यूहन्‍ना 18:14 - नेवाः बाइबल

¹⁴ झी मनूतय्‌गु निंतिं छम्‍ह मनू सीगु हे बांलाः धकाः यहूदीतय् नायःतय्‌त सल्‍लाह ब्‍यूम्‍ह कैयाफा हे खः।

यूहन्‍ना 18:14 ပူးပေါင်းရင်းမြစ်များ

मत्ती 26:3

उबलय् हे तःधंपिं पुजाहारीत व थकालिपिं कैयाफा धाःम्‍ह दकलय् तःधंम्‍ह पुजाहारीया छेँय् मुन।

प्रेरित 27:12

चिकुलाबलय् च्‍वनेत थ्‍व जहाज दिकेगु थाय् पाय्‌छि मजूगुलिं अप्‍वःसिनं वनाः फतिंफतले फोनिक्‍सय् थ्‍यंकेगु मतिइ तःगु खः। थ्‍व क्रेट टापुयागु छगू लःजहाज दिकेगु थाय् खः। थ्‍व दच्‍छिन-पच्‍छिम व उत्तर-पच्‍छिम स्‍वः।

प्रेरित 27:9

थुकथं जिमिसं तःन्‍हु हे सितिं छ्वया। ग्‍वःफय् वइगु ई जूगुलिं समुद्रं जुइगु तसकं ग्‍यानपुइ यः। प्रायश्‍चितया दिंया अपसंया ई नं फुइधुंकल। उकिं पावलं थथे धकाः धाल –