यूहन्‍ना 18:1 - नेवाः बाइबल

¹ थुलि धयाः येशू चेलात नाप किद्रोन खुसि पारिइ झाल। अले वय्‌कः छगू बगैँचाय् थः चेलातनापं दुहां झाल।

यूहन्‍ना 18:1 ပူးပေါင်းရင်းမြစ်များ

उत्‍पत्ति 2:15

अले परमप्रभु परमेश्‍वरं मनूयात बुँ ज्‍यायेत व थुकिया बिचाः यायेत अदन धाःगु क्‍यबय् यंकाः तयादिल।

उत्‍पत्ति 3:23

उकिं परमप्रभु परमेश्‍वरं मनूयात वयात दय्‌कूगु चाय् ज्‍या याकेत अदनया क्‍यबं पितिनाछ्वयादिल।

२ शमूएल 15:23

थुकथं इपिं फुक्‍क मनूत पिहां वंबलय् देशय् च्‍वंपिं मनूत ह्वाँय्‌ह्वाँय् ख्‍वल। जुजु किद्रोनया ब्‍यासि पुलावन, अले फुक्‍क मनूत मरुभूमिपाखे न्‍ह्यज्‍यात।

१ राजा 15:13

वं थः अजि माकायात राजमाताया थासं लिकाल, छाय्‌धाःसा वं अशेरा द्यःमय्‌जुया छगू घच्‍चायापुगु मूर्ति दय्‌कूगु खः। आसां उगु मूर्तियात त्‍वाःल्‍हानाबिल। अले उकियात कुचा कुचा यानाः किद्रोन खुसिचाय् छ्वय्‌काबिल।

१ राजा 2:37

गुखुन्‍हु शहर त्‍वःताः किद्रोन खुसिचा छिनावनी उखुन्‍हु छ सी। अथे याःसा छंगु हिया दोष छंगु हे छेनय् लाइ।”

२ राजा 23:12

आहाजया छेँय् च्‍वय्‌च्‍वंगु क्‍वथाया लिक्‍क च्‍वंगु कःसिइ यहूदाया जुजुपिन्‍सं दय्‌कूगु वेदीत, अले परमप्रभुया देगलय् निगुलिं चुकय् मनश्‍शें दय्‌कूगु वेदीत वं थुनाबिल। वं उपिं वेदीयात चुंचुं यानाः किद्रोन ब्‍यासिइ वांछ्वयाबिल।

२ राजा 23:4

जुजुं दकलय् तःधंम्‍ह पुजाहारी हिल्‍कियाह, पुजाहारीत व लुखा पिवाःतय्‌त परमप्रभुया देगलय् दुगु बालद्यः, अशेरा द्यःमय्‌जु व आकाशया नगुतय्‌गु लागि दय्‌कूगु थलबल ज्‍वना वा धकाः उजं बिल। वं उपिं फुक्‍क थलबलयात यरूशलेमया पिने, किद्रोनया ब्‍यासिइ यंकाः छ्वयेकाबिल अले नौ बेथेलय् यंकल।

२ राजा 23:6

वं परमप्रभुया देगलं अशेरा द्यःमय्‌जुया थां लिकयाः यरूशलेमया पिने किद्रोन ब्‍यासिइ यंकाः अन हे छ्वयेकाबिल। अले उकियात चुंचुं यानाः साधारण मनूतय्‌गु चिहानय् ह्वलाबिल।

२ इतिहास 15:16

आसा जुजुं थः मां माकायात राजमाताया थासं लिकाल। छाय्‌धाःसा वं अशेरा द्यःमय्‌जुया घच्‍चाइपुगु थां दय्‌कूगु खः। आसां उगु थांयात त्‍वाःल्‍हानाबिल, अले उकियात कुचा कुचा यानाः किद्रोन बेंसीइ छ्वय्‌काबिल।

२ इतिहास 29:16

पुजाहारीत पवित्र थाय्‌यात शुद्ध यायेत उकिया दुने दुहां वन। इमिसं परमप्रभुया देगः दुने दुगु फुक्‍क अशुद्ध चिज परमप्रभुया देगलं पिने चुकय् हल। लेवीतय्‌सं उपिं अशुद्ध चिजयात किद्रोनया बेंसीइ यंकाः वांछ्वयाबिल।

२ इतिहास 30:14

इमिसं यरूशलेमय् मेपिं द्यःतय्‌गु वेदीत चीकाबिल, अले थाय् थासय् दुगु धुपाँय् च्‍याकीगु वेदीत नं लिकयाः किद्रोनया बेंसीइ वांछ्वयाबिल।

नहेम्‍याह 2:15

उकिं जि चान्‍हय् किद्रोन ब्‍यासिइ थाहां वना शहरया पःखाः स्‍वस्‍वं वना। लिपतय् जि लिहां वया अले ब्‍यासि ध्‍वाखां शहरय् दुहां वया।

यर्मिया 31:40

सीम्‍ह व नौ वांछ्वइगु फुक्‍क गाः, पुर्बपाखे किद्रोन खुसि तकयागु फुक्‍क बुँ व सल ध्‍वाखाया कुन्‍चा तक परमप्रभुया निंतिं पवित्र जुइ। व शहरयात आवंलि कब्‍जा याइ मखु वा भज्‍यंक नाश याइ मखु।”

लेवी 2:6

व कुचा कुचा यानाः उकी चिकं प्‍वंकेमाः व अन्‍नबलि खः।

मत्ती 26:30

अले छपु भजन हाले धुंकाः वय्‌कःपिं जैतून डाँडाय् झाल।

मत्ती 26:36

वय्‌कः चेलात नाप गेतसमनी धाःथाय् झाल। वय्‌कलं इमित धयादिल – “छिपिं थन हे च्‍वनाच्‍वँ। जि उखे वनाः प्रार्थना याये।”

मर्कूस 14:26

अले छपु भजन हालाः वय्‌कःपिं जैतून डाँडाय् झाल।

मर्कूस 14:32

वय्‌कःपिं गेतसमनिइ थ्‍यने धुंकाः येशूं इमित धयादिल – “जि प्रार्थना यानाच्‍वंतले छिपिं थन हे च्‍वनाच्‍वँ।”

मर्कूस 14:42

दँ, नु! स्‍व, जितः ज्‍वंकीम्‍ह मनू थ्‍यंकः वये धुंकल।”

यूहन्‍ना 14:31

जिं बाःयात माया यानाच्‍वनागु दु धकाः संसारं सीमा धकाः बाःनं आज्ञा यानादी थें जिं यानाच्‍वनागु खः। दँ, आः झी थनं वनेनु।”

यूहन्‍ना 18:26

पत्रुसं न्‍हाय्‌पं चाना ब्‍यूम्‍ह मनूया छम्‍ह थःथिति नं अन दु। व नं दकलय् तःधंम्‍ह पुजाहारीया च्‍यः खः। वं थथे धाल – “जिं छन्‍त वय्‌कः नाप बगैँचाय् खनागु मखु ला?”

प्रेरित 21:11

वं पावलयागु जनी कयाः थःगु ल्‍हाःतुति चिनाः थथे धाल – “पवित्र आत्‍मां थथे धयादीगु दु – ‘थ्‍व जनीया थुवाःयात यरूशलेमय् वन धाःसा यहूदीतय् नायःतय्‌सं थथे हे यानाः चिनाबी, अले यहूदीमखुपिन्‍त लःल्‍हानाबी।’”