यूहन्‍ना 17:24 - नेवाः बाइबल

²⁴ “बाः, संसार मदुनिबलय् निसें छिं जितः माया यानाः तःधंकादीगु खँ इमिसं थुइके फयेमा, अले जि गन दु, इपिं नं जि लिसे हे दयेमा धयागु जिगु इच्‍छा खः।

यूहन्‍ना 17:24 ပူးပေါင်းရင်းမြစ်များ

उत्‍पत्ति 45:13

मिश्र देशय् जि तःधंम्‍ह मनू जूगु अले छिमिसं थन खंगु फुक्‍क खँ जिमि बाःयात कँ। अले वय्‌कःयात थन याकनं हजि।”

मत्ती 25:21

“मालिकं वयात धाल – ‘स्‍याबास, छ भिंम्‍ह विश्‍वास याये बहःम्‍ह खः। चिधंगु खँय् हे छ विश्‍वास याये बहःम्‍ह जुल। उकिं जिं आः छन्‍त अज्‍जं यक्‍व खँय् जिम्‍मा बिया थके। छ नं जिनापं लय्‌ताया च्‍वँ।’

मत्ती 25:23

“मालिकं वयात धाल – ‘स्‍याबास, छ भिंम्‍ह व विश्‍वास याये बहःम्‍ह खः। चिधंगु खँय् हे छ विश्‍वास याये बहःम्‍ह जुल। उकिं जिं आः छन्‍त अज्‍जं यक्‍व खँय् जिम्‍मा बिया थके। छ नं जि नाप लय्‌ताया च्‍वँ।’

मत्ती 25:34

“अले जुजुं थःगु जवय् च्‍वंपिन्‍त थथे धाइ – ‘जिमि बाःनं आशिष बियातःपिं मनूत छिपिं हे खः। वा, संसार सृष्‍टि मजूनिबलय् निसें छिमित बी धकाः तयातःगु राज्‍यय् आः छिमिसं हे अधिकार या।

मत्ती 26:29

जिं छिमित धाये – जिमि बाःयागु राज्‍यय् न्‍हूपिं जूपिं छिपिंनाप दाखमद्य मत्‍वंतले जिं आवंनिसें थ्‍व दाखमद्य त्‍वने मखुत।”

लूका 12:37

मालिक लिहां वइबलय् वं थः च्‍यःतय्‌त मद्यंसे च्‍वनाच्‍वंगु खन कि गुलि स्‍याबास बी। जिं छिमित धात्‍थें धाये – व मालिकं थः च्‍यःयात पाहांयात थें फ्‍यतुकाः नके त्‍वंके याइ।

लूका 23:43

अले वय्‌कलं लिसः बियादिल – “जिं छन्‍त धात्‍थें धाये – थौं हे छ जि नाप स्‍वर्गय् वने खनी।”

यूहन्‍ना 1:14

वचन मनू जुयाः झीपिं नाप च्‍वं झाल। वय्‌कः दया माया, अले सत्‍यं जाःम्‍ह खः। जिमिसं वय्‌कःया महिमा खना, गुगु महिमा बाःया याकः काय्‌या थें च्‍वं।

यूहन्‍ना 12:26

सुयां जितः सेवा याये मास्‍ति वःसा जि नाप वयेमाः। अले जक जि दुथाय् जितः सेवा याइम्‍ह नं च्‍वने खनी। सुनां जितः सेवा याइ वयात बाःनं तःधं यानादी।

यूहन्‍ना 14:3

जि वनाः छिमित थाय् दय्‌के धुंकाः हानं वयाः छिमित जि च्‍वनेथाय् ब्‍वनायंके। अले छिपिं जिनापं च्‍वनी।

यूहन्‍ना 15:9

“जितः जिमि बाःनं माया यानादी थें तुं जिं नं छिमित माया यानागु दु, उकिं छिमिसं नं जिं थें माया यायेगु त्‍वःते मते।

यूहन्‍ना 17:2

छिं काय्‌यात बियादिक्‍व मनूतय्‌त अनन्‍त जीवन बीत फुक्‍क मनूतय्‌त वयागु ल्‍हातय् तयादीगु दु।

यूहन्‍ना 17:22

“छिं जितः तःधं यानादी थें तुं जिं नं इमित तःधंकागु दु। झी छप्‍पँ जुया थें इपिं नं छप्‍पँ जुइमा।

यूहन्‍ना 17:5

बाः, गथे संसार दये न्‍ह्यः छिलिसे दुबलय् छिं जितः तःधंकादिल, आः नं अथे हे तःधंकादिसँ।”

