यूहन्‍ना 17:26 - नेवाः बाइबल

²⁶ जिं इमित छिगु नां म्‍हसीके बिया। अझ नं जिं सीके बीतिनि। छिं जितः माया यानादी थें इमिसं नं याये फयेमा, अले जि इमिके च्‍वने फयेमा।”

यूहन्‍ना 17:26 ပူးပေါင်းရင်းမြစ်များ

भजनसंग्रहया सफू 22:22

जिं जिमि मनूतय्‌त छिं यानादीगु खँ कने, जिं छितः इमिगु पुचलय् तःधंके।

यूहन्‍ना 14:20

उबलय् हे जक जि बाःयाके, छिपिं जिके, अले जि छिमिके दु धकाः छिमिसं सी।

यूहन्‍ना 14:23

वय्‌कलं लिसः बियादिल – “जितः माया याइम्‍हय्‌सिनं जिगु वचन नं मानय् याइ। अले बाःनं नं वयात माया यानादी। अले जिपिं वयाथाय् वये अले व नाप हे च्‍वने।

यूहन्‍ना 15:15

आवंनिसें जिं छिमित दास धकाः धाये मखुत, छाय्‌धाःसा मालिकं याःगु ज्‍याखँ दासं सी मखु। जिं छिमित जिमि पासापिं धकाः धयागुलिं बाःनं जितः धयादिक्‍व खँ जिं छिमित धयागु दु।

यूहन्‍ना 15:4

छिपिं जिके च्‍वनाच्‍वँ, जि नं छिमिके च्‍वने। गथे कचां दाखमाय् मच्‍वंकं दाख सय्‌के फइ मखु, अथे हे छिपिं नं जिके च्‍वना मच्‍वंसा फल सय्‌के फइ मखु।

यूहन्‍ना 15:9

“जितः जिमि बाःनं माया यानादी थें तुं जिं नं छिमित माया यानागु दु, उकिं छिमिसं नं जिं थें माया यायेगु त्‍वःते मते।

यूहन्‍ना 17:23

छि जिके, अले जि इमिके दुगुलिं इपिं नं फुक्‍क छप्‍पँ जुइमा। थुकिं यानाः संसारं छिं जितः छ्वयाहयादीगु खः धकाः सी, अले जितः थें इमित नं छिं माया यानादी धकाः नं सी।”

यूहन्‍ना 17:6

“छिं जितः बियादीपिं संसारय् च्‍वंपिं मनूतय्‌त छिगु नां जिं म्‍हसीका बिया। इपिं छिकपिनि हे मनूत खः, अले इपिं छिं जितः बियादिल। इमिसं नं छिगु वचन मानय् यानाच्‍वंगु दु।

यूहन्‍ना 17:8

छिं जितः बियादीगु खँ जिं इमित बी धुन। अले इमिसं नं ग्रहण यात। जि छिथासं वयागु खः धकाः इमिसं बांलाक सीके धुंकल, अले छिं जितः छ्वयाहयादीगु खः धकाः नं इमिसं विश्‍वास यानाच्‍वंगु दु।

यूहन्‍ना 6:56

सुनां जिगु म्‍ह नइ अले हि त्‍वनी, व मनू जिके दइ, अले जि वयाके दइ।

यूहन्‍ना 8:50

जि थथःम्‍हं तुं तःधं मजुया, तर जितः तःधंकेत स्‍वया च्‍वंम्‍ह ला छम्‍ह हे दु। अले वय्‌कलं हे थ्‍व खँ क्‍वःछिनादी।

रोमी 8:10

ख्रीष्‍ट छिमिके च्‍वनादीगु दुसा पापं यानाः छिमिगु शरीर सी धुंकूसां परमेश्‍वरया न्‍ह्यःने धर्मी ठहरय् जूगुलिं छिमिगु आत्‍मा म्‍वानाच्‍वनी।

