यूहन्‍ना 17:6 - नेवाः बाइबल

⁶ “छिं जितः बियादीपिं संसारय् च्‍वंपिं मनूतय्‌त छिगु नां जिं म्‍हसीका बिया। इपिं छिकपिनि हे मनूत खः, अले इपिं छिं जितः बियादिल। इमिसं नं छिगु वचन मानय् यानाच्‍वंगु दु।

यूहन्‍ना 17:6 ပူးပေါင်းရင်းမြစ်များ

भजनसंग्रहया सफू 119:11

छिगु विरोधय् पाप याये म्‍वालेमा धकाः छिगु बचं जिं थःगु नुगलय् तया तयागु दु।

भजनसंग्रहया सफू 22:22

जिं जिमि मनूतय्‌त छिं यानादीगु खँ कने, जिं छितः इमिगु पुचलय् तःधंके।

प्रस्‍थान 9:16

अय्‌नं जिगु शक्ति क्‍यनेत व पृथ्‍वीइ न्‍यंक जिगु नां कायेमा धकाः हे जिं छन्‍त म्‍वाकातयागु खः।

हितोपदेश 2:10

छंके बुद्धि जायावइ, ज्ञानं छन्‍त आनन्‍द बी।

हितोपदेश 23:23

सत्‍य, बुद्धि, दुग्‍यां व भिंगु खँ कायेगु स्‍व! थुमित मी मते।

यूहन्‍ना 1:18

परमेश्‍वरयात सुनानं गुबलें हे खंगु मदु। अय्‌नं बाः नाप च्‍वंम्‍ह याकः काय्‌नं हे वय्‌कःयात क्‍यनादीगु दु।

यूहन्‍ना 12:28

‘बाः, छिगु नांयात तःधंकादिसँ।’” अले स्‍वर्गं थथे धयाहल – “जिं तःधंके धुन, आः हानं तःधंके तिनि।”

यूहन्‍ना 15:19

छिपिं संसारयापिं मनूत जूगु जूसा संसारं छिमित थःपिं धकाः माया याइगु, तर जिं छिमित संसारं ल्‍यये धुनागुलिं छिपिं संसारयापिं मखुत, उकिं इमिसं छिमित यय्‌की मखु।

यूहन्‍ना 15:3

जिगु वचनं यानाः छिपिं न्‍हापा हे शुद्ध जुइ धुंकल।

यूहन्‍ना 15:7

छिपिं जिके च्‍वनाच्‍वन धाःसा व जिगु वचनयात नुगलय् तया तल धाःसा छिमिसं न्‍ह्यागु फ्‍वंसां छिमित बी।

यूहन्‍ना 17:12

संसारय् इपिं नाप च्‍वंतले जिं छिगु नामय् इमित बचय् याना तया। छिं जितः बियादीपिं सुं नं जिं तंकागु मदु। अय्‌नं धर्मशास्‍त्रय् च्‍वया तः थें नाश जुइमाःम्‍ह छम्‍ह जक नाश जुयावन, मेपिं सुं नं नाश मजू।

यूहन्‍ना 17:14

छिगु वचन जिं इमित न्‍यंके धुनागुलिं गथे जि संसारयाम्‍ह मखु, अथे हे इपिं नं संसारयापिं मखुत, उकिं संसारं इमित हेला यात।

यूहन्‍ना 17:16

गथे जि संसारयाम्‍ह मखु, अथे हे इपिं नं संसारयापिं मखुत।

यूहन्‍ना 17:2

छिं काय्‌यात बियादिक्‍व मनूतय्‌त अनन्‍त जीवन बीत फुक्‍क मनूतय्‌त वयागु ल्‍हातय् तयादीगु दु।

यूहन्‍ना 17:24

“बाः, संसार मदुनिबलय् निसें छिं जितः माया यानाः तःधंकादीगु खँ इमिसं थुइके फयेमा, अले जि गन दु, इपिं नं जि लिसे हे दयेमा धयागु जिगु इच्‍छा खः।

यूहन्‍ना 17:26

जिं इमित छिगु नां म्‍हसीके बिया। अझ नं जिं सीके बीतिनि। छिं जितः माया यानादी थें इमिसं नं याये फयेमा, अले जि इमिके च्‍वने फयेमा।”

यूहन्‍ना 17:7

छिं जितः बियादीगु फुक्‍कं छिगु हे खः धकाः इमिसं आः सीके धुंकल।

यूहन्‍ना 18:9

वय्‌कलं थथे धयादीगु खँ पूवनेमा धकाः थथे जूगु खः – “छिं जितः बियादीपिं सुयातं जिं तंकागु मदु।”

यूहन्‍ना 6:37

बाःनं जितः बियादीपिं फुक्‍कं जिथाय् वइ। अले जिथाय् वःपिन्‍त जिं गुबलें हे त्‍वःते मखु।

यूहन्‍ना 6:39

बाःनं जितः बियादीपिं सुं हे मतनेमा बरु दकलय् लिपायागु दिनय् इपिं हानं म्‍वाना वये फयेमा धयागु हे जितः छ्वयाहयादीम्‍ह बाःयागु इच्‍छा खः।

यूहन्‍ना 8:51

जिं छिकपिन्‍त खःगु खँ धाये – जिगु वचन मानय् याइम्‍ह मनू गुबलें हे सी मखु।”

यूहन्‍ना 8:52

इमिसं धाल – “आः ला जिमिसं बांलाक हे सिल, छंके भूत दुबिनाच्‍वंगु हे दु। अब्राहाम व अगमवक्तात ला सिनावन धाःसा छं गथे यानाः छंगु वचन मानय् याइपिं मनूत गुबलें हे सी मखु धकाः धाये फुगु?