यूहन्‍ना 6:37

बाःनं जितः बियादीपिं फुक्‍कं जिथाय् वइ। अले जिथाय् वःपिन्‍त जिं गुबलें हे त्‍वःते मखु।

यूहन्‍ना 6:39

बाःनं जितः बियादीपिं सुं हे मतनेमा बरु दकलय् लिपायागु दिनय् इपिं हानं म्‍वाना वये फयेमा धयागु हे जितः छ्वयाहयादीम्‍ह बाःयागु इच्‍छा खः।

यूहन्‍ना 8:58

वय्‌कलं इमित लिसः बियादिल – “जिं छिकपिन्‍त खःगु खँ धाये – अब्राहाम स्‍वयाः न्‍हापांनिसें हे जि दु।”

१ कोरिन्‍थी 13:12

आः ला झीसं न्‍हाय्‌कनय् थें जक बुल्‍लुक खनाच्‍वना। अबलय् धाःसा झीसं चूलाक हे स्‍वये दइतिनि। आः ला जिं पूवंक मस्‍यूनि। अबलय् धाःसा परमेश्‍वरं जिगु खँ पूवंक स्‍यू थें तुं जिं नं पूवंक सी।

२ कोरिन्‍थी 3:18

थुकथं झीगु ख्‍वाः उलातःगुलिं प्रभुयागु जलं झल झल थिनाच्‍वंगु दु। प्रभुयागु जलं झीपिं नं न्‍हियान्‍हिथं प्रभु थें जुइत छगू जलं मेगु जलय् हिला वनाच्‍वनागु दु।

२ कोरिन्‍थी 4:6

“खिउँथासं जः थिनावइ” धकाः धयादीम्‍ह परमेश्‍वरं हे जिमिगु मनय् नं जः खय्‌कादिल। उकिं येशू ख्रीष्‍टया न्‍ह्यःने झीत परमेश्‍वरया महिमा व ज्ञान गुलि तःधं धकाः ध्‍वाथुइक क्‍यनेत थथे यानादीगु खः।

२ कोरिन्‍थी 5:8

जिमित पक्‍का विश्‍वास दु, अले थ्‍व म्‍हयात त्‍वःताः प्रभुलिसे च्‍वंवनेत जिपिं न्‍ह्याबलें न्‍ह्यचिलाच्‍वनागु दु।

फिलिप्‍पी 1:23

जि ला बाम्‍हय् कानाच्‍वंगु दु। थ्‍व संसार त्‍वःताः ख्रीष्‍टनाप च्‍वंवनेगु जिगु तःधंगु इच्‍छा खः।

१ थेसलोनिकी 4:17

थ्‍व हे इलय् तक म्‍वानाच्‍वंपिं नं इपिं नाप तुं प्रभुयात आकाशय् नापलायेत सुपाँचय् थाहां वनी। थुकथं झीपिं सदां प्रभु नाप च्‍वने खनी।

१ पत्रुस 1:21

वय्‌कलं यानाः हे छिमिसं परमेश्‍वरयाके भरोसा तये फत। स्‍याये धुंकूम्‍हय्‌सित परमेश्‍वरं म्‍वाकाः तःधंकादिल। थथे यानादीगुलिं हे छिमिगु विश्‍वास व आशा परमेश्‍वरयाके दयाच्‍वंगु खः।

१ यूहन्‍ना 3:2

अय् जि यःपिं मस्‍त, आः ला झीपिं परमेश्‍वरया सन्‍तान खः धकाः झीसं स्‍यू। अय्‌नं लिपा झीपिं गज्‍याःपिं जुइ धयागु खँ झीत कना मदीनि। अय्‌सां ख्रीष्‍ट झायादीबलय् झीपिं वय्‌कः थें हे जुइतिनि धकाः झीसं स्‍यू। अले तिनि वय्‌कः गथे च्‍वं धकाः झीसं खनी।

प्रकाश 21:22

अन शहरय् जिं देगः छगः हे मखना। अनयागु देगः हे दक्‍व शक्ति दुम्‍ह परमप्रभु परमेश्‍वर व चीधिकःम्‍ह भ्‍याःचा खः।

प्रकाश 3:21

गथे जिं त्‍याकाः जि जिमि बाःयागु सिंहासनय् वय्‌कः नाप फ्‍यतुइ खंगु दु, अथे हे त्‍याम्‍हय्‌सित जिं जिगु सिंहासनय् जि नाप फ्‍यतुके बी।