१ कोरिन्‍थी 1:30

परमेश्‍वरं छिमित ख्रीष्‍ट येशू नाप मिलय् यानादिल। वय्‌कलं झीत ख्रीष्‍टपाखें फुक्‍क खँ सीके थुइके फय्‌कादिल। ख्रीष्‍टं यानाः हे झीपिं परमेश्‍वर नाप मिलय् जुइ खन। ख्रीष्‍टं झीत पवित्र यानाः पापं मुक्त यानादिल।

१ कोरिन्‍थी 12:12

मण्‍डली म्‍ह थें खः। गथे तःता म्‍हब्‍व दःसां म्‍ह ला छगू हे जुइ। म्‍ह छगू हे जूसां तःता म्‍हब्‍व दइ। ख्रीष्‍ट नं अथे हे खः।

गलाती 2:20

जि ख्रीष्‍टनाप क्रूसय् सी धुन, जि थः हे म्‍वानाच्‍वनागु मखु, बरु ख्रीष्‍ट जिके म्‍वानादीगु खः। जि ला आः जितः माया यानाः जिगु निंतिं सिनादीम्‍ह परमेश्‍वरया काय्‌यात विश्‍वास यानाः म्‍वानाच्‍वनागु खः।

एफिसी 1:6

वय्‌कलं झीत थथे तःधंगु दया माया यानादीगुलिं झीसं वय्‌कःयात तःधंकेमाः। वय्‌कलं थः यःम्‍ह काय्‌पाखें झीत दया माया यानादिल।

एफिसी 3:17

उकिं विश्‍वासं यानाः ख्रीष्‍ट छिमिगु नुगलय् च्‍वनादी। छिमिगु नुगलय् मायां हा काय् फयेमा, अले छिपिं मायायागु लिधंसाय् च्‍वने फयेमा धकाः जिं प्रार्थना यानाच्‍वनागु दु।

एफिसी 5:30

छाय्‌धाःसा झीपिं वय्‌कःयागु म्‍हया ब्‍वत खः।

एफिसी 5:32

थ्‍व छगू तःधंगु गुप्‍ति खँ खः। अय्‌नं जिं छिमित ख्रीष्‍ट व मण्‍डलीया बारे खँ ल्‍हाना च्‍वनागु दु।

कलस्‍सी 1:27

थथे व गुप्‍ति खँ मनूतय्‌त ध्‍वाथुइकादीगु परमेश्‍वरया ग्‍वसाः खः। अले गुप्‍ति खँ थ्‍व हे खः – “ख्रीष्‍ट छिपिं यहूदीमखुपिन्‍के नं दी। अले परमेश्‍वरलिसे छिपिं नं तःधनी।”

कलस्‍सी 2:10

वय्‌कःपाखें हे छिपिं बांलाक ब्‍वलंगु दु। वय्‌कः फुक्‍क राज्‍य व शक्ति स्‍वयाः तःधं।

कलस्‍सी 3:11

यहूदीमखुपिं जुइमा, यहूदी जुइमा, म्‍हय् चिं तःपिं जुइमा, मतःपिं जुइमा, सःस्‍यूपिं जुइमा, छुं मस्‍यूपिं जुइमा, अले दास जुइमा, दासमखुपिं जुइमा, फुक्‍कं उथें खः। सकसिकें ख्रीष्‍ट दी। ख्रीष्‍ट हे फुक्‍कं खः।

२ थेसलोनिकी 2:16

प्रभु येशू ख्रीष्‍टं हे व झीत माया यानादीम्‍ह व दया माया याना गुबलें सिना मवनीगु साहस व भिंगु आशा बियादीम्‍ह परमेश्‍वर बाःनं

हिब्रू 2:12

थ्‍व हे खँ धर्मशास्‍त्रय् थथे च्‍वयातःगु दु – “जिं जिमि मनूतय्‌त छिं यानादीगु खँ कने, जिं छितः इमिगु पुचलय् तःधंके।”

१ यूहन्‍ना 3:24

परमेश्‍वरयागु आज्ञा मानय् यानाच्‍वंम्‍ह मनू वय्‌कः नाप दइ, अले वय्‌कः व नाप दइ। झीगु नुगलय् पवित्र आत्‍मा तयादीगुलिं झीसं थ्‍व स्‍यू।