यूहन्‍ना 18:18 - नेवाः बाइबल

¹⁸ तसकं चिकुसे च्‍वंगुलिं दासत व सिपाइँत ह्यंग्‍वाः च्‍याकाः मि पनाच्‍वन। पत्रुस नं इपिं नाप तुं दनाः मि पनाच्‍वंगु खः।

यूहन्‍ना 18:18 ပူးပေါင်းရင်းမြစ်များ

उत्‍पत्ति 49:6

जिं गुबलें नं इमिगु ज्‍या व बिचालय् ब्‍वति मकया छाय्‌धाःसा इमिसं तमय् मनूत स्‍याःगु दु। अले थःयत्‍थें द्वहंतय्‌त पाःगु दु।

१ राजा 19:9

अन छगू गुफाय् दुहां वनाः चच्‍छि अन हे च्‍वन। परमप्रभुया थ्‍व वचन वयाथाय् वल, “अय् एलिया, थन छ छु यानाच्‍वनागु?”

भजनसंग्रहया सफू 1:1

धन्‍य खः व मनू, गुम्‍ह दुष्‍टतय्‌गु खँय् जुइ मखु, गुम्‍ह पापीतय्‌गु लँय् दनी मखु, अले गुम्‍ह कर्पिन्‍त क्‍वह्यंका जुइपिनिगु पुचलय् च्‍वनी मखु।

हितोपदेश 13:20

बुद्धिमानपिंलिसे जुइपिं बुद्धिमान हे जुइ। मूर्खतलिसे जुइपिन्‍सं थःत स्‍यंकी।

मर्कूस 14:54

पत्रुस नं तातापाकं हे ल्‍यूल्‍यू वनाः दकलय् तःधंम्‍ह पुजाहारीयागु चुकय् थ्‍यंक हे वन। पत्रुस अन वनाः पालेत नाप मि पनाच्‍वन।

मर्कूस 14:67

मि पना च्‍वंम्‍ह पत्रुसयात खनाः बांलाक स्‍वयाः वयात थथे धाल – “छ नं नासरतय् च्‍वंम्‍ह येशू नाप जुइम्‍ह खः।”

लूका 22:44

अले नुगलय् तसकं हीसे च्‍वनाः नुगः हे ह्वगनि थें च्‍वंगुलिं वय्‌कलं झन तसकं मन बियाः प्रार्थना यानादिल। वय्‌कःयागु चःति हि थें ततःफुति जुयाः बँय् तिकि ननाच्‍वन।

यूहन्‍ना 18:25

अबलय् सिमोन पत्रुस दनाः मि पनाच्‍वन। इमिसं वयात धाल – “छ नं वय्‌कःया चेलात मध्‍ये छम्‍ह मखु ला?” वं हानं थथे धाल – “जि मखु।”

यूहन्‍ना 18:3

उकिं यहूदा तःधंपिं पुजाहारीतय्‌थाय् व फरिसीतय्‌थाय् वनाः छथ्‍वः सिपाइँत व हाकिमतय्‌त ब्‍वनाः मिप्‍वाः, लालतिन, व हतियार ज्‍वनाः अन वल।

यूहन्‍ना 21:9

सिथय् थ्‍यंबलय् इमिसं अन च्‍यानाच्‍वंगु ह्यंग्‍वालय् न्‍या व मरि तयातःगु खन।

प्रेरित 4:23

थथे त्‍वःता हये धुंकाः पत्रुस व यूहन्‍ना थः पासापिन्‍थाय् वन। इमिसं तःधंपिं पुजाहारीतय्‌सं व थकालिपिन्‍सं धयाहःगु खँ फुक्‍कं इमित कन।

१ कोरिन्‍थी 15:33

मूर्ख जुइ मते, “मभिंपिं लिसे बुला जूसा भिंपिं नं स्‍यनावनी।”