देशय् एलिया मदु धकाः धाःसा आहाब जुजुं उम्‍ह जुजुयात वं धाःगु खँ सत्‍य खः धकाः पाफय्‌कीगु।

नहेम्‍याह 6:11

अय्‌नं जिं शमायाहयात धया, “जि थें ज्‍याःम्‍ह मनू बिस्‍युं वनेगु ला? छु जि थें ज्‍याःम्‍ह मनू बचय् जुइत देगलय् वनेगु ला? जि वने मखु।”

भजनसंग्रहया सफू 27:3

फुक्‍क सिपाइँत जिगु विरोधय् दनावःसां जि ग्‍याये मखु। सुनानं जितः हय्‌क्‍कावःसां जि लिचिले मखु।

भजनसंग्रहया सफू 3:6

जितः प्‍यखेरं हय्‌कायेत स्‍वयाच्‍वंपिं द्वलंद्वः शत्रुत खनाः नं जि मग्‍याः।

हितोपदेश 28:1

सुनानं लिना महःसां दुष्‍ट मनूत बिस्‍युं बिस्‍युं जुइ, धर्मी मनूत धाःसा सिंह थें मग्‍यासे च्‍वनी।

मत्ती 16:21

उबलय् निसें येशूं चेलातय्‌त ध्‍वाथुइक धयादीगु यानादिल – “यरूशलेमय् वनाः जिं थकालिपिं, तःधंपिं पुजाहारीत व शास्‍त्रीतय्‌गु ल्‍हातं दुःखकष्‍ट फये मानि। लिपा इमिसं जितः स्‍यानाछ्वइ। अले स्‍वन्‍हु लिपा जि हानं म्‍वाना वये।”

मत्ती 26:2

“निन्‍हु लिपा छुत्‍काराया नखः वइ धकाः ला छिमिसं सि हे स्‍यू। उबलय् मनूया काय्‌यात ज्‍वनाः क्रूसय् यख्‍खायाः स्‍यायेत लःल्‍हानाबी।”

मत्ती 26:21

नयाच्‍वंबलय् वय्‌कलं धयादिल – “जिं छिमित खःगु खँ धाये – छिपिं मध्‍ये हे छम्‍हय्‌सिनं जितः धोखा बी।”

मत्ती 26:31

अले येशूं इमित धयादिल – “थौं चान्‍हय् छिपिं फुक्‍कं जितः त्‍वःताः बिस्‍युं वनी। धर्मशास्‍त्रय् नं थथे च्‍वयातःगु दु – “‘जिं फैजवाःयात स्‍यानाबी, अले फैचात उखेलाः थुखेलाः जुइ।’

लूका 24:44

अले वय्‌कलं इमित धयादिल – “जिं छिपिंनाप दुबलय् जिगु बारे धर्मशास्‍त्रय् अर्थात मोशाया व्‍यवस्‍था, अगमवक्ता व भजनया सफुलिइ च्‍वयातःगु फुक्‍क खँ पूवनेमाः धकाः न्‍हापा हे धयागु खः।”

यूहन्‍ना 13:1

छुत्‍काराया नखः न्‍ह्यः येशूं थ्‍व संसारं बाःयाथाय् वनेगु ई वल धकाः सीकाः संसारय् च्‍वंपिं थः चेलातय्‌त माया यानादिल। वय्‌कलं अन्‍ततक हे इमित माया यानादिल।

यूहन्‍ना 13:11

वय्‌कलं थःत धोखा बीम्‍हय्‌सित म्‍हस्‍यूगुलिं “छिपिं फुक्‍कं च्‍वख मजू” धकाः धयादीगु खः।

यूहन्‍ना 18:5

इमिसं वय्‌कःयात लिसः बिल – “नासरतयाम्‍ह येशूयात।” अले वय्‌कलं इमित – “व जि हे खः” धकाः धयादिल। वय्‌कःयात ज्‍वंकीम्‍ह यहूदा नं इपिं नाप दनाच्‍वंगु दु।

यूहन्‍ना 18:7

वय्‌कलं इमिके हानं न्‍यनादिल – “छिमिसं सुयात माः वयागु?” अले इमिसं धाल – “नासरतयाम्‍ह येशूयात।”

यूहन्‍ना 19:28

थुलि जुइ धुंकाः धर्मशास्‍त्रय् च्‍वयातःगु फुक्‍कं खँ पूवने धुंकल धकाः सीकाः येशूं “जितः प्‍याः चाल” धकाः धयादिल।

यूहन्‍ना 6:64

अय्‌नं छिपिं मध्‍ये गुम्‍हं गुम्‍हं विश्‍वास मयाइपिं नं दये फु।” सुनां सुनां वय्‌कःयात विश्‍वास मयाः, अले सुनां वय्‌कःयात धोखा बी धयागु खँ वय्‌कलं न्‍हापांनिसें हे स्‍यू।

प्रेरित 2:28

जीवनयागु लँ नं छिं हे जितः क्‍यनादिल। छिनाप दीबलय् जि तसकं लय्‌ता।’”

१ पत्रुस 4:1

ख्रीष्‍टं शरीरय् दुःख सियादी थें तुं छिपिं नं सीमाःसां लिचिले मते, छाय्‌धाःसा सुनां शरीरय् दुःख फइ, वं पाप यायेगु त्‍वःती।