प्रेरित 13:48

थ्‍व न्‍यनाः यहूदीमखुपिं तसकं लय्‌लय्‌ताल। इमिसं परमेश्‍वरयागु वचनयात तःधंकल। अले अनन्‍त जीवन बीत ल्‍ययातःपिं मनूतय्‌सं विश्‍वास यात।

रोमी 11:2

न्‍हापांनिसें ल्‍ययातःपिं वय्‌कःया मनूतय्‌त परमेश्‍वरं त्‍वःतादीगु मदुनि। एलियायागु खँ धर्मशास्‍त्रय् च्‍वयातःगु छिमिसं मस्‍यू ला? इस्राएलीतय्‌त मभिंकाः एलियां परमेश्‍वरयात थथे बिन्‍ति यात –

२ कोरिन्‍थी 4:6

“खिउँथासं जः थिनावइ” धकाः धयादीम्‍ह परमेश्‍वरं हे जिमिगु मनय् नं जः खय्‌कादिल। उकिं येशू ख्रीष्‍टया न्‍ह्यःने झीत परमेश्‍वरया महिमा व ज्ञान गुलि तःधं धकाः ध्‍वाथुइक क्‍यनेत थथे यानादीगु खः।

कलस्‍सी 3:16

ख्रीष्‍टयागु वचनं छिमिगु नुगः जायाच्‍वनेमा। छिमिसं थःथवय् स्‍यनेकने यानाः दुनुगलंनिसें भजन व म्‍ये हालाः परमेश्‍वरयात तःधंकि।

२ तिमोथी 1:13

ख्रीष्‍ट येशूं झीत क्‍यनादीगु विश्‍वास व माया थें छं नं जिं धयागु फुक्‍क खँ याना क्‍यँ।

हिब्रू 2:12

थ्‍व हे खँ धर्मशास्‍त्रय् थथे च्‍वयातःगु दु – “जिं जिमि मनूतय्‌त छिं यानादीगु खँ कने, जिं छितः इमिगु पुचलय् तःधंके।”

हिब्रू 3:6

ख्रीष्‍ट धाःसा परमेश्‍वरयागु छेँय् अधिकार दुम्‍ह काय् थें विश्‍वास याये बहःम्‍ह जुयादिल। झीसं आशा याना थें उत्‍थें साहस व भरोसा तयाच्‍वन धाःसा झीपिं हे परमेश्‍वरया छेँ जुइ।

१ पत्रुस 1:1

पोन्‍टस, गलातिया, कापाडोकिया, एशिया व बिथिनियाय् वनाः परदेशी जुयाच्‍वंपिं परमेश्‍वरं ल्‍ययातःपिं मनूतय्‌त येशू ख्रीष्‍टया प्रेरित पत्रुसयागु ज्‍वजलपा।

१ यूहन्‍ना 5:20

परमेश्‍वरया काय् झायाः झीत धात्‍थेंयाम्‍ह परमेश्‍वर म्‍हसीकादिल। थ्‍व खँ झीसं स्‍यू। धात्‍थेंयाम्‍ह परमेश्‍वरया काय् येशू ख्रीष्‍टनाप झीगु जीवन नं प्‍यपुनाच्‍वंगु दु। थ्‍व हे सत्‍य परमेश्‍वर खः, अले हानं थ्‍व हे परमेश्‍वर अनन्‍त जीवन नं खः।

प्रकाश 2:13

“शैतानयागु सिंहासन दुथाय् छिपिं च्‍वनाच्‍वंगु दु धकाः जिं स्‍यू। छिमिसं शैतान दुगु थासय् नं जितः क्‍वात्तुक भक्ति व विश्‍वास यानाच्‍वंगु दु धकाः, अले जिगु साक्षी बिया जूम्‍ह एन्‍टिपासयात स्‍याःबलय् नं छिमिसं जितः विश्‍वास यायेगु मत्‍वःतू।

प्रकाश 3:10

“छिमिसं न्‍ह्यागु दुःखकष्‍ट सहयाना नं जिगु वचन मानय् यानाच्‍वन। उकिं जिं नं छिमित संसारय् च्‍वंपिं फुक्‍कसितं जाँचय् यायेत जू वइगु दुःखकष्‍टं बचय् याये।

प्रकाश 3:8

“छिमिसं यानाच्‍वंगु ज्‍याखँ जिं स्‍यू। स्‍व, जिं छिमिगु न्‍ह्यःने लुखा चाय्‌का बियागु दु। थ्‍व लुखा सुनानं ति फइ मखु। छिपिं यक्‍व शक्ति मदुपिं मनूत खःसां जितः त्‍वमतुसे विश्‍वास यानाच्‍वंगु दु धकाः जिं स्‍यू।